Dinsdag 30 Oktober 2018

'n Vrou se Sensualiteit deur Lynelle Clark

Kan julle glo dit is al program 21?
Ongelooflik hoe tyd vlieg. Tydens elke program het ons elke keer bietjie dieper in gedelf in hierdie spelonk van enkelingskap om die diamant voort te bring. Indien julle enigsins na my aard dan is die afgelope tyd ‘n oog oopmaker gewees. Dit was ‘n tyd van groei, knieë afstof en weer probeer.  Jou wêreld word tot in die fondasie geskud, elke gedeelte daarvan en jy wonder soms wanneer gaan dit ophou. Ons elkeen het ‘n storie te vertel. Elkeen hartseerder of gevul met meer trauma en teespoed. Maar die kern bly dieselfde. Die alleenpad is daar om jou te skuur en gereed te maak vir die glans om deur te skyn. Om werklik in oorwinning te staan en net miskien weer geluk te vind.
Daar is soveel fasette van enkelingskap dat dit onmoontlik is om als in een program te hanteer. Maar ons kom daar, stukkie vir stukkie.
Vandag praat ons oor die sensuele vrou.
Vrouwees kan nogal ‘n hittige gesprek om die kombuistafel word. Elke persoon sien dit anders.  Vernaam as die konsultante Jameson, Richellieu en Captain Morcan saam praat. Gou – gou is die onderwerp sommer onder die belt in en moet jy keer vir al wat jy werd is of net wegstap.
Vir party is vrouwees ‘n vrou wat in voeling is met haar innerlike. Mans admireer en begeer haar en baie vrouens wens dit was sy of is jaloers op haar. Sy kan gewoonlik deur ‘n ring getrek word. Elke haar op sy plek. Sy is vol selfvertroue en straal charisme uit. Mans brom om haar soos ‘n vlam en sy kan nie voor bly met uitnodigings nie. Dit is asof alles net in plek is en sy in beheer is van als om haar.
Dan is daar vrouens wat by die huis bly, vaal lyk in teenstelling en wat al vergeet het hoe om na hulself te kyk. Hulle is slonsig, het ongewaste hare, grimering is iets wat net met troues uitkom. Daarmee kyk ek nie op hulle neer nie. Ek was self een vir 19 jaar. Ek verstaan presies waar jy is. Dit sluit ook werkende vrouens in wat net die nodigste doen en nie kan verstaan hoekom hul oorgesien word vir ‘n bevordering nie. Hulle smelt saam met die muur, is skugter en belangeloos en word baie keer mis gekyk. Hul wêreld draai om hul kinders en huis. Geen sinvolle gesprek kan met hulle gevoer word nie, wat ‘n jammerte is. Hulle het min opinies van hul eie en staar met leë ogies na die wêreld om hulle. In my oë is dit hartseer. Want sy het soveel om te gee maar haar uiterlike veroorsaak dat sy nie ernstig opgeneem word nie.
Dan kry jy die wat so koketterig is, met hopeloos te veel grimering en te kort rokkies. Hulle lyk sommer ydel. En baie min vrouens het ooghare vir hulle en die manne swerm om haar.
Wie het die fliek, “What a woman wants” met Mel Gibson en Helen Hunt in die hoofrolle gesien? Daar is twee vroulike karakters wat uitstaan. Die gesofistikeerde vrou wat ‘n hoë pos beklee in die bemarkingsmaatskappy, gespeel deur Ms Hunt. Die ander vrou is ‘n “paper pusher” wat niemand raaksien nie. Sy is onopvallende en verdwyn eintlik. Op ‘n dag word Mel Gibson se karakter weggelok van die kantoor af en met bliksemstrale en reën kry hy skielik insig tot ‘n vrou se kop. (iets wat baie mans wens hulle ook kan reg kry.) Hy kan elke gedagte hoor met die gevolg dat hy verstom staan oor die vrouens se denke, wat haar gedagtes okkupeer en hoe veel sy eintlik omgee vir haar medemens, asook haarself in twyfel trek. Hy ontdek ‘n hele nuwe wêreld en skielik kan hy empatie hê met elke vrou, selfs die een wat sommer net verdwyn tussen die besige ure.
Helen Hunt se karakter lyk goed versorgd, is in voeling met die lewe om haar, weet wat sy wil hê en het ook doelwitte. Dit maak haar begeerlik in elke opsig.
Dit is by hierdie punt wat ek wil stilstaan en die volgende vraag vra. Hoe sensueel kan ‘n vrou wees sonder om goedkoop of koketterig te wees? Dit het ‘n baie fyn balans, in my opinie. Onthou julle toe sy vertel dat sy op die punt staan om haar eerste huis te koop, in die fliek? Met haar eie geld, waarvoor sy gewerk het? Sy het absoluut gestraal. En Mel Gibson se karakter was gefasineerd deur haar passie. Natuurlik het die versorgde hare, hoë hak skoene en lipstiffie ook ‘n rol gespeel.
Die sensuele sy van vrou wees.
Sonder om goedkoop te wees kan jy ook, met ‘n bietjie moeite mooi voel. Jy kan die lewe geniet, jouself verbeter en smag na meer. Selfs sy, wat lyk of als in plek is sukkel met basiese dinge soos, is ek goed genoeg of kan ek dit maak? Dit is hoe jy oorkom en jou voorkoms wat jou ‘n wenner maak ten spite van jou eie vrese en vrae. Nie die hoeveelheid grimering wat jy opplak nie, of die te kort rokkies wat jy aantrek nie. Nee dit is dieper as dit. Dit is in die manier wat jy jouself “verkoop” en jouself sien.
Jy het nie duur klere nodig om dit te bereik nie. Jy het ook nie ‘n groot salaris nodig nie. Maar jy het wel kennis nodig oor wat werk vir jou en wat nie. Waste kleure pas by jou die beste. En natuurlik wat jy insit. Stap jy gereeld, eet jy gesond, drink jy genoeg water. Alles faktore wat ‘n rol speel in jou welstand.
Leer jy graag, lees jy gereeld? Nie net tydskrifte nie. Waarmee verryk jy jou? Weet jy wat aangaan om jou? Gooi jy nog tantrums wanneer jy nie jou sin kry nie? Belê jy in goeie opbouende boeke en skaar jy jou met mense wat in jou bou?
Deur net ‘n bietjie rooisel aan jou lippe te sit en ‘n kam deur jou hare te trek maak jy ‘n doelbewuste besluit om moeite te doen met jouself. Dit stuur ‘n boodskap uit na die mense om jou dat jou kop reg aangeskroef is. Deur met ‘n regop rug en reguit skouers die wêreld tegemoet te stap vertel jy vir die om jou dat jy nie kaalhande aangepak moet word nie. Sit ‘n glimlag op jou gesig, al is jou hart stukkende binne, glimlag vir jouself. Wees lief vir jouself en bowe als het geduld met jouself.
Jy is mooi, skitterend, gevul met passie geniet vrou wees. Jy het soveel om te gee. Waardeer jou lyf: elke bult, vallei en alles tussen in. Jy is so gemaak om te wens dit was anders gaan niks verander nie. Geniet wie jy is. Moenie alewig kla oor jou tekortkominge nie. Onthou, niemand is perfek nie. Haal jou fokus af van dit en rig jou fokus op ander dinge.
Stokperdjies en lees verander nie net jou gemoedstemming nie maar verbreed jou kennis. Raak betrokke en reik uit is nog ‘n manier om te belê in jouself. Deur te gee ontvang jy. Ons pastoor het Sondag gesels oor ‘n fragrance of gratitude en Maria Magdalena se lewe aangehaal. Dink net daaraan, haar geur bereik nou nog mense, jare nadat sy Jesus se voete gewas het. Haar verlede was nie belangrik nie maar dit wat sy gegee het was wat haar bo ander gesit het en nou, jare later bewonder ons haar nogsteeds. So moet jy ook wees. Jou geur moet so verreikend wees dat dit mense om jou aanraak. Maar jy moet bereid wees om te gee, om in te sit. Om weer te glo in jouself.
 ‘n Sensuele vrou is nie goedkoop nie maar classy. Wanneer ‘n man haar nader is sy in beheer, koelkop en haar waardes is prioriteit. Sy gee die pas aan. Sy skaal dit nie af om by iemand in te pas nie. Sy dwing nie haar eie begeertes af op iemand nie maar werk na haar eie begeertes toe.  Sy bly in beheer van haarself. Wanneer jy jouself afskaal om “aanvaarbaar” te wees vir die ander persoon het jy verloor. Daardie persoon sal jou los want hy het sy respek vir jou verloor. Ses maande later is hy weg en jy sit met die selfverwyte. Dit is nie die moeite werd nie. Nooit nie.
Mans se koppe is anders as ons sin aanmekaar gesit. Hulle is visuele karakters wat als wil sien en wys. Dit is dan wat hy sal vra vir daardie foto en nie skaam sal wees om syne te wys nie. Ongeag die ouderdom. Hy werk jou op dat jy voel jy aan die brand kan slaan. Maar, selfs in die hitte van die oomblik, voor jy daardie gewaagde foto wil stuur, stop en dink eers. Is hy werklik dit werd dat jy afdaal tot daar? Moet jy jouself eers ontbloot voor hy jou sal aanvaar? Duisend maal nee. As jy daardie punt bereik het, het jy verloor. Deur sulke fotos aan iemand te stuur maak jy jou goedkoop. 
Wanneer ‘n mens alleen is en ‘n behoeftes het na geselskap dan sal jy dink, ag hoekom nie. Dit is onskadelik en jy het ‘n bietjie “fun” maar in retrospek, when all is done, jy bly agter met die gedagtes en verwyte. Niks kan dan jou eer herstel nie. Maak dit uit met jouself sommer vroeg op jou enkellopende pad. Lê die reëls neer en hou daarby. Buig of bars. Luister, jy sal uitgekryt word as kloosterkoek of jy dink verniet jy is so preuts, ek weet jy wil dit hê, maar daar is sekere dinge wat net nie die pot sous werd is nie. Hou voet by stuk en stuur daardie man hel toe dat hy sal uitsien na die trip. Vir mans gaan dit oor daardie een oomblik se satisfaksie. Die nadraai verstaan hulle nie en wil dit ook nie weet nie. Dit maak nie van jou ‘n sensuele vrou nie.
Jou waarde is ver bo korale. Jou vrouwees duurgekoop. Daarvan kan miljoene vroue deur die geskiedenis heen getuig. Jou vrouwees se waarde lê vasgevang in jou siening van jouself en wat God dink van jou. Daarby staan jy. Dit leef jy. Jou sensualiteit is nie goedkoop nie en jy deel dit nie met enige iemand nie. Jy dra dit soos ‘n kleed, met waardigheid.
Deur jou gedrag en optrede kyk jy die wêreld in die oë. Jy trek jou mooi aan, hakskoene ingesluit en jy swaai daai heupies net genoeg maar die man wat aan jou wil vat moet weet dat die pop nie mee gespeel sal word nie. Jy is meer as net die mooi bene, boudjies, borste of gesiggie. Jy het ‘n brein. Gebruik die grysmassa tot jou voordeel. Dink slim en wees slim. Maar moenie jouself afskeep omdat jy dink dit is die beste nie of omdat die samelewing dit van jou verwag nie. Sensualiteit is passie. ‘n Persoon met ‘n positiewe denke wat stuit vir niks. Sensualiteit loop jou vooruit en baan die weg vir nuwe avonture. Jy dink oopkop en is ook nie bang om vrae te vra nie. Jy sien elke gebeurtenis as ‘n avontuur. Dit skei sekere hormone af en jy voel net in beheer.
Onthou asseblief, grimering en mooi aantrek is nie sonde nie. Die Vader gaan jou nie met ‘n bliksemstraal slaan omdat jy bietjie rooisel dra nie. Die is net ‘n hulpmiddel om jou selfvertroue te bou. Ek glo daaraan dat my hare netjies moet wees voor ek dorp to gaan, of kuier mense ontvang. Is my hare kammery skielik sondig. Nee, allermins. Maar my hare en hoe ek lyk veroorsaak dat ek lekker kan kuier, gemaklik optree en met selfvertroue kan beweeg. Daar is baie tye wat ek nie ‘n greintjie grimering dra nie, dit hang af waar ek is of wat ek doen. So dit is nie my fokus nie. Maar dit help darem met die prentjie.
Ander dinge dra ook by tot die innerlike selfvertroue. Hoe meer jy in jouself belê, hoe meer kom die sprankelende mens na vore. Jy is liggaam, siel en gees. Wanneer al drie in balans is dan het jy ‘n wenresep. Met jou gees altyd onderleiding van die Heilige Gees. Hy sal jou vining uitwys wanneer dit tussen jou en jou verhouding met Vader laat staan. As Hy dit nie uitwys nie is dit nie sonde vir jou nie.
Die enigste keer wat mooimaakgoed sonde word is wanneer jy obsessief is oor dit. Dit reël jou dae en emosies en jy ry soos ‘n wipplank op en af daarop. Maar die basiese dinge, wat jou goed laat voel is goed, amper ‘n moet – ons het al voorheen daaroor gesels. Dit maak die lewe net aangenamer.
Verby is die dae dat ons omverskoning moet vra om goed te lyk maar saam met dit kom daar tog verantwoordelikheid. Jy, as vrou, dra die grootste verantwoordelikheid. Dit hang van jou af hoeveel jy in jouself glo. Jou waardigheid en passie is gelykstaande aan die kwaliteit tyd wat jy insit sonder om terug te staan. Jy is geregtig op geluk maar jou geluk hangaf van die keuses wat jy maak. Jy kan niemand blameer as dinge nie uitwerk nie. Net jouself. The buck stops with you. Jy is in bestuur en jou paaie en afdraaipaaie word deur jou keuses bepaal. Maak seker dat jy wys kies; ingeligte keuses maak.  Jou passie is jou dryfveer wat jou met elke tree vorentoe vat. Maar dit kan jou ook kniehalter en stop indien jy die verkeerde besluite neem. Moenie bang wees om raad te vra nie. Wees versigtig maar moet ook nie bang wees nie.
Jou onverskroke entoesiasme sal jou so ver vat as wat jy wil gaan. Maar doen dit met wysheid. Wees vrou, eg en braaf. Net dan kan jy werklik jou toekoms tegemoet gaan. Net soos ‘n Maria Magdalena van ouds. Sy was onverskrokke in haar optrede. Die oomblik toe sy Jesus se voete gewas het was haar verlede agter haar en net die geur van Jesus se liefde het haar omhul.
Skitter net waar jy is diamant, geniet jou nuutgevonde vryheid en kyk die wêreld in die oë.
Tot volgende keer.
Skitter net waar jy is.


ELAN GLOBAL RADIO
Die Stasie Vir Passievolle Mense
https://www.elanglobalradio.com
Facebook: Elan Global Radio Kuier en Klets https://is.gd/s1PX8T
Twitter: Elan Global Radio
Instagram: elan_global_radio
WhatsApp: 066 305 3580



om Geen opmerkings nie:
Etikette: , , , , , , , , ,

Dinsdag 23 Oktober 2018

Diamant Divas Program vir Woensdag 24 Oktober 2018. Triggers – snellers


Wat beheer jou onbewustelik?

My onderwerpe wissel soms van die normale voorlegging vir die program. Omdat ek nog self op ‘n ontdekkingstog is en nog nie als perfek het nie is daar tye wat ek met dinge moet deel. En as ek met dit deel weet ek dat daar vrouens is wat ook daarmee sukkel. Dit is wat die program material bepaal. Miskien nie altyd wat julle sal verwag nie. Maar ek glo aan openlikheid. Hopelik sal julle ook daarby baat vind in hierdie pad van herprogrammering en soeke. Onthou ‘n diamant word gepolitoer en gevryf om die perfekte steen te wees. Hoe meer ons werk aan die klein jakkalsies hoe vinniger word ons bruikbaar – kan ons glas sny sonder probleme of weerstand.

Die week was ek met die vraag “wanneer kry jy die verlede agter die rug?” gekronfronteer. Na ‘n paar hittige woorde het ek net weereens besef dat daar tog nog dinge is wat my affekteer. In my optrede en aksies. Ons reaksies tree op as ‘n verdedigings meganisme en ek tree soms kompulsief op deur aan te val; wat eintlik teen my geaardheid is. Die klemmende gevoel wat my soms beetpak is iets wat ek nie rerig in woorde kan omskryf nie maar dit veroorsaak dat ek impulsief optree. Ek verloor selfs my woorde en my denke word totaal omvergegooi dat ek nie mooi kan dink nie. Dit is die sneller wat my laat optree, en wie ookal voor my staan kry die koeël by wyse van spreuke. Want hy/sy is skielik die teiken. Jy weet hulle is nie die vyand nie maar daardie sneller ontplof. Plotselings en sekuur. Agterna besef jy dit was verkeerd en jy kasty jouself daaroor. Vra omverskoning maar dan is dit eintlik te laat; die seer is gedoen.
Ons kan vreeslik geestelik raak oor hierdie onderwerp en teksverse uitwys dat God ons beheer. Maar in die dag tot dag lewe, waar jy omring word deur mense en jou omgewing, kan die ding ‘n groot invloed hê op jou handelinge. Die oomblik wat iemand iets aan jou doen, los dit verrykende gevolge vir jou. Dit is dan wat God nie in beheer is nie maar jou eie siel. Dit gebeur outomaties; Dit is selde wat jou gees jou dan lei.
Eintlik reageer jy om jouself te beskerm maar die ander persoon sien dit nie so nie. Hulle dink jy doen vergelykings – spesifiek met jou lewensmaat wat die nadraai van jou gedagtegang kry.  Die meriete van hierdie soort optrede dra gewig in sommige gevalle maar wanneer dit ons hele lewe affekteer en elke besluit beïnvloed word moet daar ‘n punt kom waar ons stop. Moet ons beheer daaroor vat.
Dit is moeilik om na aantal jare jou gedagtes te verander. Om werklik nuut te dink. Vir solank word jy geprogrammeer om op te tree volgens sekere gebeure of handelings wat teen jou gemik was. Selfs al probeer mense jou anders bewys. Dit vat tyd om dan weer anders te dink.


Met dit ingedagte staan ek vanoggend onder die stort en gebruik die water wat op my neer reën as ‘n simbolieke aksie. Die stortkop, die Vader uit wie lewegewende water voortkom en op my neer reën. Ek laat toe dat vars water oor my spoel. Die Engelse het ‘n mooi woord daarvoor. Ek “immerse” weer opnuut in die Vader se teenwoordigheid. Wat dit beteken in kort is ek plaas my self in ‘n posisie om weer te ontvang en my denke te vernuwe. Ons kan nie meer handel op ou, styl manna nie en het daarom nodig om weer gevoed te word met nuwe vars manna. Manna wat nou toepaslik is. Net wanneer ons gevul word met die nuwe kan ons die triggers oorkom. Dit is ‘n daadwerklike stap in die regte rigting om genees te word.


Triggers of snellers is goed waarmee die meeste mense onbewustelik sukkel. Die meeste van ons besef dat daar so iets is by mense wat in ‘n oorlog toestand was of mense wat deur erg traumatise gebeurtenisse gegaan het. Maar min besef dat lewenslesse ook triggers laat. In my lewe was ek deur erge finansieële lesse wat diep spore gelaat het. Dit was ‘n vreeslike tyd waarin ons rondgetas het vir antwoorde met geen uitkoms nie. Ons was vir 5 jaar sonder werk en ons het letterlik van dag tot dag geleef. Elektrisiteit was ‘n luukse waarsonder ons moes klaar kom. Toe dit gebeur het, het ons nie gas gehad bv om aan ons daaglikse behoeftes te voldoen nie. Ons kon nie kos maak nie; het nie ‘n yskas gehad om kos te kon bewaar nie. ‘n Kar was ‘n luukse en ons moes loop waar ons wou wees.
Dit als los letsels. Die vrees dat hulle jou laaste paar goedjies ook gaan kom vat. Die vrees dat hulle jou gaan kom toesluit omdat jy nie jou skuld kan betaal nie. Die vernederings waardeur jy gaan wanneer elke stukkie menswees van jou gestroop word. Dit het ‘n geweldige impak in my gemaak. Ons was glad nie voorbereid op so iets nie en ek was by tye kwaad vir die Vader.
Toe my maat se jaarlikse rente skielik verdwyn uit sy rekening het al daardie vrese weer terug gekom. Dit was ons inkomte vir die volgende jaar, en totdat my eie besigheid ‘n inkomste toon. Dit was so onverwagse dat dit ons albei van balans gegooi het. Die trauma is weereens beleef. Dit was asof die verlede weer sy opwagting gemaak het en ek het soos ‘n failure gevoel. Dit het gevoel of die goed my agtervolg en my wil vernietig. Dit is seker baie vergroot, maar in jou kop beleef jy weer al daardie emosies van ouds.
Triggering veroorsaak ‘n negatiewe emosionele uitwerking en jy reageer. Wanneer mense dit nie ervaar het nie dan verstaan hulle nie hoekom jy optree soos wat jy optree nie. Hulle verwyt jou dan. Vertel jou hoe sleg jy is en dat jy net simpatie soek. Of elke optrede word bespreek en jy word beskuldig dat jy dink die wêreld skuld jou iets. Dit dra nog verder by tot die sere wat jy moet verwerk. Hierdie emosionele reaksies kom uit as vrees, onbeheerste huilbye, terugblikke, en kan selfs fisiese reaksies veroorsaak soos pyn of, in my geval, my ekseem flair skielik erg op. Dit voel dan of ek al die probleme uit my wil krap en laat merke op my bene, arms en lyf wat ‘n tyd vat om volkome te genees, en gewoonlik net met die hulp van kortisoon. En as daar nie geld is vir behandeling nie vererger dit.
Hierdie sneller word veroorsaak deur ‘n onverwagse verandering in jou lewe waarvoor jy nie voorbereid was nie. Enige iets kan dit aktiveer. ‘n Spesifieke woord, of daad. Vir sommiges ‘n lied, of plekke. Selfs klere en kleure kan daarmee geassosieer word. Letterlik enige iets kan veroorsaak dat jy skielik paniekerig raak of ontplof. Injustice is nogal ‘n groot trigger by my. Ek word sommer blind van woede.
Omdat ek nog self-maar genesing moet ontvang moes ek bietje gaan rondkrap op Google vir antwoorde. En hier is wat die slim mense skryf. Hopelik sal dit nie net vir my nie maar vir elke diamant ook van nut wees.

Heal our life dot com / living free dot com
The completion process by Teal Swan

Hoe kan die mense naaste aan jou help om dit te oorkom of te vermy?
Kennis help gewoonlik. Indien jy die persoon se storie ken, verstaan wat om te vermy. Moenie bydra tot die angs gevoelens of opmerkings maak soos jy sit net aan of ruk jou reg nie. Doen bietjie navorsing en wees bedag om so ‘n persoon te help. In plaas van om vir ‘n persoon te sê hulle is nou laf of kom net daaroor, help om die stress te verminder en tree in die bresse. Wees sensitief vir die persoon se reaksies en moenie dit persoonlik vat nie.  Dit is gewoonlik waar die meeste mense naaste aan so ‘n persoon dit mis vat. Die persoon probeer om te verduidelik hoe hy/sy voel, om dit dan persoonlik op te vat is katastrofies vir die verhouding. Die persoon het gewoonlik nie verweer daarteen nie. En die ander persoon is ontsteld. Dit is dan ‘n kruitvat wat met die geringste provokasie kan ontplof.

    1.   Gee aandag aan die sneller. Deur dit te ignorer gaan dit nie laat verdwyn nie. Elke sneller is verbind met jou gedagtes en emosies.  Voor jy reageer raak stil en oorweeg die reaksie. Sal dit tot voordeel wees in die situasie?
2.   Identifiseer die snellers. Hier het ek ‘n lang lys neer gepen van my eie snellers. Begin met die logiese snellers. Wanneer jy klaar geskryf het beskryf dan jou reaksies. Hierdie reaksies kan jy hok slaan deur dit te vervang met positiewe reaksies en woorde. (Ek wil tog byvoeg indien jy werklik sukkel, praat met ‘n berader oor die dinge. Kry kundige advies. Op EGR se panel is daar heelwat beraders met wie jy kan kontak maak.)
3.   Probeer om te verstaan wat gebeur voordat die snellers afgaan. Gebeur dit in die dag of nag? Hoekom is jy in daardie netelige situasie?
4.   Haal jou vinger van die spreekwoordelike sneller af. Uit self verdedigings loop jy permanent met jou vinger op die sneller; altyd gereed om af te vuur. Maar ons moet dit ons doel maak om nie te reageer nie. Jy moet ‘n keuse maak om weg te draai. Dink aan die reaksies wat jou optrede sal veroorsaak.
5.    Verander jou geloofsisteem. Val eerder die leuens aan wat geassosieer word met daardie sneller. Bring God se waarheid in. Doen Bybelstudie. Wat sê God se woord oor die bepaalde struikelblok? Verander die leuen met die waarheid en praat dit totdat dit deel geword het van jou.
6.      Jou siel moet nou gesond word. Kies ‘n nuwe reaksie. Deel met die emosies met die Lewende swaard. Onthou jy is nie net ‘n diamant nie maar ook vegter. Die harnas van waarheid is jou beskerming. Dra dit met trots.
    Daar is 5 belangrikke stappe wat ons kan volg om weer beheer te kry. stappe wat ons gaan help om weer mens te word en gelei te word deur die Heilge Gees i.p.v ons impulsiewe geaardhede of die sielsvlak. Die stappe is….


 5 Core steps

1.       Creation of a safe haven – setting up a mental place where it’s safe to re-enter a painful meeting.
2.       Validation – giving the painful emotion the message that we see it as valid.
3.       Seeking origin – asking, “when was the first time I felt this feeling?” to connect to the root of it.
4.       Awaiting relief – inside the memory, letting the feeling naturally shift in the direction of relief.
5.       Purification and healing. A ritual for closing the memory of trauma and beginning a “new life.”
This is a journey that will take you into the deep recesses of your mind, resurrecting the aspects of themselves that have been lost. Skryf Teal Swan.
Vertroue is ‘n groot aspek van herstel. Met dit ingedagte kom ons vervang saam die leuen van wantroue met Vader se woord. Onthou, vars manna is nou nodig. Praktiese bakens wat jy oral om jou kan opsit en dit leef. Hoe meer jy dit sien hoe meer sal die leun vervang word en sal jou siel genesing ontvang. Die geleerdes sê dit vat 21 dae om ‘n gewoonte te verander. So, vir die volgende 21 dae gaan jy baie naby die Bybel wees. Jy gaan deurdrenk word met die waarheid; Die verse gaan lewend word. Leuens moet die knie buig. Die krag van die woord gaan ons help om hierdie siklus te breek.
Kom ons voeg die daad by die woord en spreek die Woord hardop. Onthou ons ore moet dit hoor sodat ons kop die nuwe inligting kan registreer. Nes ‘n rekenaar moet jy herprogrammeer word. Gereset word as te ware. Ons het nie nodig om langer in hierdie trigger fase te bly nie. Ons kan ‘n goeie lewe leef. Dit is immers God se belofte aan ons.

2 Tess 3:3-4 Die Here is getrou. Hy sal julle versterk en julle van die Bose bewaar. Deur die Here het ons vertroue in julle dat julle doen en sal doen wat ons julle voorhou.
Hy lei ons ook in die vertroue wat ons in mense kan stel. Immers was mense die wapen wat teen jou gebruik was. 2 Kronieke 16:9 Die Here het sy oë oral op die aarde, sodat Hy dié kan help wat met hulle hele hart op Hom vertrou.

Ps 84:13 bely: Here, Almagtige, dit gaan goed met die mens wat op U vertrou.

Ps 112:7: die regverdige…is gerus, hy vertrou op die Here.

Ps 115:11 Julle wat die Here dien, vertrou op die Here, Hy help en beskerm julle.

Spreuke 3:5 Vertrou volkome op die Here, en moenie op jou eie insigte staatmaak nie. Ken Hom in alles wat jy doen, en Hy sal jou die regte pad laat loop.

Spreuke 16:20 Wie op die Here vertrou, met hom gaan dit goed; een wat op die Here vertrou is voorspoedig.

Jesaja 28:16 Ook wanneer U straf, Here, vertrou ons op U.
 Volgens die Bybel moet ons, en kan ons, op God vertrou.

Hier is nog 'n paar skrifte vir julle eie stilte tyd. 

Ps 4:6; 9:11; 25:2,3,21; 26:1; 27:14; 28:7; 31:15; 32:10; 33:20; 37:3,7,34; 38:16; 46:6,12;  43:5; 55:24; 56:4; 62:2; 71:5; 78:22; 91:2; Spr 20:22; Jes 12:2; 25:9; Jer 14:22; Dan 3:28; 6:24; Mat 27:43; Hand 27:45; 2 Kor 1:9; 3:4; Hebr 2:13.




Twitter: Elan Global Radio
Instagram: elan_global_radio
WhatsApp: 066 305 3580



SKAKEL IN: 

SIMPLE RADIO App.

http://www.liveonlineradio.net/south-…/elan-global-radio.htm



om Geen opmerkings nie:
Etikette: , , , , , , , , ,
Teken in op: Plasings (Atom)

In gesprek met Kleinboer, of te wel Fanie de Villiers.

Ek is Fanie de Villers, en skryf onder die naam Kleinboer.   Ek is in 1956 in die Boksburg-Benoni-hospitaal gebore, blouerig en ses weke v...