Wys tans plasings met die etiket potgooie. Wys alle plasings

Woensdag 30 Januarie 2019

Diamant Divas Droomborde, 'n Tweede vel en romanse - wat het hulle in gemeen?

Hoe gaan dit met die droomborde?

Is julle op dreef en hoe voel julle om jul drome en verwagtinge te sien in beeld? Dit word nou ‘n groter realiteit, nie waar nie? Hoe meer jy dit sien, hoe meer sal dit begin insink. Dit is selfs goed om ‘n dagboek of joernaal nader te sleep en boek te hou van jou gedagtes en jou emosies. Dit sal jou touwys maak oor jou triggers en wat beinvloed dat jy miskien negatief raak. Wanneer jy dit neer skryf kan jy begin om daadwerklik daaraan te werk en so jou lewe weer op koers te kry.

Dit is ook verbasend hoe positief jou gesindheid word, jy beweeg en doen met meer selfvertroue en vrymoedigheid. Nou is jy oop vir nuwe idees, nuwe geleenthede en al is daar obstacles in die pad probeer jy nou om dit uit die weg te ruim voordat jy sommer onmiddelik nee sê.

Dit is natuurlik raadsaam om ook goeie oordeel aan die dag te lê, en indien jou gut sê stap weg dit te doen en nie hardkoppig vas te klou aan iets wat jou gaan byt nie. Soms raak ‘n mens so oorywerig om iets te wil bereik dat jy daardie klein stemmetjie dood smoor ten koste van jouself. Indien jy nie seker is nie kry jou feite eers agtermekaar, besoek Google en kyk waste inligting is beskikbaar of lees boeke, of indien jy iemand ken wie jy vertrou, vra.

As mens is ons geskape met ‘n wonderlike verdedigingdmeganisme en dit is common sense en verstand. Gebruik die twee, dit kos jou niks om ‘n paar minute stil te raak om seker te maak die stap is wel die regte rigting vir jou nie.

Wees getrou aan jouself, en leer. Dit is die enigste manier wat jy vorentoe kan gaan en werklik ‘n verskil kan maak in jou lewe.

‘n Tweede punt wat ek wil oor gesels is ‘n tweede vel. Dit is nogal ‘n belangrike tool om te hê in jou arsenaal. Nou sal jy seker in die rede wil val en my daarop wys dat jy ‘n reguit mens is wat nie ‘n moordkuil van jou hart maak nie, en dit is goed so. Maar daar is tye wat jy ‘n wag voor jou mond moet sit en stilbly. Deur net die eerste ding wat in jou gedagtes kom te praat veroorsaak meer skade as goed. Leer om te luister en dan te praat. Dit is hoekom jy twee ore gekry het, en een mond. Om tweekeer meer te luister as te praat.

Dit is juis hoekom so baie mense meer in die moeilikheid is as daar uit. En vrouens is baie skuldig hieraan.

As enkellopende persoon is daar dae wat jy tweekeer moet dink voor jy reageer. Daar sal ook tye wees was jy op jou tande moet kners en net wegstap. Op die lange duur sal hierdie manier van hantering jou meer goed doen as sleg. Kies jou oomblik van praat goed en praat dan, wees in beheer en verstandig met jou woordkeuse. Maak seker jy verstaan voordat jy toeslaan en byt.

Jy is alleen. Jy het nie iemand wat vir jou kan opstaan of verdedig nie. Mense is snaakse wesens en vererg hul sommer vinnig vir die geringste ding. Of sal dinge sê wat liewer ongesê kon gebly het. Dit veroorsaak gewoonlik ‘n geskree of vloekery – bloot net omdat mense mekaar verkeerd verstaan. Die oomblik wat jy vloek vertel dit daardie persoon dat jy besig is om beheer te verloor en dat jy eintlik nie weet wat aangaan nie.

Dit is sulke tye wat jy daardie leervel moet aantrek en mense in die oë moet kan kyk of wegstap. Nie elke geveg hoef deur jou gewen te word nie. Nie elke geveg gaan oor jou nie. Nie elke geveg hoef jy jouself te verdedig nie. Maar wanneer jy jouself distansieer van die situasie sal dit insigself ook ‘n triomftog wees.

As enkelpersoon is ons oorsensitief oor enige skewe kyk of woord wat na ons kant toe kom, maar wanneer jy jouself toelaat om stil te raak en miskien rustig te vra dat die persoon dit weer moet herhaal of moet verduidelik en jy dit weer hoor besef jy dit was toe heeltemal anders as wat jy gedink het.

Nog ‘n waarheid wat daarmee saam gaan is dat mense van jou gaan verskil en heel moontlik van jou gaan skinder – dit gebeur met die beste van ons. Die vraag is of jy jou gaan steur daaraan? Deur jou te steur daaraan gee jy hulle meer ammunisie. Mense sal glo wat hulle wil en jou verduidelikings gaan dit nie verander nie.

Indien jy ‘n fout gemaak het wees die eerste een wat omverskoning vra en stap aan, sodat jou glans dan deurskyn. Om tyd te verspil op iets wat gebeur het is ‘n vermorsing van tyd en stembande. Verander die onderwerp of stap weg tot daar genoegsame kalmte gekom het sodat albei partye rasioneel daaroor kan praat, indien dit nodig is.

Onthou, woorde wat geuiter is kan nie weer terug getrek word nie. As dit gepraat is dan is dit daar buite. Woorde maak heel maar woorde breek ook af, en lank nadat iemand iets gesê het bly daardie woorde nog agter en voed jou aksies onbewustelik. Al hierdie dinge kan jou stop om aan te beweeg.

Juis in hierdie tyd van jou lewe is dit belangrik om aan te beweeg, om jou self te skaaf tot die beste diamant moontlik. Maar jy gaan dit nie reg kry wanneer jy sensitief is oor elke liewe woord wat iemand praat nie.

Wanneer jy bereid is om kanse te vat sal mense vir jou hande klap of jou gooi met vrot tamaties. Dit is dan belangrik om ‘n tweedevel te ontwikkel. Hooggeplaastes en leiers ervaar dit eerstehands. Dink aan ‘n paar mense wat jy ken wat dit al moes trotseer. Skielik was hul lewe op die voorblad uitgebasuin. Wat was hierdie persoon se reaksie?

Dit is belangrik om gewoond te raak aan hierdie eb en vloei van die lewe. Wen en verloor. Lofprysing en haatdraende spraak. Om terug gebel te word of geignoreer te word. Soos reeds genoem in die begin, alles wat gebeur gaan nie oor jou nie. Mense raak besig, hul lewe val skielik uitmekaar of hulle vergeet en om dit dan persoonlik te vat is net tot jou eie nadeel.

Wanneer jy jou houding verander en ‘n tweede vel ontwikkel is jou lewe minder stressvol.

‘n Paar gedagtes om oor te oordink.

• Waarvoor is jy die bangste wanneer dit kom by Kritiek?

• Ek is bang dat die Kritiek wat ek wel ontvang iets sal bewys van my, wat is dit?

(Byvoorbeeld: “Wanneer ek selfsugtige genome word, is ek in werklikheid selfsugtige of is dit net die persoon se eie onvermoë wat weerspieël word?”

“Indien ek ‘n een ster resensie op ‘n boek kry beteken dit ek is ‘n slegte skrywer?)

• Dink ‘n bietjie aan tien ander maniere wat jy kan intrepreteer as kritiek. Byvoorbeeld, die ander persoon voel bedreig deur jou, of het jou nie verstaan nie, of, maak nie saak wat jy doen nie, jy en die persoon sal net nie om dieselfde tafel kan sit nie.

Wend ‘n poging aan om jouself te vind en te deel met die dinge wat jou ewewig steur. Nou is die ideale tyd om dit te doen, niemand om jou te pla of wat jou tyd opeis nie. Maak werk van die dinge wat jou skaaf en sorter dit uit. Dit is die enigste manier om aan te beweeg.

‘n Praktiese werkie om uit te voer. Een wat nogal ‘n mens se oë oop maak, maar ek wil hê julle moet fisies sien of daar enige reaksies is. Besoek Amazon.com se boek afdeling. Soek jou gusnteling skrywers op en gaan lees die een ster resensies. Dan lees jy ‘n klomp 5 ster resensies. Wat weeg die grootste in jou kop? Het die skrywer of agent daarop gereageer? Hoe sal jy voel as jy sulke kritiek moet kry?

Wend ‘n doelbewuste poging aan om die negatiewe kritiek te vergeet en te konsentreer op die goeies. En leer. Moenie in ‘n hoekie gaan wegkruip nie. Leer, en maak daardie vel van jou dikker. Op die ou einde sal jy ‘n gelukkiger persoon wees.

Op hierdie stadium is jy dalk nog rou en sien glad nie kans vir enige romanse nie, om nie eers te praat van ‘n verhouding nie. Vir ander, wat nou al ‘n rukkie alleen is en die ergste skokke verwerk het en gereed is om weer die waters te toets is dit dalk ook ‘n tammeletjie.

Vernaam as jy lank getroud was en die romanse gedeelte lankal weg geval het. Dan het jy geen benul wat jy eintlik soek nie. Of jy het ‘n idee maar weet nie hoe om te werk te gaan nie.

Kom ons fokus eers op die seer groepie wat nog wegskram van enige iets wat liefde insluit. Ek verstaan baie goed waar julle is, was self ook daar. Dit is ‘n baie teer tyd in jou lewe en nie almal om jou gaan dit verstaan nie. Maar jy skuld dit aan jouself om weer die mooi raak te sien en die bril van hartseer weg te gooi.

Om dit die beste te antwoord moet eers kyk wat is romanse.

Romanse is daardie geheimsinnige gevoel wat elke verhouding uniek maak. Dit is die klein dingetjies wat wys jy gee om sonder groot fanfare. Dit bind twee mense saam as ‘n eenheid en maak dit besonders en uniek.

Het jy geweet jy kan ook met jouself ‘n romantiese verhouding hê. Immers verstaan jy jouself beter as wat enige ander mens kan. So om Byvoorbeeld op te staan en ‘n blom te pluk wat jy naby jou hou, op die lessenaar of waar jy besig is, is ‘n tasbare bewys dat jy lief is vir jouself.

Die feit dat jy opstaan, oefen, stort en jouself mooi maak doen iets aan jou as vrou maak nie saak wie anders sien dit raak nie.

Romanse beteken in kort – om tyd te maak vir jouself, jouself te bederf en lief te hê.

Op my blad gaan ek skakels plaas van hierdie onderwerp maar die een wat ek wil he julle almal moet luister na is die een van Tracy McMillan. WOW is al wat ek kan sê. Die dame was drie keer getroud en geskei kom uit vele mislukte verhoudings insluitend die van haar ouers. Maar wat uitgestaan het van haar is haar vermoë om op te staan en te verander. Ten goede. Doen jouself ‘n guns en knyp die 15-minute af en luister na haar. Ek kan julle waarborg dit is die moeite werd. Die video clip handel oor self liefde. Indien jy nie met jouself kan getroud raak en in ‘n goeie verhouding is nie gaan die res van jou lewe ook uitmekaar val. Sy verduidelik dit baie goed deur haar eie lewe en hoekom dit so belangrik is.

As enkel persoon is dit nie die einde van jou lewe nie, dit is net ‘n nuwe begin en hoe vinniger jy jouself lief het hoe beter sal jou lewe word. Selfs ‘n inspirasie vir ander vroue.

The person you really need to marry | Tracy McMillan | TEDxOlympicBlvdWomen

https://www.youtube.com/watch?v=P3fIZuW9P_M

Vir die vrouens wat reg is om aan te beweeg geld dieselfde bostaande gedeelte. Net wanneer jy werklik waar vrede gemaak het sal jy ware geluk vind.

Jy het geen rede om hals oorkop in ‘n new verhouding te val nie. Jy het tyd aan jou kant. Ongeag jou ouderdom het jy tyd om reg te kies.

Vir jou is romanse dalk die meer tasbare sy daarvan. Jy is honger vir aanraking en koestering. Jy smag na daardie eenheid wat net ‘n verhouding kan bied.

Om romanties te wees beteken dat albei partye moet gee en indien jou nuwe maat se lewe net om homself draai is dit duidelik nie die regte maat vir jou nie.

Onthou jy hoef nie die eerste man, wat vir jou ogies maak te kies nie. Jy kan kies en keur, en omdat jy alreeds ‘n inhoudsopgawe het van wat is verkeerd vir jou soek iemand anders uit met wie jy wel ‘n gemaklike verhouding kan hê.

Ek sal ook ‘n video clip skakel plaas op my blad van Joanne Davila wat gesels oor gesonde verhoudings. Kyk gerus daarna en kyk hoe dit van toepassing is vir jouself.

Skills for Healthy Romantic Relationships | Joanne Davila | TEDxSBU

https://youtu.be/gh5VhaicC6g

Hier is ‘n paar punte van romanse om dit teen te meet

1. Hoe gemaklik kan julle kommunikeer.

2. Maak julle tyd vir mekaar gedurende die dag om tyd saam te spandeer.

3. Kan julle intiem verkeerd bv ‘n slow dance waar net julle twee bestaan.

4. Doen iets besonders soos verras mekaar met ‘n piekniek of bak ‘n lekker koek. Vir geen rede op hierdie aarde maar om by mekaar te wees. Onthou seks is nie die enigste manier om alleen tyd te ervaar nie.

5. Moenie wag vir hom om te reageer nie. Doen iets.

6. Daar is vir my niks meer romanties as ‘n soen op die voorkop.

7. Help mekaar met klein of groot takies. Al is dit dan net om te tang aan te gee terwyl hy besig is.

8. Omhelsing is ook ‘n groot romantiese faktor, daardie spesiale manier van drukkies wat jy by niemand anders kry nie. Indien dit lei na gemeenskap, goed so, indien nie, ook goed. Nie alles hoef te eindig tussen die lakens nie.

9. Stuur vir mekaar mooi boodskappe. Soetsappig, maar dit doen tog iets om die lug te suiwer en gemoedstemming reg te kry.

10. Kook ‘n spesiale ete.

11. Kyk saam ‘n romantiese fliek. Maak dit interresant deur ‘n heerlike bottle wyn en poeding by te voeg.

12. Ek is ‘n groot voorstander van massering. Dit help om te ontspan, bou kommunikasie en is net goed vir die algehele vibe tussen julle.

13. Sorg dat daar altyd iets spesiaal in die yskas is.

14. Dra parfum, doen moeite met jouself al is dit net in ‘n denim en top.

15. Maak vir die persoon ‘n heerlike koffie soos hulle daarvan hou.

16. Maak oogkontak. Dit is belangrik om enige gevoelens te verstewig in ‘n verhouding.

17. Sit langs mekaar by ‘n eetplek, snuggle en gesels lekker saam.

18. Speel jul gusnteling musiek of liedjies, verbasend wat dit kan doen om die atmosfeer te draai

19. Neem fotos van mekaar en raam dit.

20. Kyk saam die sterre of gaan stap lang engte.

Goeie verhoudings begin deur te gesels. Om mekaar te leer ken deur stories en staaltjies. Jy hoef nie al jou hele hart op die eerste aand se kuier te sit nie. Toets eers die grond deeglik voor jy oorgaan tot verklarings van liefde. Dit is raadsaam om te wag daarmee tot jy reg is en nie omdat jy geforseerd voel om dit te se nie. Indien hy nie daarvan hou nie en ook nie kan verstaan nie sou ek aanbeveel om hom die deur te wys.

Om vandag se program saam te vat.

Droomborde en joernale is ‘n moet in hierdie tyd van ontdekking en nuwe besluite neem. Dit gee jou die selfvertroue om take aan te pak.

Kry ‘n tweede vel is belangrik in oorleweing. Kies jou gevegte reg en jou woorde mooi. Nie alles gaan oor jou nie.

Moenie van jou romantiese sy vergeet nie. Bederf jouself. Koop daardie mooi nommertjie en vat jou self uit vir ‘n ete. Die mense sal niks dink nie. Sommige sal jou admireer omdat jy braaf genoeg is om dit te doen.

Maak kontak met mekaar, wees daar vir mekaar.

Moenie jou vooropgestelde idees vir romanse so stel dat jy ‘n verhouding sink nog voor dit begin het nie.

Onthou dat jy besig is met ‘n slyp proses. Die tyd wat jy insit om te skaaf aan jouself is die persentasie glans wat jy kry. Poets jouself totdat jy skitter.

Tot ‘n volgende keer, mooi loop diamante.

ELAN GLOBAL RADIO

Die Stasie Vir Passievolle Mense

https://www.elanglobalradio.com

Facebook: Elan Global Radio Kuier en Klets https://is.gd/s1PX8T

Twitter: Elan Global Radio

Instagram: elan_global_radio

WhatsApp: 066 305 3580

Facebook blad Diamant Divas

SKAKEL IN:

SIMPLE RADIO App.

http://14123.live.streamtheworld.com/SAM04AAC125_SC

http://listen.samcloud.com/w/90758/EGR/?play=y#history

http://www.liveonlineradio.net/south-…/elan-global-radio.htm

Dinsdag 23 Oktober 2018

Diamant Divas Program vir Woensdag 24 Oktober 2018. Triggers – snellers

Wat beheer jou onbewustelik?

My onderwerpe wissel soms van die normale voorlegging vir die program. Omdat ek nog self op ‘n ontdekkingstog is en nog nie als perfek het nie is daar tye wat ek met dinge moet deel. En as ek met dit deel weet ek dat daar vrouens is wat ook daarmee sukkel. Dit is wat die program material bepaal. Miskien nie altyd wat julle sal verwag nie. Maar ek glo aan openlikheid. Hopelik sal julle ook daarby baat vind in hierdie pad van herprogrammering en soeke. Onthou ‘n diamant word gepolitoer en gevryf om die perfekte steen te wees. Hoe meer ons werk aan die klein jakkalsies hoe vinniger word ons bruikbaar – kan ons glas sny sonder probleme of weerstand.

Die week was ek met die vraag “wanneer kry jy die verlede agter die rug?” gekronfronteer. Na ‘n paar hittige woorde het ek net weereens besef dat daar tog nog dinge is wat my affekteer. In my optrede en aksies. Ons reaksies tree op as ‘n verdedigings meganisme en ek tree soms kompulsief op deur aan te val; wat eintlik teen my geaardheid is. Die klemmende gevoel wat my soms beetpak is iets wat ek nie rerig in woorde kan omskryf nie maar dit veroorsaak dat ek impulsief optree. Ek verloor selfs my woorde en my denke word totaal omvergegooi dat ek nie mooi kan dink nie. Dit is die sneller wat my laat optree, en wie ookal voor my staan kry die koeël by wyse van spreuke. Want hy/sy is skielik die teiken. Jy weet hulle is nie die vyand nie maar daardie sneller ontplof. Plotselings en sekuur. Agterna besef jy dit was verkeerd en jy kasty jouself daaroor. Vra omverskoning maar dan is dit eintlik te laat; die seer is gedoen.

Ons kan vreeslik geestelik raak oor hierdie onderwerp en teksverse uitwys dat God ons beheer. Maar in die dag tot dag lewe, waar jy omring word deur mense en jou omgewing, kan die ding ‘n groot invloed hê op jou handelinge. Die oomblik wat iemand iets aan jou doen, los dit verrykende gevolge vir jou. Dit is dan wat God nie in beheer is nie maar jou eie siel. Dit gebeur outomaties; Dit is selde wat jou gees jou dan lei.

Eintlik reageer jy om jouself te beskerm maar die ander persoon sien dit nie so nie. Hulle dink jy doen vergelykings – spesifiek met jou lewensmaat wat die nadraai van jou gedagtegang kry. Die meriete van hierdie soort optrede dra gewig in sommige gevalle maar wanneer dit ons hele lewe affekteer en elke besluit beïnvloed word moet daar ‘n punt kom waar ons stop. Moet ons beheer daaroor vat.

Dit is moeilik om na aantal jare jou gedagtes te verander. Om werklik nuut te dink. Vir solank word jy geprogrammeer om op te tree volgens sekere gebeure of handelings wat teen jou gemik was. Selfs al probeer mense jou anders bewys. Dit vat tyd om dan weer anders te dink.

Met dit ingedagte staan ek vanoggend onder die stort en gebruik die water wat op my neer reën as ‘n simbolieke aksie. Die stortkop, die Vader uit wie lewegewende water voortkom en op my neer reën. Ek laat toe dat vars water oor my spoel. Die Engelse het ‘n mooi woord daarvoor. Ek “immerse” weer opnuut in die Vader se teenwoordigheid. Wat dit beteken in kort is ek plaas my self in ‘n posisie om weer te ontvang en my denke te vernuwe. Ons kan nie meer handel op ou, styl manna nie en het daarom nodig om weer gevoed te word met nuwe vars manna. Manna wat nou toepaslik is. Net wanneer ons gevul word met die nuwe kan ons die triggers oorkom. Dit is ‘n daadwerklike stap in die regte rigting om genees te word.

Triggers of snellers is goed waarmee die meeste mense onbewustelik sukkel. Die meeste van ons besef dat daar so iets is by mense wat in ‘n oorlog toestand was of mense wat deur erg traumatise gebeurtenisse gegaan het. Maar min besef dat lewenslesse ook triggers laat. In my lewe was ek deur erge finansieële lesse wat diep spore gelaat het. Dit was ‘n vreeslike tyd waarin ons rondgetas het vir antwoorde met geen uitkoms nie. Ons was vir 5 jaar sonder werk en ons het letterlik van dag tot dag geleef. Elektrisiteit was ‘n luukse waarsonder ons moes klaar kom. Toe dit gebeur het, het ons nie gas gehad bv om aan ons daaglikse behoeftes te voldoen nie. Ons kon nie kos maak nie; het nie ‘n yskas gehad om kos te kon bewaar nie. ‘n Kar was ‘n luukse en ons moes loop waar ons wou wees.

Dit als los letsels. Die vrees dat hulle jou laaste paar goedjies ook gaan kom vat. Die vrees dat hulle jou gaan kom toesluit omdat jy nie jou skuld kan betaal nie. Die vernederings waardeur jy gaan wanneer elke stukkie menswees van jou gestroop word. Dit het ‘n geweldige impak in my gemaak. Ons was glad nie voorbereid op so iets nie en ek was by tye kwaad vir die Vader.

Toe my maat se jaarlikse rente skielik verdwyn uit sy rekening het al daardie vrese weer terug gekom. Dit was ons inkomte vir die volgende jaar, en totdat my eie besigheid ‘n inkomste toon. Dit was so onverwagse dat dit ons albei van balans gegooi het. Die trauma is weereens beleef. Dit was asof die verlede weer sy opwagting gemaak het en ek het soos ‘n failure gevoel. Dit het gevoel of die goed my agtervolg en my wil vernietig. Dit is seker baie vergroot, maar in jou kop beleef jy weer al daardie emosies van ouds.

Triggering veroorsaak ‘n negatiewe emosionele uitwerking en jy reageer. Wanneer mense dit nie ervaar het nie dan verstaan hulle nie hoekom jy optree soos wat jy optree nie. Hulle verwyt jou dan. Vertel jou hoe sleg jy is en dat jy net simpatie soek. Of elke optrede word bespreek en jy word beskuldig dat jy dink die wêreld skuld jou iets. Dit dra nog verder by tot die sere wat jy moet verwerk. Hierdie emosionele reaksies kom uit as vrees, onbeheerste huilbye, terugblikke, en kan selfs fisiese reaksies veroorsaak soos pyn of, in my geval, my ekseem flair skielik erg op. Dit voel dan of ek al die probleme uit my wil krap en laat merke op my bene, arms en lyf wat ‘n tyd vat om volkome te genees, en gewoonlik net met die hulp van kortisoon. En as daar nie geld is vir behandeling nie vererger dit.

Hierdie sneller word veroorsaak deur ‘n onverwagse verandering in jou lewe waarvoor jy nie voorbereid was nie. Enige iets kan dit aktiveer. ‘n Spesifieke woord, of daad. Vir sommiges ‘n lied, of plekke. Selfs klere en kleure kan daarmee geassosieer word. Letterlik enige iets kan veroorsaak dat jy skielik paniekerig raak of ontplof. Injustice is nogal ‘n groot trigger by my. Ek word sommer blind van woede.

Omdat ek nog self-maar genesing moet ontvang moes ek bietje gaan rondkrap op Google vir antwoorde. En hier is wat die slim mense skryf. Hopelik sal dit nie net vir my nie maar vir elke diamant ook van nut wees.

Heal our life dot com / living free dot com

The completion process by Teal Swan

Hoe kan die mense naaste aan jou help om dit te oorkom of te vermy?

Kennis help gewoonlik. Indien jy die persoon se storie ken, verstaan wat om te vermy. Moenie bydra tot die angs gevoelens of opmerkings maak soos jy sit net aan of ruk jou reg nie. Doen bietjie navorsing en wees bedag om so ‘n persoon te help. In plaas van om vir ‘n persoon te sê hulle is nou laf of kom net daaroor, help om die stress te verminder en tree in die bresse. Wees sensitief vir die persoon se reaksies en moenie dit persoonlik vat nie. Dit is gewoonlik waar die meeste mense naaste aan so ‘n persoon dit mis vat. Die persoon probeer om te verduidelik hoe hy/sy voel, om dit dan persoonlik op te vat is katastrofies vir die verhouding. Die persoon het gewoonlik nie verweer daarteen nie. En die ander persoon is ontsteld. Dit is dan ‘n kruitvat wat met die geringste provokasie kan ontplof.

1. Gee aandag aan die sneller. Deur dit te ignorer gaan dit nie laat verdwyn nie. Elke sneller is verbind met jou gedagtes en emosies. Voor jy reageer raak stil en oorweeg die reaksie. Sal dit tot voordeel wees in die situasie?
2. Identifiseer die snellers. Hier het ek ‘n lang lys neer gepen van my eie snellers. Begin met die logiese snellers. Wanneer jy klaar geskryf het beskryf dan jou reaksies. Hierdie reaksies kan jy hok slaan deur dit te vervang met positiewe reaksies en woorde. (Ek wil tog byvoeg indien jy werklik sukkel, praat met ‘n berader oor die dinge. Kry kundige advies. Op EGR se panel is daar heelwat beraders met wie jy kan kontak maak.)
3. Probeer om te verstaan wat gebeur voordat die snellers afgaan. Gebeur dit in die dag of nag? Hoekom is jy in daardie netelige situasie?
4. Haal jou vinger van die spreekwoordelike sneller af. Uit self verdedigings loop jy permanent met jou vinger op die sneller; altyd gereed om af te vuur. Maar ons moet dit ons doel maak om nie te reageer nie. Jy moet ‘n keuse maak om weg te draai. Dink aan die reaksies wat jou optrede sal veroorsaak.
5. Verander jou geloofsisteem. Val eerder die leuens aan wat geassosieer word met daardie sneller. Bring God se waarheid in. Doen Bybelstudie. Wat sê God se woord oor die bepaalde struikelblok? Verander die leuen met die waarheid en praat dit totdat dit deel geword het van jou.
6. Jou siel moet nou gesond word. Kies ‘n nuwe reaksie. Deel met die emosies met die Lewende swaard. Onthou jy is nie net ‘n diamant nie maar ook vegter. Die harnas van waarheid is jou beskerming. Dra dit met trots.

Daar is 5 belangrikke stappe wat ons kan volg om weer beheer te kry. stappe wat ons gaan help om weer mens te word en gelei te word deur die Heilge Gees i.p.v ons impulsiewe geaardhede of die sielsvlak. Die stappe is….

5 Core steps
1.       Creation of a safe haven – setting up a mental place where it’s safe to re-enter a painful meeting.
2.       Validation – giving the painful emotion the message that we see it as valid.
3.       Seeking origin – asking, “when was the first time I felt this feeling?” to connect to the root of it.
4.       Awaiting relief – inside the memory, letting the feeling naturally shift in the direction of relief.
5.       Purification and healing. A ritual for closing the memory of trauma and beginning a “new life.”

This is a journey that will take you into the deep recesses of your mind, resurrecting the aspects of themselves that have been lost. Skryf Teal Swan.

Vertroue is ‘n groot aspek van herstel. Met dit ingedagte kom ons vervang saam die leuen van wantroue met Vader se woord. Onthou, vars manna is nou nodig. Praktiese bakens wat jy oral om jou kan opsit en dit leef. Hoe meer jy dit sien hoe meer sal die leun vervang word en sal jou siel genesing ontvang. Die geleerdes sê dit vat 21 dae om ‘n gewoonte te verander. So, vir die volgende 21 dae gaan jy baie naby die Bybel wees. Jy gaan deurdrenk word met die waarheid; Die verse gaan lewend word. Leuens moet die knie buig. Die krag van die woord gaan ons help om hierdie siklus te breek.

Kom ons voeg die daad by die woord en spreek die Woord hardop. Onthou ons ore moet dit hoor sodat ons kop die nuwe inligting kan registreer. Nes ‘n rekenaar moet jy herprogrammeer word. Gereset word as te ware. Ons het nie nodig om langer in hierdie trigger fase te bly nie. Ons kan ‘n goeie lewe leef. Dit is immers God se belofte aan ons.

2 Tess 3:3-4 Die Here is getrou. Hy sal julle versterk en julle van die Bose bewaar. Deur die Here het ons vertroue in julle dat julle doen en sal doen wat ons julle voorhou.

Hy lei ons ook in die vertroue wat ons in mense kan stel. Immers was mense die wapen wat teen jou gebruik was. 2 Kronieke 16:9 Die Here het sy oë oral op die aarde, sodat Hy dié kan help wat met hulle hele hart op Hom vertrou.

Ps 84:13 bely: Here, Almagtige, dit gaan goed met die mens wat op U vertrou.

Ps 112:7: die regverdige…is gerus, hy vertrou op die Here.

Ps 115:11 Julle wat die Here dien, vertrou op die Here, Hy help en beskerm julle.

Spreuke 3:5 Vertrou volkome op die Here, en moenie op jou eie insigte staatmaak nie. Ken Hom in alles wat jy doen, en Hy sal jou die regte pad laat loop.

Spreuke 16:20 Wie op die Here vertrou, met hom gaan dit goed; een wat op die Here vertrou is voorspoedig.

Jesaja 28:16 Ook wanneer U straf, Here, vertrou ons op U.

Volgens die Bybel moet ons, en kan ons, op God vertrou.

Hier is nog 'n paar skrifte vir julle eie stilte tyd.

Ps 4:6; 9:11; 25:2,3,21; 26:1; 27:14; 28:7; 31:15; 32:10; 33:20; 37:3,7,34; 38:16; 46:6,12; 43:5; 55:24; 56:4; 62:2; 71:5; 78:22; 91:2; Spr 20:22; Jes 12:2; 25:9; Jer 14:22; Dan 3:28; 6:24; Mat 27:43; Hand 27:45; 2 Kor 1:9; 3:4; Hebr 2:13.