Friday, October 18, 2019

Help an author/verleen hulp aan 'n skrywer

With only twelve days to go please consider donating towards my fundraiser. Your contribution will enable me to accomplish my dream. Om Amazon the free offer has expired but the books are still available on Smashwords for free till the end of the month.
https://gogetfunding.com/distribution-of-books/

Monday, October 14, 2019

Bosveldstilte deur Lynelle Clark

Foto geleen

DAAR IS IETS WAT KENMERKEND is van die bosveldstilte wat jy nie ervaar op ander plekke nie. As gereelde kampers beleef ons dit dikwels.
Dit is ‘n stilte wat jy voel tot in jou beendere en jou heel laat. Van die noorde tot die suide van die land is die bosveldstilte eiesoortig. Die stilte se spore in jou gemoed altyd treffend wanneer jy terug verlang na die besondersheid en sodra jy weer daar kom voel jy tuis. Op jou gemak en gerus; reg soos koffie kapitaal vroeg in die oggend.
Dit is baie meer tasbaar in die aandskemering en nag. Die getinte hemelruim in goud gehul wat jou Asemloos laat. Deur die dag is dit die sonbesies, swerms vlieë en derglike insekte plus die dag tot dag take wat jou besig hou maar laat middag tot skemer begin jy rustig raak, selfs die muskiet iets wat jy vinnig wegklap terwyl die natuur se magnetisme ‘n daadwerklike invloed het wat jou outomaties lei na buite. Na die ooptes en jy jou longe vol trek van die vars lug.
Voor die bostv kan jy die stilte hoor in die soelheid van die aandskemering. Die geritsel van die natuur in wonder soos dit haarself gereed maak vir die donkerte. Die volmaan wat stadig maar seker die hemelruim klim kompleet asof hy opgetrek word aan ‘n katrol. Verskans tussen blare en takke klim hy die hemelruim op ‘n defnitiewe koers. Die natuur se kleur verandering laat ‘n heimweë agter verskans in skaduwees wat dan in jou beendere kom sit. Dit dwing jou om te ontspan sodat jy ingestel kan word op die mees basiese dinge. Niks is dan meer belangrik as daardie oomblik vasgelê in tyd nie. ‘n Tyd van gesels, vriende maak, suie aan ‘n glassie rooiwyn omring met die nagtelike geluide terwyl die vuur sy dans dans.  
Die vuur praat sy eie taal soos dit suis en kners. Die ligte bries laat vuurvliegie-tonge rond dans, net so bo die gloeiwurmhout. Snoesig in sy vuurkombers. Net om so nou en dan te knetter in luide klanke gevul met hitte en energie. Dit boei jou. Vernuwe jou. Jou praat en lag kom dan natuurlik, jou luister beter ingestel. Daardie oomblikke van saamwees skep ‘n nuwe energie in jou eie wese maar maak jou kalm meer oplettend.
Dan is daar die wind wat behoorlik baljaar tussen die droeëblare. Diè jaar is die bome en veld dor van dors nog so laat in Oktober. Gestroop van groenigheid is hulle nog verskuil in hul bruin wintersgewaad. Skakerings van groen ‘n kleur wat jy kry rondom die watergat of spreier, vir die wat nog gelukkig is om ‘n boorgat te hê.
Tussen dit als bly die stilte praat. Sy stem stil met ‘n defnitiewe suising wat so nou en dan versteur word deur die geritsel van die wind of die klap van die vuur. So asof hulle in ‘n vergadering is. Met ordelike tussenposses en individuele spreekbeurte.
Dit is dan wat jy as mens net kan luister na die stil klanke. Die harmonie van natuur, stilte en vuur asook die wind in ‘n eenheid vasgevang wat jou wese vul met geure en verlange. ‘n Verlange na dinge wat jy nie behoorlik weet nie. Na die onmeetlike soos die uitspansel bo jou uitstrek, die flikkerende sterre ‘n herinnering van ‘n Hoër hand. Wat jou opnuut weer klein laat voel. Jou aandag vasgevang in die wonder wat om jou afspeel.   
Ja, die stilte is ‘n defnitiewe gebeurtenis wat jou versadig laat. ‘n Versadiging van innerlike vrede dat dit môre sal goed gaan, dat vandag verby is. ‘n Gewaarwording so groot soos die uitspansel self.
Kopiereg voorbehou


Sunday, October 6, 2019

Oktober nuus / October Newsletter

Oktober het stilweg ingesluip en los alreeds sy spore in 'n mens se gemoed. Dit is 'n tyd van nuwe lewe, vir ons wat nou die lente seisoen inbeweeg. Dit is 'n tyd van op en wakker wees maar ook 'n tyd van besin, opkyk en die wortels versterk om staande te bly. 
Stay rooted and grounded - is die woorde wat bly maal in my kop - na 'n slapelose nag. So, wie ook al dit saam met my voel, die boodskap is ook vir jou. Ons het 'n vaste vertroue waarin ons moet bly, deurgans.  
September het 'n paar verrassings opgelewer, onder andere 'n onverwagte vakansie in die mooie Mpumalanga. So tussen my werk deur (wat ek kon saam vat) kon ons die omgewing geniet en bietjie rus. Die drama met die Internet was net frustrerend. Gelukkig was daar 'n WiFi plekkie so 7 km van daaraf. Maar ai. 


Die besoek aan Sudwala grotte was uniek en die gids het ons vergas met allerlei stories. Kaapse Hoop was nog 'n verrassing. Weggesteek tussen denneplantasies net 35 km van Nelspruit af, het die pragtige dorpie sommer in my hart gekruip, stofstrate en al. Die besoek aan Paul Kruger se huis het ons net weer 'n nuwe insig gegee in die merkwaardige man se pad en sy aandeel tot die opbou van ons land. Verder kon ons stap en swem, so bietjie verneuk met die dieet en gesmul aan Spoorweg koffie met die komplimente van Halls Mall in Nelspruit. Voeg 'n onverwagse dougnut by dan kan julle verstaan ek was behoorlik soet agterna. Die stap 'n absolute moet agterna.  
Maar soos met alle goeie dinge was die week te vinnig verby en is ons weer terug by die huis, lui maar vernuwe. 

Nuwe boek vrystelling



Die goeie nuus is dat Spore van Genade nou klaar is en reg is vir aflewering. 
Volg gerus die skakel om meer van die projek te leer. 
Julle kan die boek deur my aankoop teen R245 posgeld uitgesluit.
Maar bo als, ondersteun die projek wat geloods is deur Alta van Zyl. 

SKAKELS 


Abuse Awareness Fundraiser in Nigel 16 November 2019 

Kersmark in Leslie 9 November 2019

Some news about my book: 

To my shame, I must admit that this book is not done.  To give any excuse would be tardy from me but life happens... right. That doesn't mean I didn't think about the characters and that the characters didn't talk to me. And did they talk? :) My notebook is full off ideas, now they need to be ordered neatly to get the story straight. 

Once this post is done it will be the last time I will be seen on the Internet. This week is dedicated to the book. This time I, the author will not take any prisoners... everything else has to wait. Klaar. ;)

On the topic of the book, I was approached by a publisher from the US and before you give your congratulations, stop first. IT WAS A SCAM. These people are relentless, really and it is beyond frustrating. They waste your time, resources and data just to get a quick buck. 
Don't worry, my money - the little that there is, is safely in the bank.  Big sigh. 

So, my message today to all authors: Be vigilant, be alert. Don't be fooled and listen very closely to what they say. Because their lies are in their words and it will reveal itself. If you have a good dose of common sense and knowledge about the industry then you will learn quickly what to avoid. 

On the topic of money, many know that writing is my only source of income. The reason I began with Letterpas Freelance services and as my clients call me their book agent - it has a nice ring to it, right. ;)


But on my blog, I've added a Paypal and Visa link. In order for me to continue, I need the support. Without it I am dead in the water, so to speak. So if you support me by donating or buying one of my books you will help me to create an income for me. It is that simple. 
I don't like to beg, I rather work and believe me, writing is work. Which I do, a lot!
This is not something I do often, talk about money. But times necessitate that I do. So please forgive me for this. In fact, it will be unwise to keep on working/writing for free and I am hopefully not unwise. 

Well, that is my news - nie veel om te se verder nie - die karakters roep en ek wens julle 'n mooi Oktober toe. Vol prag.... Los jou voetspore in ink. Mooi loop.

Ek het besluit om uit my eie comfort zone hokkie te klim en te vra vir hulp.
Daar is ook goeie pryse/rewards om te wen.
It is time to to the extraordinary. Please share it with your circle of friends.


Contact letterpas@gmail.com for a quote 

Saturday, October 5, 2019

Storietyd: Het drome 'n vervaldatum? Deur Lynelle Clark


“Ma, Pa… ek het fantastiese nuus!” Nellie het deur die tuin gehardloop tot waar haar ouers onder die koelte boom gesit het.

“Waaroor is die bohaai?”
“Pappa, ek is in!” het sy gegil van vreugde.
“In by wat?” Haar pa se kenmerkende frons afgeëts tussen donker groen oë. Oë sprekend van haar eie groen poele.
“Die onderhoud. Ek moet môreoggend elfuur daar wees.”
“Ek dink dit is sommer lawwigheid. Jy sal in elk geval nie die geleentheid kry nie.”
“Hi Frans, hoe kan jy so sê? Nellie is goed en verdien ‘n kans.”
“In watter land bly jy Mattie?” met rollende oë draai haar ma na haar toe, “Bevestig my kind, mamma sal jou vat.”
“Dankie, Mamma.” Sy kon altyd reken op haar ma se ondersteuning, iets waaroor sy baie dankbaar was.
“Dit is simpel om eers te wil probeer. Sy is te wit in die eerste plek.” Snou hy toe maar dit klink meer soos ‘n grom. Hoekom geld uitgee op ‘n meisiekind se geleerdheid, sy gaan in elk geval trou en dan was dit geld mors; is sy gedagtegang. Hy het dit menigmaal al voorheen gesê. Die politieke toestand het hom ook bitter gelaat. Hy wou nie meer die goed raak sien nie.
“Gaan maak eerder tee pop.” Het hy haar verjaag en weer sy aandag op die oopgevoude koerant op sy skoot gespits. Doeltreffend het hy hulle uitgesluit. Nellie onthou die absolute radeloosheid wat sy ervaar het. Stilweg het sy omgedraai, mamma se bemoedigende glimlag het maar min gehelp.
“Ek wens jy wil net eenmaal belangstelling in Nellie toon, Frans.” Nellie kon nog die woorde onthou. Die papiergordyn die enigste antwoord oor haar toekoms.
“Sy het hard gewerk. Haar punte lyk goed. Sy sal ‘n uitstekende joernalis wees.”
“Stop met die argumente vrou.” Weer het sy die koerantpapier hoor skud voor sy verdwyn het in die kombuis in.
Vir lank het sy net daar gestaan en uitstaar. Haar ma in diep gesprek met die koerant. ‘n Gefrustreerde traan het teen Nellie se wang af gerol en sy het dit verergd af gevee. By haar studeertafel het sy ‘n pen en eksamenblad uit gehaal en begin skryf. Haar duidelike skrif was ‘n teenstelling met haar gemoed maar sy het als neergeskryf wat in haar hart op gekom het. Opgehoopte emosies van jare se verwerping het net gevloei daardie dag.
Nellie was besig om kaste reg te pak toe sy weer op die oorgetrekte boks afkom met haar kinder drome daarin. Die deksel se blink papier nou dof van ouderdom. Daardie selfde gevoelens woed weer in haar. Die hele gesprek en daaropvolgende afspraak was net ‘n droom wat ook weggepak was. Die universiteitbrief netjies toegevou saam met die brief. Haar pa het sy sin gekry en sy het nooit gegaan nie.
Haar ouers is albei oorlede, kort na mekaar. Die lewe het aanbeweeg en die leemtes het verskuil gebly. Die jong Nellie se drome en ideale het saam met die boks verdof. Hier sit sy nou. Haar lewe opgeoffer vir haar man, kinders en huis. Die laaste dertig jaar was vervuld op sy eie manier. Nou is die laaste kind ook uit die huis uit. Wat nou? Waar laat dit haar?
“Nellie, waar is jy?” swaar voetstappe kom die gang af en sy vee haastig die lastige trane af en plaas dan met bewende vingers die brief weer terug.
“Hier is ek Walter.” En haar man van die laaste vyf en twintig jaar stap hul kamer binne. Hulle het ontmoet in die jaar wat sy negentien geword het. Toe sy swanger raak met hul oudste seun het sy haar drome weggepak sodat sy die regte ding kon doen. Sy het hom drie seuns gegee. Sy drome het hy uitgeleef deur hulle groei en sy loopbaan as boekhouer en sy het stilweg toegesien dat alles glad verloop by die huis. Die verlange na ‘n beroep weggebêre soos so baie ander dinge in haar lewe.
“Wat maak jy?”
“Pak sommer die kaste reg,” en sy sit die boks ongeërg terug op sy plek; op die heel boonste rak, in die verste hoek.
“Ek ken nie daardie boks nie, waar kom dit vandaan?” en hy gaan sit op die hoek van die bed, vraende oë opgehef na haar.
“Sommer niks, ek moet dit eintlik weggooi.” En sy maak die deur beslis toe.
“Wys my toe.”
“Kom ons gaan kombuis toe, ek het sommer snack witches gemaak vir middagete.”
“Nellie, stop. Wat gaan aan?”
“Niks nie Walter, kom nou, die broodjies gaan pap word.”
“Ons kan dit weer warm maak. Wat se boks is dit en wat is daar in?” sy stem baie beslis. ‘n Stem wat hy gewoonlik vir die seuns gebruik. Stry gaan nie help nie.
Met ‘n sug maak sy weer die kas oop en trek die boks nader wat sy dan afhaal en vir hom gee. “Dit is sommer net kindergoed van my jonger dae,” probeer sy dit afmaak.
“Ek wil sien. Jy het dit nog nooit vir my gewys nie,” en hy neem die boks by haar.
“Daar is niks interessant in nie. Boring eintlik,” skerm sy.
Stil haal hy al die kaartjies en briewe uit en vou dan die brief oop wat sy geskryf het. Met ingehoude asem hou sy hom dop. Die universiteitsbrief lees hy eerste en kyk dan na haar voor hy weer na die eksamenblaaie kyk. Toe sy hande eintlik op sy knieë sak kyk hy direk na haar. Sy oë gevul met ‘n onbekende lig wat sy nog nie voorheen gesien het nie. Nellie kon sweer daar is vogtigheid in maar sy moet haar verbeel want Walter is die sterk soort. Trane word net nooit gesien in die dieptes nie.
“Nou maak baie dinge sin,” en vryf hy sy oë maar voor Nellie kan vra watse dinge kom die volgende vraag. “Hoekom het jy nooit gepraat nie? Voel jy nogsteeds so?”
“Dit is lank terug. Jy weet hoe dit gaan. Die lewe gaan aan.” Wat meer kan sy sê om dit te verduidelik? As sy eerlik moet wees dan voel sy nog netso. Onvervuld, nou meer as ooit is sy nuuskierig oor haar lewe en wat sou gebeur het as sy deurgedruk het. Maar tyd het nou uitgehardloop.  As, verbrande hout wat nie meer kan brand nie.
“Nel… daar is nog tyd. Jy kan weer probeer.” Sy gee ‘n sieniese laggie. “Nee my man, ek is te oud. Niemand sal my meer ‘n kans gee nie,” sy vat die boks by hom en plaas die verlede weer terug agter die vier mure van die kas. Vir ‘n lang oomblik is daar doodse stilte in die kamer. Sy kan Walter se priemende oë op haar voel terwyl sy die boks weer terugsit en die kasdeur toemaak. Dan verlaat sy die kamer om sodoende sy oë te vermy. Haar huis is nou haar lewe. Haar drome verweef by haar seuns sin.
“Nellie, vrou…”en voor hy die sin voltooi gee sy vir hom die halfklaar tamatiesousbottel aan. In stilte eet hulle verder. Toe Walter opstaan steun hy effens. ‘n Steun wat meer geklink het soos ‘n sug maar sy los dit daar. Toe hy deur die agterdeur verdwyn met die karsleutels in die hand weet sy hy gaan ry. Dit was nog altyd so. Sy kom en gaan het sy lank gelede aanvaar so sonder verduideliking. Veel later stap hy in en soengroet haar waar sy sit en TV kyk. Die bekende sepie se laaste deuntjie sypel deur die vertrek.
“Môreoggend moet ons kollege toe gaan en gaan uitvind van joernalistieke klasse wat jy kan loop.”
“Ek sien nie meer kans nie. Wie sal dan ‘n ouvrou ‘n kans gee om te werk?” haar oë stip op die TV terwyl haar hart bons.
“Ek ken die redakteur van die plaaslike koerant, Tinus Beeckman. Ek het met hom gaan gesels vanmiddag. Hy wil jou ‘n kans gee Nellie.” Hy kom sit reg voor haar sommer op die koffietafel. Iets wat sy verpes maar op daardie oomblik staar sy hom aan. Haar ore moet stukkend wees, daarvan is sy seker.
“Hy wil van jou werk sien. Hier is sy e-pos adres, jy kan dit direk aan hom stuur.”
“Hmmm…”en Nellie sluk, haar woorde opgedroog.
“Ek het lanklaas geskryf,” kry sy dit eintlik uit, haar hals aan die brand.
“Dan sal ek aanbeveel dat jy die TV afsit en begin skryf.” En met dit kom ‘n reghoekige boks te voorskyn, een wat sy nie vroeër gesien het nie. Sy weet genoeg om te weet wat dit is maar het nog nooit een van haar eie gehad nie.
“Op jou nuwe loopbaan.” Kom die verleë woorde en Walter plaas die skootrekenaar op haar skoot. Die skerm flikker aan; sy blinkoog ‘n uitnodiging wat haar vorentoe laat stu en aan die muis raak. Vlugtig speel sy oor die sleutelbord en gaan dan reguit na die dokument.
Haar siel op daardie oomblik vry en lig en sy glimlag breed.
“Daar is my vrou.” 

Kopiereg voorbehou


As jy hou van my stories oorweeg 'n donasie, 
dit sal my instaat stel om voort te gaan. 

Monday, September 9, 2019

September Nuusbrief / News letter


Ek is besig om ‘n Skryf-outobiografie te lees van Steven King. Dit is ‘n lywige boek wat begin by sy eerste storie se ontstaan. Reeds van ‘n baie jong ouderdom af kon hy onderwerpe eien en neerpen en het hy die stories tussen sy klasmaats verkoop. Fliek en teaters was nog in hul kinderskoene toe hy begin kyk en leer het. Dit was ‘n weeklikse uitstappie wat sy skryfstyl sou ontwikkel asook die storielyn sou bou het. Toe sy eerste deurbraak kom met Carrie, was hy eintlik al voos gespartel en het ‘n sukkelbestaan gevoer tot daar. Om die waarheid te sê, as dit nie vir sy vrou was nie, sou Carrie nooit eers klaar geskryf gewees het nie. Sy opgang van snippermandjie tot beroemdheid vasgevang in die  leerskool van sy eie lewe.
Dit is wat elke skrywer beroemd maak. Daardie loop-en-valproses wat hom/haar laat opstaan om dit weer te gee wat die wêreld kan lees, hetsy in storievorm of by wyse van motivering.
Die tweede gedeelte van die boek gee hy belangrike insae oor die skryfproses, wat om te vermy en waar om te verbeter. Die idee van ‘n ‘toolbox’ word gebruik in beeldspraak om die boublokke uitmekaar te haal sodat jy as skrywer dit die beste kan verstaan. Sy skryfstyl is uniek en tot die punt terwyl hy jou touwys maak oor die fynere punte van die kuns. 
Ek het gehou van sy verduidelikings. Sinne en paragrawe wat in hul samestellings ritme as te ware aan ‘n boek gee. Wisselende lengtes tussen lank en kort word die leser (in getrek) ingetrek sodat jy nie aan die slaap raak tydens die leeskuier nie. Definitiewe sinne sonder illusies en slapgatgeid. Dit is sy aanbeveling. Daar is net geen pretensie te bespeur in sy werk nie en seker die rede hoekom hy ontpop het as sulks. Hy spoor jou aan om jou eie stem te kry en die uniekheid daarvan te behou.
Dit is so maklik om weg te raak tussen die duisende stemme op die boekrak. Skrywers van weleer wat jou beïnvloed het om die skrywerspen op te neem. Mense wat deel was van my ontwaking is Ena Murray, Konsalik, FA Venter, PG Du Plessis, Wilbur Smith, Francis Rivers, Ruth Ann Nordin, Robert Ludlum, Stieg Larson en selfs nie-fiksie skrywers soos Zig Ziglar, om net ‘n paar te noem.
My eie werklike pogings het op die mooi ouderdom van 44 begin. As groentjie was my eerste tree wankelrig en lomp. ‘n Tipiese baba wat met kwylende mond hard moes konsentreer om net daardie eerste sin neergepen te kry.
Om op daardie ouderdom te kom en dan te besef jy sal opnuut weer moet leer van taalleer en sinkonteks, dinge wat jy eintlik op skool al geleer het maar nooit toegepas het nie, is ‘n oog-oopmaker.
Wanneer ek vandag my eerste stories lees, dan weet ek, ek het al ‘n vêr pad geloop vanaf daardie eerste pogings. Dit is so maklik om iemand anders se skryfstyl na te boots, maar om jou eie stem te kry kos ontwikkeling.
‘n Mens kan dit seker aan baie dinge toeskryf, maar kortom, as jy nie skryf nie verleer jy die basiese beginsels. Daar was tye voor dit wat ek ook probeer het om te skryf, maar o wee, die woorde wou net nie rol nie. Dit het gevoel soos ‘n ou motorkar wat jy aan die brand moet stoot net om ‘n sin te kry, om nie eers te praat van ‘n paragraaf of hoofstuk nie.  ‘n Boek het soos die berg Everest gelyk …  totaal onontganklik.
Maar op 44 het ek al geleer om deur te druk, aan te hou tot waar ek darem al ‘n paar sinne kon neerskryf. Skryfwerk het my meer geleer oor myself as enige ander area in my lewe. Aan die eenkant is dit vervullend, gee dit my ‘n doel en verryk dit my lewe. Aan die anderkant is dit ‘n avontuur wat jou toets. Die dinamika van woordbou en sinkonstruksie ‘n blywende soeke om die perfekte sin te skep. 
Dit is hoe dit is om berge uit te klim. Eers moet jy oefen om darem net fiks te word. Dan moet jy jou voete, bene en rug oefen om die kilometers en rugsak te kan hanteer. ‘n Spesifieke pas moet gehandhaaf word binne ‘n dag anders maak jy dit nie. Elke pad word gevorm om jou kragte en vaardighede nog verder te toets tot jy bo staan. Dit maak nie saak hoe jy daarbo kom nie, die punt is jy moet net nie ophou nie. 
Net so is dit met skryf. Dit is ‘n proses wat jou menigmaal op ‘n alleenpad plaas, weggeraak in jou eie gedagtes om dit neer te pen wat ander kan lees. Sommige vind dit in verskillende genre stories, ander in motivering, nog ander in gedigte en ‘n paar bring die storie in ‘n komiese stem. Daar is net nie perke in skryfstyl nie.
Skryf is in sy totaliteit ‘n spreekbuis vir wat in jou kop aangaan. Gedagtes en stories vasgevang in die verstand wat net jy kan skryf. Ons samestellings is in wese uniek wat ons die uitlaatklep gee sodat mense aanklank kan vind met ons.
Min skrywers word werklik verstaan. Elkeen se pad is gevul met die duiwels van gister en ‘n soeke na aanvaarbaarheid. Uit dit uit vloei daar ‘n werkbare storie, ‘n leesbare verhaal uniek aan die stem in jou eie kop.
Maar die kuns is om aan te hou. Immers is daar twee biljoen mense op hierdie aarde. As jy een mens nie raak nie, bly daar nog baie ander moontlike lesers oor. Die geheim is om nie mismoedig te word oor daardie een kritiese persoon wat nog nooit sy hand aan ‘n pen gewaag het nie.  
Maar dit is belangrik om die regte boublokke te ontwikkel. Daarom is lees een van die belangrikste blokke in jou arsenaal. Daarsonder sal jy nie jou stem vind nie.
Wees geduldig, maak daardie foute en leer. Elke storie bring jou nader aan die eindproduk.
Kopiereg voorbehou. 
September het gekom in 'n winterkleed. Soms wonder ek wat is die nut van wintersklere wegpak. Maar ons kla nie. Die reën in laasweek 'n welkome seën uit die hemel. My wens is dat elkeen seën in hierdie volgende seisoen sal ervaar. Al is dit miskien nie wat jy verwag het nie maak die beste daarvan, jy weet nooit waarheen dit kan lei nie.

Augustus het my besig gehou met die liefdadigheidsprojek, en die einde is darem in sig. My nuuskierige en baie avontuurlustige geaardheid bring gewoonlike projekte op my pad wat ek nie altyd verwag nie, en met elke stappie leer ek weer iets opnuut. Die naweek moes ek inderhaas ook 'n templaat saamstel vir 'n jaar beplanner. Ek moet noem dat dit iets is wat ek al lankal aan gedink om self te doen, so die ervaring gee my die agtergrond om op voort te bou. So is elke projek op die ou einde 'n voorloper van ander dinge. 

Vir 'n meer inligting oor die boek volg die skakel of kontak my gerus vir jou sagteband se bestelling. Die kostes is R245 posgeld uitgesluit. 
Love at War has come to a point where it has a life of its own. So many things have changed in the story and the feedback is greatly appreciated. I approached two beta readers, each coming from their own perspective and gave me the insight I needed. The genre definitely changed from a romance to a inspirational drama. There are just to many layers in the plot to capture it under one genre. It would be fatal to do so. The name might also change a bit but more about that later. The plan is to send to a traditional house for submission once it is done. 
The plans with distribution are also going well, and all four of my books would be in shops nationwide before the end of the year. Do ask your closest bookshop and press them to order the books. This would help to speed it along. Be on the lookout for two of my books new book covers. A Pirate's Wife and Blood Mines will have a brand new jacket. 
Diamant Divas sal tot en met verdere kennisgewing net herhalings wees. Daar is net te veel dinge wat aangaan wat my aandag verg dat my kop net nie daar is nie. Die voorbereiding eis tyd wat ek net nie het nie. Wanneer 'n mens ingestel is om 'n inkomste te genereer dan kry dit voorkeur, wat jammer is maar dit is net feite en ek kan net nie meer by bly nie. 

Die vryskut dienste is besig om ook goed af te skop met heelwat tande kry probleme en loopneuse maar ek kom daar. Dankie vir die mense wat my dienste aanbeveel, ek waardeer dit werklikwaar. Vir 'n volledige pryslys kontak my gerus by letterpas@gmail.com.

     

Tuesday, August 27, 2019

Spore van genade deur 45 Woordkunstenaar



'n Liefdaddigheidsprojek 

Tolbosse het mos 'n manier om skraapmerke te los as hy jou vang. Ons paaie word gekenmerk aan die brandnetelrowe van die lewe. Maak dit saak waar ons hulle gekry het? Nee, solank ons opstaan. Jy het dit in jouself om te genees en te gee en te vertel. Jy het dit om die silwerrand om iemand anders se donker wolk te wees.

Spore van Genade is die inisiatief van die skrywer, Alta van Zyl, wat die pad van verslawing, mishandeling, armoede en vele meer eerstehands ervaar het. Haar aanskouing van die vernietiging wat dit aanrig het haar genoop om in 2005 die Hope Anointed Ministries bediening te stig wat die verspreiding van die bundel nou moontlik maak.
Ses en veertig skrywers en digters het saamgespan om geboorte aan hierdie projek te skenk. Dit  was soms ‘n opdraende pad maar met gebed en volharding in geloof, kan ons met  trots aankondig dat hierdie juweel van 306 bladsye die lig gesien het. Die fondse wat  verdien word uit  hier pragbundel sal aangewend word om nood te verlig onder ons volk wat gebuk gaan onder armoede, werkloosheid, weeskinders, verslawing, boemelaars,  mishandeling en verwaarloosde bejaardes. Die skrywes in hierdie bundel handel ook oor genoemde aspekte.
Die nood daar buite is hoog! As ons saamstaan kan ons ‘n verskil maak.
Liewe leser, baie dankie vir u ondersteuning in die aankope van die bundel. Mag die skrywes in hierdie saamgestelde bundel u hart aangryp en u seën.

Mag jou lag weerklink
trane nie jou oë laat blink
Laat jou drome vlerke kry
laat liefde in jou hart gedy

Spreuke 3 : 27
Moenie weier om te doen wat  goed is, as dit in jou hand is om dit te doen nie


Boekinligting: 
Spore van Genade
Kopieregte: Hope Anointed Ministries: Alta van Zyl (Hope)
Self-Publiseerder: Hope Anointed Ministries
Sagteband ISBN: 978-0-6399309-8-5
Gepubliseer: Augustus 2019
Projekkoördineerder: Lynelle Clark
Fotograaf: Theuns de Bruin
Ontwerp van Boekomslag: Odette Clark
Illustrasies: Elmari van Zyl (LiefieKinD)
Illustrasie: Antonette Bisset
Proefleser: Driekie Grobler
Proefleser: Anzé Bezuidenhout
Bladuitleg: Lynelle Clark
Bladsye 302

‘n Liefdadigheidsprojek.
Opgedra aan Rudolf Frank Victor

Soos elke klippie uniek is, so is ons as mens.

Luister eerder
Gee eerder
Help eerder
Bid eerder
Waardeer eerder meer!

‘n Verskil begin by jou. In jouself.
Een vuurhoutjie steek ‘n hele veld aan die brand.

Wees lig elke dag!
Want Liefde Wen.

Danielle Lotter (Dogter)

Verkoopprys R245 Posgeld uitgesluit
Verkrygbaar by elke deelnemende skrywer en digter


Oorsig

Wat is asemloos? Asemloos was ek eendag op 'n lang dag. 'n Dag sonder dat ek die son sien opkom het, 'n dag sonder hoop, sonder tyd, sonder 'n geluid. Mense sê hulle tyd is duur. Wat is my tyd wat ek op die plek moes verduur?
Die son kom op en sak maar ek weet nie eers of dit dag of nag is nie. Die verskil tussen water en asyn, sweet en roosmaryn ken ek nie eers meer nie. Ek sit hier op die wal van die Vaalrivier.  Kaalvoet man sonder 'n van of naam... So weet dié mens min!
Ek, die man op die maan.  ‘n Man met my eie taal. In ink geteken my verhaal. Die mense lag! Daar staan die boemelaar ou maar ek stap, stap my voete rou. 'n Laaste dag dalk, ‘n laaste nag. In my hart 'n blondekop dogter en 'n donkerkop vrou wat my nog laat wag voor ek vertrek na die Hemelseprag!
Die lewe ken my stap, Vader het my pad vir my uitgekap. Gedra was ek deur gebede! As die mens maar weet! Die verskil tussen water en grond. Vis en vleis. Is soos ek, die gewonde boemelaar man. Ek op my “boks” en jy op jou "king size" bed....
Wat is die verskil? Hoekom is jy skaam vir my?
45 Woordkunstenaars, 1 Bundel

 

Biografie Alta van Zyl


Alta van Zyl is in Klerksdorp, Suid-Afrika gebore en het grootgeword in Randlespark. Op die ouderdom van 16 het sy swanger geraak met haar dogter. Later jare is Alta getroud en het ook ‘n stiefseun ryker geword. Vandag is sy die trotse ouma van 3 kleinkinders. In 2016 is sy geskei.
Sy is ‘n regte “Warrior Women”. Om te bly hoop, al is daar niks om voor te hoop nie, is haar leefwyse. Haar eerlikheid en sagtheid is welbekend onder haar hartsmense. Sy is altyd gereed met ‘n vriendelike groet en opbouende woord. Sy tree op soos sy is.
Na ‘n moeilike lewe het sy, op die ouderdom van 31, haar lewensverhaal begin skryf. Ander boeke het ook daarna gevolg. Haar uithouvermoë en aanhou probeer maak van haar ‘n ster wat helder skyn. Sy was betrokke in haar bediening wat vir ‘n tyd lank toe was, maar nou weer oopgestel is. Of sy ‘n boek skryf of nie, sy is besig met die bediening en die bemarking van haar boeke. Sy beskou elke mens se sukses, in wat hy/sy ookal bereik, as sukses. Die een is nie méér belangrik as die ander nie. Wanneer jy doelwitte gestel het en dit bereik het, was jy suksesvol.
Alta glo in groei, dat ‘n mens kennis moet opbou in verskeie areas en dat ‘n mens nooit genoeg intellektueel en emosioneel kan groei nie. Sy sal elke dag leersaam wil bly, want … “’n Mens is nooit te oud om te leer nie”. Emosionele volwassenheid is iets wat plaasvind met verandering van gedagtes, daarom is sy nie bang vir veranderings in haarself en haar denkwyses nie. Die swaarkry (geestelik, emosioneel en liggaamlik) van die mens lê haar na aan die hart en as sy ‘n verskil kan maak, is dit vir haar ‘n groot bonus, floreer sy en is sy in haar element. Die boemelaar op die straat wat steeds lewe en glimlag wanneer daar ‘n geldstukkie in sy hand gestop word, inspireer hierdie vrou. Dit laat Alta besef hoeveel sy het om voor dankbaar te wees en dit inspireer haar tot ‘n groter omgee-hart wat oorloop van liefde, sonder enige veroordeling, want niemand van ons stap in die boemelaar se skoene nie.
Lees mens dié merkwaardige vrou se verhaal, verstaan jy ook wat so inspirerend uit haar verhaal is, want sy is deur ongelooflike diep waters en vuur, nie een maal nie, maar talle kere in haar lewe. Al wou sy het sy nooit gaan lê nie, maar elke keer sterker anderkant uitgekom. Vandag is sy die vuur! ‘n “Free spirit.” Wat jy sien is wat jy kry. Sy dra geen maskers nie. Lank gelede reeds is dit verbrand en voorgee is nie in haar woordeskat en leefwyse nie. Alta is dieselfde mens agter geslote en geopende deure!
Om jouself te vind en lief te hê is vir Alta van Zyl die definisie van ware geluk. Die sleutel tot geluk vind ‘n mens net binne jouself. Jy kan niemand gelukkig maak en ook self gelukkig wees, alvorens jy nie ware geluk binne jouself ontdek, ken en leef nie.
Haar advies aan jong aspirerende skrywers is om jou boeke self te probeer publiseer. Glo in jouself, al neem dit jou jare. Hou aan glo in jou boek en skryfvermoëns. Die eerste paragraaf is al die sleutel na sukses.
Ten laaste glo sy: Dra jou kroon, want jy is vrou.

Adri Theron, Alta van Zyl, Alviera Owerwagen, Andre Viktor, Anjelika van den Berg, Anna Malan, Anria Breed, Antonette Bissett, Anso Conradie Sutton, Anzé Bezuidenhout, Bernard Fielies, Bernedine Koch, Charlene Moche. Danielle Lotter, Delana Goosen, Driekie Grobler, Eliztha Jacobs, Francois Meyer, Ingrid Wepener, Jacky de Klerk, Johan Heyns, Koster Cronje, Elmari van Zyl, Linda du Plessis, Liza Daniells, Louis Krüger, Louisa van Vliet, Marie Stroh, Margaret Bennett, Marietjie Espach, Mariaan van Zyl, Marike Erasmus, Nadine Strydom, Pieter Henning,
Salome Opperman, Samantha Wepener, Santi Kruger, Saretha Benade, Stienie Boshoff, Sybie Kleynhans, Tinus Nortje.





Gedagtes van sommige skrywers
Isak de Lange

Aanvanklik het ek net gehoor van hierdie projek en ‘n ondersteuningsrol vertolk. Met die lees en raad gee het ek van meet af my vereenselwig met die deelnemers se ervarings. Toe ek dus die geleentheid gekry het, het ek my hart oopgebreek en my seer gedeel. Dinge wat ek onder die sand begrawe gehad het. My storie oor siekte tot die dood. My stryd van oorlewing, mislukte verhoudings, selfdood gedagtes, ens.. Toe ‘n bydrae oor die seerkry en vernedering van my kinderjare. Dinge wat daar was en wat my die mens gemaak het wat ek vandag is. ‘n Sterk gelowiges wat uit genade gered is. “Spore van Genade”, want sonder God se genade was ek verlore.

Lynelle Clark

Aanvanklike het ek net as ‘n deelnemende skrywer saam met die projek begin. ‘n Paar dae later was ek pens en pooitjies deel van die projek en moes ek skielik beheer van vyf en veertig mense se skrywes vat. My rekenaar was gebombardeer met gedigte, kort verhale en prosa stukkies en hoendervleis permanent op my vel te bespeur van weë die inhoud. Jy kan nie anders as om meegesleur te raak met die woorde nie. Die pyn, hartseer, en verlange het ‘n allesoorheersende drang gelaat om die proses klaar te maak. Die onderwerpe sluit in armoede, verslawing, bejaardes, kinders- en vroue mishandeling in en sluit af in triomf. Dit sal skok en jou laat ween en hopelik laat dink om deel te word van die oplossing. Hierdie is ‘n moet bundel op jou boekrak. Een wat jy met trots aan vriende en familie kan voorstel. Alta is ‘n besondere vrou en ons twee het baie nou saamgewerk. Daarom kan ek met absolute oortuiging hierdie boek en projek aanbeveel. Sy is nie net ‘n prater nie maar ‘n doener. Haar lewens verhaal die kern van dit als.

Mariaan
Getuienis en die rede vir die boek. Dit is net een geval.
Anthony het in Witbank se onderdorp grootgeword. Hy was op laerskool toe dwelmhandelaars hom in hulle kloue gekry het. Ek en sy familie het vergeefs vir hom hulp gesoek. Selfs die hof kon nie help om hom te dwing om vir rehab te gaan nie. Almal skryf 'n dwelmverslaafde af en glo dat hulle nie gehelp wil word nie. Op 14 was hy geheel en al verslaaf aan heroien. Hy het by se ma gebly en een aand verdwyn. Later het hy opgedaag, blou om sy mond en voor sy ma se voete neergesak waar hy gesterf het weens n oordosis op die ouderdom van 18. Hy was 'n pragtige jongman. Rehab sentrums is onmenslik duur en Anthony se ma het reeds gesukkel om kop bo water te hou. Vandag bied sy ma slaapplek in haar klein woonstelletjie vir dwelmverslaafde straatkinders. Dis al wat sy kan doen. Niemand is bereid om hierdie kinders te help nie.

Voorlopige bestellings kan bestel word by Lynelle Clark letterpas@gmail.com
R245 posgeld uitgesluit 
 



Tuesday, August 20, 2019

Diamant DIVAS Toksiese verhoudings is stille sluipers van die nag


Wie ookal daar deur vasgevang is sukkel om van die giftige klampe weg te kom en sukkel jare daarna nog met die letsels daarvan.
Daar was ‘n stadium wat ek nie kon verstaan hoekom vrouens, vernaamlik, nie net kan weg stap nie. Nou, jare later kan ek verstaan waarom ‘n vrou bly en die gif vat vir wat dit is.
Better the devil you know than the devil you don’t know, reg.
Alhoewel ek nooit fisies aanrading beleef het nie was daar emosionele merke waarmee ek moes deel. Die innerlike stryd ‘n defnitiewe kenmerk van my opstaan. Toe het ek nie besef hoe sekere handelinge my gebuig of beinvloed het nie, maar agterna moes ek leer om dit te konfronteer en hanteer. Van tyd tot tyd kom die gedagtemerke nog op, vernaam wanneer ek voel ek gefaal het in ‘n spesifieke werkstuk of projek of ‘n aanval ervaar het teen my persoon. Dit is dan wat ek baie ferm moet optree en nie toe laat dat dit gis binne nie. Want gis dit, raak dit septies. 
Foto geneem deur Theuns de Bruin
Grafiese Kunstenaar Odette Clark
 
As projekkoördineerder vir ‘n liefdadigheidsprojek, wat begin is deur Alta van Zyl besef ek weereens die erns van toksiese verhoudings. Die projek handel oor mishandeling, wat vrouens, kinders, mans en bejaardes insluit. Ingesluit is ook stories van armoede en verslawing. Dit sluit 45 skrywers en digters se werke in en word deur my saamgestel. Indien mense sou belangstel, tree gerus met my in verbinding, voorlopige bestellings word aanvaar. Die gelde is om mense in hierdie situasies te kan help om weer op te staan.
Elke gedig of kort verhaal bevat die seer van mense wat deur sulke toksiese verhoudings gegaan het. Die boek is eintlik ‘n Ode van Genade juis omdat dit so diep sny. Daarom is die bundel se naam ook Spore van genade. Dit bevat die wroeginge en sere van mense wat alreeds opgestaan het. Mense wat dit oorleef het om vandag hul storie aan ons te kan oor vertel deur die geskrewe woord. Dit is nie ‘n maklike boek nie, dit is by tye swaar, vol hartseer en pyn. Verwerping vasgevang tussen die lyne van uitbeeldende sinne. Maar die spore van genade is sigbaar. ‘n Tasbare lyn soos wat jy deur die boek beweeg.
Die rede vir my program vandag is om enkellopende vrouens bewus te maak van die gevare van so ‘n verhouding. Vir die oningeligtes moet ons eers kyk wat is ‘n toksiese verhouding om dit werklik te verstaan. Om in ‘n verhouding te beland van so ‘n natuur is om jou eie dood te soek; emosioneel of liggaamlik. Bly eerder weg. Niks sal kom daarvan nie, en die enigste mens wat die prys sal betaal is jy.
Indien jy jouself in so ‘n verhouding bevind kry asseblief hulp.
Die woord toksies stel dit baie goed. Die gif deurlopend en kankeragtig wat als verniel op sy meedoënlose vernietigende pad. Die ontvanger word totaal afgebreek. Sy menswees beroof tot daar later niks oor is nie. Dit is ‘n stelselmatige afbreek proses wat jou later laat glo jy verdien dit. Jy kwyn weg later en het geen gesonde verhouding nie, en herken dit ook nie.
Al wat jy ken is die septiese gif toegedraai in haat en verwerping wat na jou geprojekteer word. Op sy beurt lei dit na verslawing, molestasies, verarming en die dood. ‘n Siklus wat baie jare kan aanhou of momenteel tot stilstand kom met katastrofiese gevolge. Kyk maar die nuus in jou dorp of die nasionale koerante en tydskrifte. Agterna het mense baie te sê daaroor maar wanneer die mense in die midde daarvan is kyk bure, familie en vriende weg. ‘n Hartseer tendens verskuil agter, “Ek wil nie betrokke raak nie.”
Die dief kom in die begin voor as ‘n persoon wat baie belangstel. Soos ‘n wolf in skaapsklere is hy/sy se ware natuur weggesteek en bluf jou deur leuens, omkoopgeskenke en dies meer. Die persoon hou die perfekte prentjie voor. Een van geduld, liefde en verstaan. Julle kliek net om een of ander rede baie goed en jy glo vas jy het jou sielemaat gekry.
Maar daar is ‘n verskil in liefde betoon en liefde vat met alternatiewe motiewe. Liefde betoon gebeur op ‘n natuurlike manier, sonder enige druk van die persoon af. Hy aanvaar jou vir wie jy is sonder onnodige eise. Daar is geen manupilasie betrokke nie. Ook geen tit-vir-tat houding nie. Dit is ‘n natuurlike verhouding wat sommer net maklik inmekaar val terwyl die verhouding stelselmatig groei.  Die aantrekkingskrag is onmisbaar en jul pad loop saam in verdraagsaamheid en geduld.
Die alternatiewe liefde is manipulerend en veeleisend. Dit maak nie saak wat jy doen nie jy is altyd verkeerd. Jy loop gedurigdeur op eiers. Nie seker watter voet om voor te sit nie. Die persoon soek ook al jou aandag en verdra nie om jou te deel met iemand anders nie, selfs jou familie. Hy vind altyd ‘n fout iewers. Hy is die meeste van die tyd kwaad of omgekrap en jy word met elke kyk deurboor. Daar is tye wat hy jou selfs sal vloek en agterna omverskoning vra vir sy wangedrag. Die tendens sal die begin wees wat net sal eskaleer.
Nog ‘n toksiese verhouding is die van ‘n verslaafde of alkoholis. In hul woedebuie is jy die een wat dit ontgeld, hetsy met die vuis of met die tong. Hy breek jou naderhand so af dat jy bang is vir elke ding wat oor jou pad kom. Dit is dan wat jy vasgevang is in sy mag en nie daar uit kan kom nie. Nie net breek dit jou af nie maar verarm jou na liggaam en siel. Deur verskonings te soek vir sy wangedrag maak jou die slagoffer (victim).
Maar die grootste en mees vernietigende verhouding is die van molestasie en mishandeling. Dit is dan wat jy en jou kinders daaronder lei. Vernaam die kinders, want as jy ook jou rug op hulle draai, wie het hulle dan vir beskerming? Jy is hul enigste verweer wat in die bres kan tree en optree.
Luister, wanneer jou kind na jou toe kom en jou vertel dat so en so met hul gelol het, hoekom sal sy/hy lieg daaroor? ‘n Kind is baie kwesbaar en onskuldig; wanneer jy jou rug op hulle draai tree verwerping in en ‘n lelike siklus begin. Jy moet daardie besluit maak om weg te stap voor dit in die dood kan eindig. Dan kom spyt te laat. Jou kind is jou verantwoordelikheid, vlees van jou vlees. Dit is jou plig om na hulle om te sien, te beskerm en hul belange eerste te stel. Indien die man nie kan inval by jou lewe nie, stap weg. Voor dit te ver gaan. Kry hulp indien nodig.
Jou lewe mag moeilik wees. Jy mag dalk oorweeg om by ‘n man betrokke te raak vir finansiele redes. Ek verstaan dit. ‘n Mens is desperaat in sulke tye. Vernaam wanneer jy verantwoordelik is vir jou kinders. Dan juis moet jy dit ter harte te neem om meer versigtig te wees, meer paraat en ingestel op hul behoeftes.
Soveel vrouens trek by ‘n man in twee dae nadat hulle ontmoet het. Dan, weke en maande later is sy so vasgevang in hierdie vernietigende web waaruit sy nie kan los kom nie.


Rienie Erasmus Combrink het die volgende plasing op Facebook gedoen en ek plaas dit met toestemming.
'n Giftige verhouding is soos 'n ledemaat met gangreen: As jy die ledemaat nie amputeer nie, kan die infeksie versprei en jou doodmaak. Jou persoonlike groei - en in sommige gevalle jou genesing - kan slegs bespoedig word wanneer jy verhoudings met die regte mense aanknoop.
Miskien het jy al die storie gehoor van die skerpioen wat die padda gevra het om hom oor die rivier te neem, omdat hy nie kon swem nie. 'Ek is bang jy gaan my steek,' het die padda geantwoord. Die skerpioen het gerusstellend geglimlag en gesê, 'Ek sal natuurlik nie. As ek jou steek sal ons altwee verdrink!' Die padda het toe ingestem, en die skerpioen het op die padda se rug geklim. Halfpad oor die rivier steek die skerpioen toe die padda! Soos hulle begin sink het die padda gekla, 'Jy het belowe dat jy my nie sal steek nie! Hoekom het jy dit gedoen?' Die skerpioen het geantwoord, 'Ek kan dit nie help nie. Dis in my aard!'
Totdat God die ander persoon se aard verander, het hulle die mag om jou te affekteer en te infekteer. Byvoorbeeld, wanneer jy oor iets passievol is, maar ander nie, is dit soos om die tango met iemand te probeer dans wat net weet hoe om te wals. Jy het die verkeerde dansmaat gekies!
Moenie betrokke raak by iemand wat nie jou waardes en Godgegewe doelwitte deel nie. Sommige kwessies kan deur berading, gebed, onderrig en leierskap reggemaak word. Jy kan egter nie iemand leer om om te gee nie; as hulle nie omgee nie, sal hulle jou omgewing besoedel, jou produktiwiteit doodmaak en jou ritme deur hulle aanhoudende gekla breek. Dit is hoekom dit belangrik is om te bid en vir God te vra, 'Moet hierdie persoon in my lewe wees?

Andrew Thomas het in 2016 ‘n artikel, op die Solidariteit webwerf hieroor geskryf en het 5 karakters neergepen wat jy moet los, soos in dadelik.
Die hater - dit is die meedoënlose klaagkous, die persoon wat sonder ophou die negatiewe in alles raaksien. Die hater kla oor die wêreld, blameer ander mense vir haar gebrek aan sukses, en kritiseer die dapperes wat probeer om iets met waarde te bereik.
Negatiwiteit is aansteeklik, en die gevaar van so ʼn persoon is dat sy sal verwag dat jy haar in haar ellende moet geselskap hou. Met verloop van tyd kan sy jou ook maak glo dis reg om ook ʼn hater te wees.
Suksesvolle mense bring nie tyd saam met haters deur nie maar met ander suksesvolle, positiewe mense. Doen jouself ʼn guns deur die hater uit jou lewe te verwyder.
Die afgunstige een - ʼn Afgunstige vriend of kollega sal nie jou oorwinnings vier of jou drome ondersteun nie. Sy begeer die lewe waarna jy strewe, grotendeels omdat sy nie glo in haar eie vermoë om dieselfde sukses te behaal nie.
Omring jou met mense wat opreg gelukkig kan wees oor jou mikrosuksesse en wat jou langtermynambisies steun.
Die skigtige een - Hierdie persoonlikheidstipe onttrek gereeld aan verpligtinge en verwag van jou om by haar immer veranderende skedule (en giere) aan te pas. Jou tyd is waardevol maar die skigtige een erken nie daardie begrip nie.
As ʼn vriend of genoot nie jou planne in ag kan neem, jou tegemoet kan kom en betyds kan wees nie, gebruik dan daardie voorvalle om jou grense te stel en af te dwing. As jy leer om na jouself te kyk en jou tyd te respekteer, sal dit jou ook in ander areas van jou lewe en werk help.
Die skuldgevoelige - Die probleem met skuld is dít: jy kan nie droom as iemand jou laat skuldig voel omdat jy iets beter wil hê nie. Jy kan nie waarde bekom as jy geleer het om skuldig te voel omdat jy vra om na waarde betaal te word nie.
As jy soos ek is, probeer jy nog steeds ontslae raak van die skuld wat jy in jou kinderjare of ander ervarings in die verlede aangeleer het. Ek het dit by tye moeilik gevind om op myself te fokus omdat ek te besig was om die skuld te aanvaar wat ander mense op my gelaai het.
Doen jou bes om mense wat jou laat skuldig voel, te identifiseer en jou van hulle te distansieer. Hierdie een is moeilik want dis dikwels familielede wat hierdie soort gedrag aan die dag lê.
Dis maklik vir my om te sê jy moet jou van ʼn ouer of broer of suster distansieer ─ maar dit maak dit nie minder waar nie. Ek moes dit self doen en ek kan vir jou sê dit is moontlik om jou familie in jou lewe te behou maar jou terselfdertyd los te maak van hul skuldgevoelens.
Die ewige bevreesde - Daar is mense wat eenvoudig te bang is om te waag. Hulle bekyk die lewe deur ʼn lens van vrees en het nie die basiese geloof dat dinge ten beste sal uitwerk nie.
Dit is presies die teenoorgestelde soort energie as wat jy as ʼn entrepreneur nodig het, veral as jy pas begin het.
Soos die personeelonwikkelingslegende Bob Proctor gesê het: “As jy dit in jou kop sien, sal jy dit in jou hand vashou.” Vermy bang mense met beperkende beskouings en reik liewer uit na jou visioene van sukses.
Verhoudings dra krag skryf Trienie Mahne in ‘n artikel op Litnet 21 / 11 / 2013
... krag om goed te doen of krag om kwaad te doen.
Sommige verhoudinge bestaan uit mense met toksiese gedrag. Hierdie mense kan die lewe wat God vir ons geskep het, vernietig. Maar hoe moet ek teenoor hierdie mense optree. Want my gedrag teenoor toksiese mense moet die vermoë dra om positiewe insette te lewer en die toksiese mens se begeerte na verandering, aan te spreek.
Maak seker dat toksiese mense en hul gedrag nie ‘n ‘houvas’ op jou kry nie. Dis veiliger om nie saam kritiese mense te eet wat voorgee dat hulle gelowiges is terwyl hulle optrede dit weerspreek nie. Die oorkoepelende boodskap van die Skrif is dit: Jou liefde moet innig wees – en wees versigtig.
Spreuke 13:20 stel dit so: “Wie met wyse omgaan, kry self wysheid; wie hom met dwase ophou, word self sleg.” Ek wil selfs verder gaan en dit op hierdie forum so stel: “Wees versigtig watter artikels jy lees, sommige het die krag tot opbouing en wysheid; wie egter dinge geniet en lees wat slegte woorde bevat, word self sleg.”
Ekself kan kies of die water wat ek drink suiwerheid bevat om my siel en liggaam te genees, en of dit die slik dra wat in toksiese modderwater aangetref word.
As dit by toksiese kontakte kom, moet ek weet hoe om dit te hanteer. Ek trek die grens en maak die einde daaraan. Om hulle te oorheers en dwing tot verandering, sal nie werk nie. Die beste verdediging teen die kwaad van toksiteit is om soos Dawid te wees en ‘n duidelike stel waardes te hê wat jy teenoor almal uitleef.
Daar is dan net een van drie dinge wat kan gebeur:
1. Die mense wat goed is vir jou sal jou waardes respekteer, en jy sal goeie verhoudings met hulle geniet.
2. Aangesien jy ‘n liefdevolle standpunt teen toksiteit inneem, sal jy moontlik die kwaad teenwerk en positief beïnvloed om hulle gedrag te verander, en dan sal jy goeie verhoudings met hulle geniet.
3. Sommige toksiese mense sal in ontkenning bly en selfs van die lig wat jy uitstraal, wegbeweeg. Verhoudings met daardie mense beëindig self.
Ekself stap swaar weg van verhoudings. Maar as iemand jou teleurstel of seermaak, moet ons met die probleem afreken. Jesus hou vir ons die model voor hoe om hierdie verhoudingsprobleme te hanteer: “As jou broer verkeerd optree, berispe hom; en as hy berou kry, vergewe hom. Selfs as hy sewe maal op ‘n dag verkeerd optree teen jou en sewe maal na jou terugkom en sê” “Ek is jammer”, moet jy hom vergewe” (Luk 17:3-4)
Niemand van ons is perfek nie. Ekself struikel daagliks, maar deur reg op te tree en jou gesindheid Jesus-vlerke te gee, verlos jy eintlik net jouself.
Trienie Mahne


My droom vir Diamant Divas. Dit is my hartsbegeerte om Diva huis te begin. Hoe meer ek met vrouens te doen kry wat hul eie stryd stry hoe groter groei die begeerte. Ek sien ‘n plek waar heen ‘n vrou kan gaan om genesing te ontvang. Mense wat bereid is om haar aan die hand te vat en weer haar te help skitter. Met ‘n inwonende pastorale sielkundige tot hul beskikking of selfs ‘n lewensgids. Daar moet bekostigbare regshulp tot hul beskikking wees, asook finansiele bystand om die vrouens toe te rus vir die werkersmark. Hulp vir hul kinders indien hulle het; skole ens. Dit moet ook ‘n veilige hawe wees en daar moet defnitief ‘n sekuriteitswag diens doen. Sy moet leer van selfverdediging, die binnewerke van ‘n kar, basiese elektriese vaardighede en dan moet daar vir haar gehelp word met werk. Miskien selfs blyplek, soos deposito en eerste maand huur, vervoer ens. Die behoefte lys is geweldig lank maar wanneer ons kan begin om vrouens weer hul menswaardigheid terug te gee het ons al ‘n groot behoefte vervul. Die bekommernis van waarheen en hoe nou verminder en hulle ontvang weer hoop vir die toekoms. Hierdie tye is vir ‘n vrou baie onseker en omdat ek self daar was verstaan ek die vrese en frustrasies van hierdie tydperk, die te korte en die vrae. Diva huis moet daardie beskerming bied en die wegspringblok wees en meer.
Om saam te vat:
Toksiese verhoudings is glad nie goed vir jou nie. Dit breek jou af en om jouself dan weer op te bou vat baie tyd waarin jy swak gewoontes moet afleer juis om te kon cope in hierdie tyd. Gun jouself die tyd om goed oor ‘n saak te dink. Moenie sommer net boots-en-all in klim sonder om die saak eers goed te bekyk nie. Wees paraat, vernaam as jy afhanklike kinders het. Hul welstand hang van jou af, as jy verkeerd besluit betaal hulle die prys daarvoor. Jou taak is om gebalanseerde kinders groot te maak en in die wêreld te stuur. Jy wil hulle die beste moontlike geleenthede gee en indien hulle met seer sukkel is hulle klaar agter en moet juis soveel harder werk om bo uit te kom. Net soos jy as diamant moet skitter moet jou kinders ook daardie geleentheid kry, en hulle kan dit net kry wanneer jy die regte besluite neem.
Lorinda Maritz het op FB die volgende plasing gedoen
As jy nie met liefde en respek behandel word nie, kyk dan na jou pryskaartjie. Miskien het jy jouself afgemerk. Dit is JY wat mense vertel wat jy werd is deur die dinge wat jy aanvaar. Klim af van die uitverkoping rak en klim in die glaskas waar hulle die waardevolle artikels hou!Kortom: waardeer jouself meer! As jy dit nie doen nie, sal niemand anders nie! ~ Onbekend



Die Stasie Vir Passievolle Mense
Lynelle Clark: Diamant Divas Potgooie / Diamant Divas F groep
https://www.elanglobalradio.com/diamant-divas
Die program vir die enkellopende waarin ons saam gesels oor al die slagysters, vrae, vrese en vreugdes van die enkel lopende.
WOENSDAG at 10h00 SA Time
GESELS MET ONS:
Faceboek: Elan Global Radio Kuier en Klets
Twitter: Elan Global Radio
Instagram: elan_global_radio
WhatsApp: 066 305 3580
Gaan kuier en leer meer van ons, blogg saam en luister saam:
SKAKEL IN:
SIMPLE RADIO App.

Help an author/verleen hulp aan 'n skrywer

With only twelve days to go please consider donating towards my fundraiser. Your contribution will enable me to accomplish my dream. Om Am...