1. Waar kom die skrywersdroom vandaan?
Ek het boeke nog altyd
fassinerend gevind. As tiener het ek Konsalik ontdek en het sy boeke verslind. Die
manier wat hy jou kon intrek en deel maak van die storie terwyl die plot lewendig
word het my diep geraak. Ek dink dit het daar begin. Tussen die ysvlaktes van
Siberië, agter die Ystergordyn en die absolute deursettingsvermoë van sy
karakters wat dit verg om te oorleef.
Maar natuurlik, moes ek eers my
eie ondervinding opbou voordat dit ‘n werklikheid kon word. ‘n Mens kan net
skryf wat jy weet, en op dertien het ek nog geen begrip gehad van die lewe nie.
Ek het ook nie ‘n liefde vir die taal gehad nie. Maar die droom was daar gebore.
‘n Skoolmaat van my het my eendag
herinner aan my woorde in standard sewe. Ek het heeltemal vergeet van daardie woorde.
My kop was toe in die wolke want ek wou ‘n lugwaardin word. Toe dit nie
realiseer nie moes ek ‘n kopskuif maak en oor tyd het die droom vervaag maar my
liefde vir lees nie. Dit het die droom gevoed sonder dat ek werklik bewus was
daarvan. Eers in 2010 het die woorde in my kop die sleutelbord gevind. Toe my
eertse boek in 2012 die lig sien, toe slaan dit my tussen die oë en van daar
het dit geëskaleer tot die ses vrystellings en 10 samewerking bundels met ander
skrywers.
2. Jou persoonlike gunsteling uit jou eie pen en hoekom?
Love at War. Die storie het as ‘n
novelle begin. In 2010 was my kop op ‘n verkeerde plek weens die probleme wat
ons destyds beleef het. My woede en seer het my uitlaatklep geword. Hier het ek
ook besef dat ek eintlik baie passievol is. Uit hierdie passie het skryf begin
ontwikkel en het ek geskryf wat op my hart was.
Love at War het saam met my
ontwikkel en die storielyn het van ‘n novelle na ‘n boek ontwikkel totdat dit
geeindig het as ‘n 700 bladsy boek met lewenslesse reg uit my lewe uit. Die
vrae waarmee Sonia Main gesukkel het was my vrae.
Sonia Main, die hoofkarakter in
die boek het deur verskeie ervarings gegaan en op die ou einde het die lewe
haar terug gevat na die Here toe. Sy was kwaad, vir haarself en vir die Here. Maar
Vader is getrou. Hy weet hoe om ons uit die varkhok te kry.
Haar storie is die storie van so
baie ander vrouens ook. Genesing kom eers wanneer ons onsself werklik kan
vergewe. Dit is dan wat ‘n straf ons grootste seën word en jy
verantwoordelikheid vat vir jou lewe. Hierdie lesse lei ons dan terug na die
Vader huis.
3. Nuutse boek
Ek is lief vir ‘n goeie
sielkundige riller en wou nog altyd my hand daaraan slaan. Laas jaar het ons ‘n
mini-kompetisie gehad op Skryf Jou Storie se FB groep. Dit was aangebied deur Floris
van Zyl en ek het Verlore Gisters begin skryf met The Sinner en Agatha Christy
in my kop.
Die kompetisie het die storie aan die brand gesteek maar die woordtelling was ‘n buffer om werklik uiting te gee aan die storielyn. Maar die fondasie is gelê en ek is tans besig om bietjie meer vleis daaraan te sit. So ‘n regte spanningsverhaal met ‘n twist.
4. Vertel ons meer van
KreativPreneur
KreativPreneur het einde laas
jaar begin vanuit my begeerte om ander by te staan in hul kreatiewe reis.
Benewens die skryf trek enige vorm van kreatiwiteit my aan. Hetsy sang, dans,
koekversiering, ‘n mooi skildery, ‘n unieke gebou, tuin of fotografie. Dit maak
nie saak nie, ek waardeer die kreatiwiteit daaragter.
In 2020, met die epidemie in
volle swang, het ek begin met ‘n lewensgids kursus op Udemy. In die proses het
ek op verskeie boeke afgekom waar God werklik verhoog word deur kreatiwiteit. ‘n
Nuwe wêreld het vir my oopgemaak. The Artist Way van Julie Cameron het my pad
gekruis en aangespoor om met wat ek geleer het ‘n werksboek saam te stel.
Release your Creativity is ‘n 9-weke kursus, en The Artist Way het die fondasie
daarvoor gelê. Release your Creativity is tans beskikbaar op my webwerf en sal
eersdaags ook in Afrikaans beskikbaar wees.
Met dit saam het ek geweet ek sal
‘n platform moet skep. Aanvanklik was dit Kreativ Collectiv gewees maar met konstante
tegniese probleme op daardie webwerf, en tyd vir hernuwing vir my domain het ek
besluit dit is ‘n goeie idee om oor te slaan na KreativPreneur toe. Dit het
maar alles met tydsberekeing te doen.
KreativPreneur is ‘n holistiese
platform waar ek kyk na elke aspek van kreatiwiteit. Ons bestaan immers uit
liggaam, siel en gees, ‘n volronde holistiese wese. God se DNA is in ons
geprogrammeer en daaruit wys Hy ons nuwe dinge wat vir ons ‘n nuwe lewe
voorberei.
M.a.w., Hy gee ons ‘n platform om
selfversorgend te word mits ons gekonnekteer is met Hom. Ons is elkeen ‘n put.
Elkeen se put verskil in diepte en die donker vrese van die onbekende. Maar
wanneer ons toelaat dat God deur ons werk begin daardie put oop te maak en die
donker word verruil vir lig. Die water begin te styg, later stroom dit oor die rotswande
wat dan ‘n stroom word. Hierdie stroom word ‘n volwaardige rivier. Die doel van
KreativPreneur is dan om elkeen te help om daardie stroom te bereik.
Openbaring praat van ‘n rivier
wat gevul word met visse wat dui op voorsiening, die blare wat nie verwelk nie
wat dui op God se genesing en ons bewaar. Die goeie vrugte wat genesend en
voedend van aard is, is wat ons uit gee aan die mense wat ons pad kruis.
Hierdie prentjie is lewendig in
my hart. My stroompie moet aansluit by jou stroompie. Ons kan dit nie alleen
doen nie. Ons het mekaar nodig want dan word ons ‘n rivier wat deur die land
vloei met genesing in ons dieptes en voorsiening in ons samestelling.
5. Die Waarheid se Dig en Skryf
kompetisie - is daar nuwe talent in SA?
Ek glo daar is. Die pad is oop
vir elkeen om te ontwikkel mits hulle luister na die raad wat gegee word. Dit
is so maklik om in ‘n strik te val van “ek weet”. Glo my, selfs na 13 jaar weet
ek nog nie als nie. Ek maak nogsteeds foute. Maar wanneer jy bereid is om te
leer en aan te hou skryf sal die woorde outomaties kom en saam met dit die
deurbraak.
Die geheim is skryf en lees. As
‘n skrywer is die twee onlosmaaklik deel van jou.
Ek lees ten minste een boek ‘n
week. Ek lees verskillende genres want elkeen leer my iets. Daar is baie
skrywers wat niks lees nie en nie kan verstaan hoekom hulle nie ontwikkel nie.
Lees is ‘n katalisator vir jou eie skryfwerk. Of jou nou fiksie, nie-fiksie of
net die Bybel lees. Jy moet lees.
Saam met dit moet jy ‘n tweede
vel ontwikkel. Daar was verskeie kere wat ek wou ophou. Daar is mense wat dink
ek is sub-standaard. Daar is mense wat dink hulle kan dit beter doen as ek.
Maar ek is nog hier, waar is die mense? Jy moet in jouself glo. Niemand anders
gaan nie. Baie mense stop met die eerste kriteik wat die verkeerdste ding kan
wees.
6. Hoe oorkom skrywers die vrees
om te begin?
Vir elkeen is dit anders. Maar
dit is eintlik eenvoudig. Deur op jou knieë te gaan en Vader toe te laat om
deur jou te werk. Ons kreatiwiteit kom van Hom af. Hy weet waarmee ons sukkel.
Hy weet van elke vreesagtge gedagte en gevangeniskap waarin ons is. Hy weet hoe
ons aanmekaar gesit is.
Maar ten spyte daarvan het Hy sy
asem in ons geblaas. Daardie asem is lewend en kragtig om elke muur van vrees
te oorwin. Wanneer ek Hom vertrou en al my vrese voor Hom neersit dan help Hy
my om dit te oorkom.
Die volgende stap is om te gaan
sit voor daardie sleutelbord en jou gedagtes neer te pen.
Deel van die 9-weke kursus is om
elke dag vir daardie nege weke elke oggend jou hand op papier te sit en te
skryf. Deur net te skryf sonder om te dink oor wat jy skryf maak jy ‘n deur oop
vir woorde om te vloei. Kort voor lank begin stories tevoorskyn kom. Of ‘n
gedagte vir ‘n boek. Of ‘n gedagte vir ‘n rolprent. God wil sy Hart aan jou
openbaar en wanneer jy tyd maak om stil te word begin Hy om die pen oor te vat.
Maar dit begin by daardie eerste
stap. Om jou knie te buig en stil te word. Wanneer ons in tap in God in wys Hy
jou die pad vorentoe. Hy help jou om daardie vrees te oorwin.
7. Waarna sien jy uit vir die
toekoms van 'skryf' in Suid Afrika?
Die toekoms van Skryf in Suid
Afrika is baie helder en blink. ‘n Mens sien dit oral op die Internet. Die
skrywersplatforms op FB alleen is legio. Met mense wat passievol hierdie craft
volhou sal skryf ‘n permanente rol speel in ons lewe.
Ek lees nou die dag dat AI of Artificial
intelligence skryf gaan oorneem in die toekoms. Maar ek kan nie sien dat dit
wel sal gebeur nie. AI kan nie emosies skryf nie. AI kan nie die kleure van ‘n
Bosveld sonsondergang beskryf nie. Dit kan ook nie die pyn van ‘n kind weergee
of die weëmoed van ‘n moeder of die absolute radeloosheid van ‘n vader nie. Dit
is nie in sy DNA geskryf nie. Net die mens kan uiting gee aan dit wat hier
binne gebeur.
Skryf is ‘n tasbare lewende
organisme wat niemand kan keer nie. Selfs al moet ons op klip skryf sal dit
voortleef.
8. Hoe werk die Writer's Journal for Beginners? Hoekom is daar so baie mense wat deesdae hul stories wil skryf?
Writer’s Journal for Beginners is
‘n samevatting van wat ek geleer het die afgelope jare. Dit is die fondasie van
skryf en waarna om te kyk. In Suid Afrika is daar min sulke boeke beskikbaar en
met ‘n groeiende mark wil mense weet hoe. Met die knaende kragprobleem in ons
land wil mense ‘n werksboek in hul hande hê.
Die riglyne is weereens ‘n
omvattende holistiese kyk na jouself. Die joernaal begin met dertien vrae wat
jy moet deurwerk. Juis om daardie vrese waarvan ons vroeër gepraat het te kan
uitwis. wanneer jy jouself begin verstaan dan kan jy makliker deurbreek deur
die blokke wat jou probeer terug hou. Wanneer dit klaar is teken jy ‘n
Honouring pledge met jouself. ‘n Sertifikaat wat jou verantwoordelik hou vir
die projek waarmee jy begin.
Ek help jou van karakter en
wêreld bou tot hoe om jou woorde te hou (Of Word Tracker). Dit is ‘n aansporing
asook ‘n middel om jou gefokus te hou op die eind doel.
Wat is die verskillende oogpunte
waaruit jy kan skryf. Waarna om te kyk as jy ‘n karakter wil skep, ens.
Elkeen van ons het ‘n storie om
te vertel. Of dit nou in fiksie is of nie-fiksie. Daardie storie brand in jou
en vroeër of later wil hy uit. Hy wil die lig sien. Met al hoe meer stemme wat
die lugruim beset kan ‘n mens maklik voel jy word nie raak gesien of gehoor nie.
Om jou storie te vertel is om jou stem te laat hoor. Al is dit al wat jy agter
laat, vir iemand sal dit iets beteken.
9. Vertel meer oor Joernaal reeks
vir vroue.
Die erfenis reeks is een van
KreativPreneur se eerste babas. Omdat ekself uit ‘n gebroke huwelik kom en die
pad van opstaan ken verstaan ek die waarde van ondersteuning.
Die joernaal reeks, wat in al die
landstale beskikbaar sal wees is ‘n ondersteuningsmiddel vir vroue wat weer van
vooraf moet begin. Selfs die jonger geslagte, om hulle te help om doelgerig te
lewe te daarby te hou. Sodat hulle kan besef daar is meer in die lewe as net dwelms,
kêrels en om getroud te wees.
Daar is ook plek vir ‘n
gebedsjoernaal, dankbaarheid, finansiële en spaar joernaal asook ‘n lees
joernaal. Die is amper klaar en sal beskikbaar wees aanlyn in my webwerf en FB
winkel.
Die vertalings vat bietjie langer
as wat ek gedink het maar dit kom daar.
10. Hoekom juis vroue?
Selfs in vandag se tyd waar
vrouens als kan doen wat ‘n man kan doen is die vrou nogsteeds in baie opsigte
agter. Baie glo hulle is net geroep om ma te wees en ‘n tuisteskepper te wees
maar word as vrou heeltemal mis gekyk. Ekself was ‘n huisvrou vir negentien
jaar, en daar is niks mee verkeerd nie maar vroeër of later kom die “resentment”
of wrok na vore en jy glo jy kan niks doen nie.
Baie glo hulle het niks om te
bied nie. Van 2017 tot begin 2019, ek hoop ek het die datums reg, het ek ‘n
radio program gehad vir enkellopende vroue, Diamant Divas, op Elan Global
Radio. Ek wou vroue help om die gevare van ‘n enkellopende pad raak te sien en
ook te leer waarvoor om uit te kyk. Asook om hulle aan te spoor om weer te gaan
leer.
Wat ek uit my eie pad geleer het
en ook met die wat met my gesels het is dat ons baie goed nie weet nie. Baie
vrouens is nie “street smart” nie. Juis omdat ons weggehou word, in watte
toegedraai word en glo ons kan niks anders doen nie. Maar die dag wat ons
opstaan is ondersteuning yl.
Dit is ‘n brandende passie in my
om vrouens te help om op te staan. Om vir hulle ‘n platform te skep waar hulle
weer volwaardig vrou kan word.
11. Nuwe boek oppad... wanneer?
Wat maak jou opgewonde oor die verhaal?
Daar is twee boeke wat albei halfpad
is. Die een is The Connection Series. Die storie is gebore toe my seun Amerika
toe is. Dit was my manier om oor dit te kom en die mooi daarin te sien.
Dit handel oor twee families: die
Calloway’s, in Amerika en die Stevenson familie hier in Suid Afrika. Elke boek
in die reeks handel oor ‘n Bybelse waarheid. Die eerste boek is Source of Joy,
en is ligweg gegrond op Abigail en Dawid se storie.
Die ander boeke in die reeks
handel oor tweede kanse (Second Chances), om ‘n vrou van inbors te wees (Wife
of Nobility), geopende hemel (Open Heavens) en genadehuis (House of Mercy).
Elkeen handel oor gehoorsaamheid en net soos met Love at War moet die karakters
luister en gekonnekteer wees met God om hul seën te kan ontvang.
Die ander boek is Seisoen van
Liefde wat handel oor ‘n pa en dogter wat smag na ‘n nuwe lewe met ‘n paar
twists in die storielyn.
Al my boeke het ‘n Bybelse
waarheid in. Met Love at War is dit baie prominent waar die ander se storielyn
nie so opvallend is nie ten sy jy geestelik ingestel is om dit te ontvang.
Besoek Die Waarheid FB blad plasing hier, en skryf in vir die Boek Bundel Valentyn’s kompetisie.
Deel FB post wat Die Waarheid Radio, KreativPreneur, Lynelle Clark en al my links ook.
