Thursday, September 16, 2021

A little bit of everything at Ns. Skrywershuis. Do support the authors.

 



ENGLISH LITERATURE

PUBLISHER: Ns. Skrywwrshuis
ONLINE SHOP: www.nskrywershuis.co.za
FORMATS: Soft cover / ePub / Mobi
DANCES WITH THE DEVIL (Don Coetzee): Gangs rule the drug world and find their way into the meth dens of Cape Town. The SAPS team, BAD is confronted by a delinquent world which is foreign to their crime intelligence. With love triangles, and surprising twists and turns – this book will leave you gasping for more.
MURDER REVENGE (Judy De Bruin): Inga Taylor, a captain in the police force, and her girlfriend, Liza Jordan, a nurse at the hospital, both have skeletons in their closets. But when the rattling of the skeletons became too noisy, dead bodies started appearing everywhere.
BLOOD MINES (Lynelle Clark): Tanya’s life was turned upside down when her son, Steve was attacked by renegades and she had to dig deep facing her worst fear to save them both.
It is the year 2048, 30 years after a devastating quake had changed Gauteng’s geographic features. The effects of the acid water, that covered most of the area, was visible to everyone but the government. The silent death crawling closer leaving devastation in its path. Nothing is excluded from the terror.
Tanya and Steve’s path of survival meet up with the rebels in their search for clean water and she had to face much more than just acid water to stay alive.
A thrilling story of courage and survival.
SOUTH AFRICA: A PILGRIM’S GUIDE TO HOPE (Dr. Deon Hoffman): At a time when our country finds itself at a spiritual crossroads and squarely in the crosshairs of the enemy that successfully manages to strip much of our hope for the future, this book makes an appeal to all Christian believers to take stock of their lives. This book restores hope for all South Africans searching for a new and better existence in a safe and crime-free South Africa by directing the reader towards God’s everlasting covenant with His people.
KING OF THE ROAD (Jeni Smithies): A true and magic experience, a captivating safari through Addo Elephant National Park with a passionate and knowledgeable tour guide – with fascinating facts, good laughs and fun – but also the sadness that sometimes happens in wildlife and the reality of the authors’ own life.
Jeni takes the reader on a memorable day safari and creates, with every sentence, an exact account of the event – so realistic that one can even feel the slightest bump in the road, hear the elephants trumpet and the roar of a lion.
A SPIRIT OF STONE AND A KEYRING (Jeni Smithies): A candid story of one woman’s courage and tenacity to fight for her dream despite many challenges and life-altering tragedies. This book will inspire others to dig deep within to find their higher selves, their true spirit when they encounter challenging times.
LOVE AT WAR (Lynelle Clark): Passionate about her work, war-torn South Sudan offered Sonia Main peace. When a man from her past confronted her once more, she had a choice to make. Curt McGee was a man bound by honour and duty. It took him away from home for long periods of time. Caught in infidelity, Curt’s wife’s thinking left him astounded, shocked even. His children prey to an unthinkable enemy.
PUBLISHER: Ns. Skrywershuis / info@nshuis.co.za
THE ARCHITECT OF YOUR PUBLICATION
www.nskrywershuis.co.za

Sunday, September 12, 2021

South Africa: A pilgrim's guide to hope



AUTHOR: Dr. Deon Hoffman

GENRE: Christian literature / motivational
PUBLISHER: Ns. Skrywershuis
ABOUT THE BOOK: At a time when our country finds itself at a spiritual crossroads and squarely in the crosshairs of the enemy that successfully manages to strip much of our hope for the future, this book makes an appeal to all Christian believers to take stock of their lives. Taking you on a journey to the truths of the Old and New Testaments, you will find a solid grounding and foundation for hope and faith in a righteous and faithful God that has never changed His ways through all the ages. This book restores hope for all South Africans searching for a new and better existence in a safe and crime-free South Africa by directing the reader towards God’s everlasting covenant with His people.
ABOUT THE AUTHOR: Born in the picturesque Boland town of Worcester, Deon spent his childhood in the Eastern Cape and South Coast of KwaZulu Natal where he matriculated in 1978. In 1988 he qualified as a medical doctor and spent the next 17 years practicing as a general practitioner before leaving for Australia. Seven years later the love for his country and its people brought him back to the familiar surroundings of the South Coast. At the age of 40, he recommitted his life to Jesus. His love for God’s infallible Word compelled him to bring a message of hope to all South Africans.
FORMAT: Soft cover / ePub / Mobi

Monday, August 2, 2021

Die stigma van SELF-PUBLIKASIE


 

Ek steek my kop in ’n byenes, maar as ék dit nie doen nie, wie sal? Ons moet die waarheid in die gesig staar, erken ons het gefouteer – alleenlik dán kan mens ’n oplossing vind. Nico Schamrel.

Daar is heelwat lesers wat teen self-publikasie gekant is, want die noodsaaklike inligting en leiding word nie aldag vir die self-publiserende skrywer of digter beskikbaar gestel nie. Die sonde lê hier: Meeste skrywers en/of digters volg nie die korrekte roete van professionele proeflees en taalversorging nie. Die hoofrede – dit kos geld en skrywers dink hulle kan dit self doen. ’n Speltoetser is nie ’n teksredigeerder nie! Baie drukkerye gebruik selfaangestelde proeflesers wat geen taalkennis het nie, spelfoute word (dalk) gewysig, maar die redigering gaan verlore. Die eindproduk bereik dus nie volle potensiaal nie. Goeie redigeerders kyk in-diepte na die manuskrip en begelei die skrywer tot verhaalontwikkeling en -verbetering. Hierdie swak lig waarin self-publikasie gesien word, is deur skrywers/digters sélf geskep. Ons kan niemand anders daarvoor blameer nie. Self-publiseerders wil die goedkoop en maklike pad kies, maar dink nie aan die gevolge nie. Swak boeke word deur skrywers en kleiner uitgewers gepubliseer – gevolglik het ’n stigma ontstaan dat selfgepubliseerde boeke nie goeie kwaliteit is nie. Hierdie stigma is ook deur die kleiner uitgewer aangewakker deurdat hulle alles voor die voet aanvaar. Dit gaan immers oor besigheid en soos die Engelse sê: Business is business. Deels is dit ook deur drukkers en uitgewers aangewakker wat die selfpubliseerder onder die wanindruk plaas dat selfpublikasie goedkoop en maklik is. Skrywers/digters is met heuning om die mond gelok met sinvolle beloftes, maar die kwaliteit ontbreek. Skrywers is so ingenome om hulle publikasie te sien dat hulle verby die gebrek aan kwaliteit kyk. Hulle is tevrede met mediokere/tweederangse omslae en so-so bemarking. Solank hulle kan sê hulle het ’n boek gepubliseer, is die Kaap Hollands. Deur tevrede te wees met tweederangse diens, skep ons hierdie onnodige stigma wat aan selfpublikasie kleef. Ons voer hierdie wanindruk deur alles te aanvaar en doen soveel skade aan die skrywers/digters wat kwaliteit lewer. ’n Mens kan net die stigma-kiem smoor as almal saamstaan. Persoonlik het ek baie respek vir skrywers wat die moeite doen om hulle werk professioneel te laat proeflees. Dit wys op ’n trotsheid – nie net vir hulle eie werk nie, maar ook vir hulle taal.

ONS SIT MET ’N DILEMMA

Hoe kan ons hierdie stigma smoor?

1.As skrywers kan ons ’n reusebydrae lewer deur van professionele teksversorgers gebruik te maak en sodoende werk van minderwaardige gehalte vermy. Teksredigering is wel ’n tydrowende proses, maar die eindresultate sal jou trots maak op jou werk en ’n welverdiende positiewe indruk gee oor jou as skrywer. Dit kan egter ook een van die duurste aspekte wees, en juis daarom vermy baie selfpubliserende skrywers hierdie proses en dra sodoende by tot die ongewenste stigma van selfpublikasie.

2.Hou op dink dat selfpublikasie maklik is en dat dit goedkoop móét wees. Niks in die lewe is goedkoop nie en dit wat goedkoop is, ís goedkoop. Jy kry waarvoor jy betaal. Spaar eerder of maak ’n reëling wat jou en die diensverskaffer se sak sal pas. Weet jy hoe goed voel jy wanneer jou manuskrip topgehalte is? Daardie trotse gevoel kan niemand van jou ontneem nie.

3.Kies ’n beter uitgewer.

4. Doen navraag oor wie die proeflesers is en oor watter kwalifikasies hulle beskik.

5. Maak dit gewoonte om jou Professioneel Geredigeerde Manuskrip te merk as: PGM (wanneer jy jou boek bemark). Indien jy dit doen, sal die woord vinnig versprei, maar moenie die leser/koper verlei met valse inligting nie. Dit sal jou duur te staan kom en jy sal ’n slegte naam onder die eerlike skrywers/teksredigeerders kry.

6. Koop net boeke wat professioneel geredigeer is. Vra voor jy aankope doen – dit is jóú reg, jóú geld. Goedkoop selfpubliseer is aan die einde van die dag duur selfpubliseer en jou naam kan groot skade ly.Indien ’n uitgewers dus aandring op/of professionele teksredigering voorstel, wees dan verseker dat daardie uitgewer in jou belang optree – solank daardie diens professioneel is! 

Daar is nie ’n kortpad nie. Die kortpad neem jou na ’n ondergang. As jy raad nodig het, klop gerus aan by jou SKRYWERSHUIS: e-posadres: info@nshuis.co.za.

Ns.Skrywershuis

Monday, March 29, 2021

Wesens filmontleding-kompetisie: "Wesens is like nothing you have ever seen in Afrikaans", said Leon van Nierop and rated the film as one of his Top 10 films of 2020.

 



Jy kan R10 000 wen met die Karoo Wetenskapfiksiefilm – WESENS!

 

Die wetenskapfiksiefilm WESENS gee filmliefhebbers nou die geleentheid om groot kontantpryse te wen met 'n eerste van sy soort filmontleding-kompetisie.

 

Die skeppende agentskap The Suits en LitNet is opsoek na ’n kritiese ontleding van WESENS – die veel bekroonde Karoo-Sci-Fi-film – wat in Oktober verlede jaar in Suid-Afrikaanse bioskope vrygestel is, en nou eksklusief beskikbaar is op DStv se BoxOffice.

 

Vir die kompetisie is hulle opsoek na meer as ’n konvensionele filmresensie. Wat hulle na soek is 'n kritiese ontleding waar jy die temas en simboliek in die film ondersoek en jou insigte en interpretasie daarvan deel.

 

Dit is nie nodig om die storielyn van die film te herhaal in jou ontleding nie, fokus meer op die metafore en filmtegnieke wat gebruik is en hoe dit als bydra tot jou interpretasie van die temas, simboliek en uiteindelike boodskap van die film.

 

Die kompetisie is oop vir skoliere, studente en filmliefhebbers. Die kritiese ontleding van die film moet tussen 500 en 1200 woorde lank wees. Stuur jou inskrywing aan izak@litnet.co.za met die woord “Wesens” duidelik in die onderwerplyn.

 

Kontantpryse sluit in R10 000 vir die eerste prys, R3 000 vir die tweede prys en R2 000 vir die derde prys. Inskrywings moet LitNet voor of op 9 Mei 2021 bereik om in aanmerking te kom vir die pryse.

 

Nog opwindende nuus is dat die bekroonde Suid-Afrikaanse skrywer en rolprentresensent, Leon van Nierop, ook een van die beoordelaars is van hierdie unieke filmontleding-kompetisie!

 

Besoek LitNet of die WESENS-webwerf vir meer inligting. Ons sien uit na jou interpretasie van die eerste Suid-Afrikaanse Karoo wetenskapfiksiefilm – WESENS!

 

Vind die WESENS-lokprent vir DStv BoxOffice hier.

 The cast of this first-of-a-kind Karoo Sci-Fi film includes renowned South African actors, such as Albert Maritz (Griekwastad, Fynskrif, Trackers), Pietie Beyers (Binnelanders, Vergeet My Nie) and Morné Visser (The Kissing BoothThe HarvesterDis ek, Anna). The film also includes fresh new faces such as Randy Januarie (Projek Dina, Die Sentrum), Rayno von Schlicht and Conradie van Heerden (Fynskrif, Sara se Geheim).

Tuesday, March 2, 2021

Moles by die Rugbyklub

 


Om die volledige boek aanlyn te lees kliek hier.

Musiek pols deur die luidsprekers die oomblik wat Chris die klub binnestap. By die toonbank sit Johan en Neels, elkeen met ‘n koue bier in die hand.

“Hoesit, Hoesit!” groet hy bo die lawaai uit.

“Welkom. Ek kan nie glo jy waag dit om jou gesig hier te wys nie?” sê-vra Johan snedig.

“Kyk Tjom, ek het nie hier na toe gekom om deur jou beledig te word nie.” Antwoord Chris verdedigend. Hy weet sommer waarheen hierdie gesprek gaan. Fok, hy het al genoeg van almal se ‘raad’ gehad.

‘Theunsie!’ roep Jannie van agter die oomblik toe ‘n liedjie van Theuns Jordaan begin speel. “Sit hom harder, Bertman!” roep hy bo die lawaai van die stampvol klubhuis uit en sekondes later blêr Theuns se stem nog harder deur die luidsprekers: “Ek voel die koue, ek voel die vuur. Dit vreet my stuk stuk op…” weergalm die sanger se stem. Asof hy bewus is van die onheil wat besig is om daar uit te broei.

Chris weet sommer hierdie aand gaan lelik uitdraai wanneer van die bloedbelope oë na hom draai. Die drankies loop al vroeg en nou, na die eindfluitjie geblaas het is almal goed besope. Dit voel of Theuns met hom praat… hy voel die vuur. Beslis. So stuk stuk vat dit hom ook.

“Wat kan ek vir jou kry Chris!” vra Bertman en verbreek so sy morbiede gedagtes.

“’n Yskoue bier Bert, asb!” beantwoord Chris. Sy mond is kurkdroog, selfs na die liters water wat hy alreeds gesluk het. Een bier dan is hy weg, belowe hy homself. 

“Jy weet jy het ons die game gekos, nè tjom.” Skree Johan en bier stort uit sy glas. Koppe knik in eenstemming.

Ag voetsek’ dink Chris. Ja, hy weet. Flip weet. Moet die mense dit so invryf. Die kastyding deur spanmaats en toeskouers na die wedstryd sal hom lank bybly.  By die huis wag sy pa ook nog. Die rede dat hy eers ‘n lafenis kom soek het. Vrek weet, hy gaan dit nodig kry.

“Vir ‘n senter het jy maar pap in jou hande. Ek hoop die afrigter het jou bas gefire!” Neels is bloedrooi in die gesig en alreeds onvas. Verbete klou hy aan die kroegtoonbank se rant vas. Of hy die grafitasie kompetisie met die aarde gaan wen is ‘n ope vraag maar Chris gaan nie nou daaroor wonder nie. 

“Nee,” is al wat Chris uitkry. Die volgende oomblik word hy hard gestamp van agter af. Die woorde sissende toe Twakkie voor hom kom staan. “Jy is ‘n Bliksem!” kry hy ‘n spoeg-sproei in sy gesig. Twakkie vul sy hele gesigsveld so naby is hy aan hom. Drankwalms omhels sy sintuie met elke uit blaas. Hy en Twakkie kom al ‘n lang pad maar vandat Chris gekies is vir die plaaslike span het Twakkie teen hom gedraai. Hulle was lank kompeterend maar toe Chris gekies is, was dit die laaste strooi van hul vriendskap. Twakkie glo dat sy pa, Chris Rheedeman Snr, President van die Kontrei Rugby Federasie, daarmee iets te doen het maar hy het daardie posisie verdien. Dit is, tot vandag toe.

“Ek sou ‘n beter spel gespeel het vandag. Heng, ons sou gewen het. Maar nee toe mors jy daai bal. Die drie was letterlik vir jou gegee. Al wat jy moes doen was om die donnerse bal oor die lyn te kry. Maar nee, wat doen Chris Parravis? Hy laat val die bal en skop die bal uit.” Chris word weer gestamp en hy retireer vinnig, verloor amper sy balans. Sy skouer kloppend.

“Vertel hom, Twakkie!” skree Johan hier langs hom en sy ore tuit. Stilte daal oor die klubhuis, die musiek nou sagter gestel en Chris behou Twakkie se doodse kyk. Hy weet hy het gefouteer. Dit was die laaste paar minute van die spel en die ander span het voor geloop. Hy kon dit verander het toe die geleentheid mooi in sy hande geval het maar toe verloor hy die bal, en skop dit oor die lyn as ‘n laaste beweging. Die ander span het gewen met twee punte. Hy het geweet hy sal die dorpsmense moet ‘face’ maar hy het nie gedink hulle sal hardhandig raak nie. Die kyke vertel hom dat hy ‘n loesing vanaand gaan kry. Daar sal ook geen hulp wees nie. Hy sal hier moet uit kom. So gou moontlik. Die probleem was dat sy pad toegemaak is deur mense wat hom nou as melaats bestempel. Almal is goed die bliksem in vir hom. Toe die eerste vuis hom tref en Chris op sy knieë beland weet hy dat dit nie mooi gaan uitdraai nie. Houe reën op hom neer en ongeag hoe hy probeer keer, tref dit hom soos hael korrels.

“Wat gaan hier aan?” bulder ‘n vreemde stem. Die houe reën stop en almal draai na die persoon wat in die deuropening staan.  Fluister stemme bereik Chris waar hy op die vloer lê. Daar is nie ‘n plek wat nie seer is nie maar hy strompel op en leun teen die toonbank. Daar staan niemand anders as die Kaptein van die wenspan nie.

Stilte omvou die gehoor toe nog spelers by die man aansluit. ‘n Moses paadjie verskyn soos wat hulle deur die mense stap om tot voor Chris te stane te kom. Die Kaptein gee hom een kyk en gee ‘n slu glimlag. “Dankie vir die great game, mater.” Pandemonium breek los en Chris staar na die spulletjie.

“Drink boet.” Roep Bertman bo die lawaai en sit weer die musiek harder.

“Cheers.” Roep hy nou ewe rustig terwyl hy die bottel lig. Te bly vir die verandering van fokus en slaan ‘n sluk van die yskoue bier weg.    

Kopiereg Lynelle Clark

Vir boekbestellings kontak my by lynelle@kreativcollectiv.com

Tuesday, February 16, 2021

INK DIG & SKRYFKOMPETISIE 2021 – 15 Februarie 2021 – 30 Junie 2021


Ink Skryf in Afrikaans (www.ink.org.za) bied vanjaar weer ‘n dig- en skryfkompetisie aan waarvan die beste gedigte en kortverhale in spogbloemlesings opgeneem gaan word, naamlik INKSPRAAK 2, INKSPRAAK 2 SKOLIERE EN INKSPRAAK 2 KORTVERHALE.

Die Taalmonument (Groen Gallery) http://www.taalmuseum.co.za/groen-galery/  is een van ons hoofborge en die top twaalf inskrywings sal in 2022 in hulle tuin uitgestal word. Maroela Media is ons mediaborg.

Die hoofdoel van hierdie kompetisie is die bevordering van gehalte poësie en kortverhaalkuns in Afrikaans. Besoek gerus die webtuiste(www.ink.org.za) om meer oor INK te lees.

Reëls:

1.Die kompetisie is oop vir alle persone van enige ouderdom. Hierdie is ‘n internasionale kompetisie en nie slegs vir INK-lede nie. Inskrywings word per e-pos gestuur, maar deelnemers is welkom om ‘n gratis profiel op die INK-webtuiste ( www.ink.org.za ) te registreer.

2. Slegs oorspronklike Afrikaanse gedigte en kortverhale van deelnemers mag ingeskryf word.

3. Geen gedigte of kortverhale waarop reeds kopie- of enige ander regte deur enige buitestaander gehou word, mag sonder die skriftelike toestemming van die sodanige party ingeskryf word nie. Deelnemers aan hierdie kompetisie en/of hulle ouers/voogde vrywaar die aanbieders van die kompetisie van enige eise of ongeopenbaarde aansprake van enige aard wat mag ontstaan uit die deelname.

4.1 Volwasse digters kan soveel inskrywings instuur as wat hulle wil. Daar is geen beperking op die hoeveelheid nie.
Die inskrywingsfooi beloop R30 per gedig.

4.2 Skoliere kan soveel gedigte en/of kortverhale instuur as wat hulle wil. Daar is geen beperking op die hoeveelheid nie.
       Die inskrywingsgelde beloop R30 per gedig en R50 per kortverhaal (woordtal: 1 000 tot 1 500 woorde per kortverhaal).

4.3 Skrywers het ’n oop tema. Inskrywings is onbeperk en skrywers kan soveel verhale instuur soos hulle verkies.
       Inskrywingsgeld beloop R50 per kortverhaal.

Inskrywingsgeld word in die volgende rekening inbetaal met die digter se naam en van as verwysing:

FNB – Modimolle
Ink in Afrikaans
Besigheidsrekening
Rekeningnommer: 625 885 95036
Takkode: 260 247

Stuur asseblief ’n bewys van betaling saam met jou inskrywings na skryfafrikaans@ink.org.za

Die afdelings waarvoor ingeskryf kan word, is soos volg: (hoeveelheid in elke afdeling onbeperk)

Afdeling A: Ballade
Afdeling B: Elegie
Afdeling C: Sonnet
Afdeling D: Vrye vorm en rym

(Deelnemers kan self kies of hulle byvoorbeeld onder Sonnet ‘n Italiaanse, Franse of enige ander tipe sonnet wil inskryf.)

5. Die inhoud van die gedigte en kortverhale mag oor enige onderwerp handel. Gedigte en verhale moet in algemeen beskaafde Afrikaans wees.
Taalvermenging word slegs aanvaar indien dit in die konteks van die boodskap wat die digter wil oordra, verantwoordbaar is.
Gedigte wat laster en/of onwelvoeglike taal bevat, sal nie vir beoordeling aanvaar word nie.

6. Gedigte mag nie langer as 20 versreëls elk wees nie.

7. Elke inskrywing moet gestuur word in ’n aparte Microsoft Word-dokument na die volgende e-posadres:
 skryfafrikaans@ink.org.za

– Die onderwerp (subject) van die e-pos moet duidelik gemerk wees: Ink Kompetisie 2021 + die digter se naam en van.
– Elke gedig moet van ‘n titel (in bold) voorsien word.
– Font: Arial
– Groot: 10 punte
– Kleur: Swart op wit agtergrond
– Spasiëring: Enkel
– ‘n Oop lyntjie moet tussen strofes gelaat word
– Moenie elke versreël met ‘n hoofletter begin nie, behalwe as die gedig doelbewus so geskryf is
– Moenie foto’s of prentjies aanheg nie
– Gedigte met lang verduidelikings onderaan sal gepenaliseer word. ‘n Kort verwysing na ‘n woord of term (bv. ‘n Latynse frase) is wel toelaatbaar.

8. Die volgende inligting moet onderaan elke gedig/kortverhaal verskyn:

– Die skrywer/digter se naam en van;
– Die dorp/stad waar hy/sy woonagtig is;
– Die kontaknommer en e-posadres van die skrywer/digter; en
– Die afdeling waaronder die betrokke gedig ingeskryf word.
– Die inskrywing moet duidelik gemerk wees: Volwassenes of Skoliere / Kortverhale.

(Let wel: Deelnemers se name en adresse sal nie aan die beoordelaars getoon word nie. Alle beoordeling word anoniem hanteer.)

9. Beoordeling:

– ‘n Onafhanklike paneel wat die INK moderators, Karen Zoid, die bekroonde skrywer Jackie Nachtegaal en dr. Douwlina du Plessis insluit, beoordeel die inskrywings. Die beoordelaars se besluit is finaal, en geen verdere korrespondensie sal gevoer word nie.

10. Die beoordelaars behou die reg voor om, indien daar na hulle mening te min inskrywings is, of as die standaard nie hoog genoeg is nie, geen wenner in daardie spesifieke afdeling aan te wys nie.

11. Die prysgeld beloop soos volg:

Algehele Wenners : R3,000 (Totaal R9 000,00) + ’n trofee
Naaswenners : R2,000 (Totaal R6,000)
Afdelingspryse: (Slegs by gedigte) : R1,000 elk (Totaal R8,000)

12. Die beste gedigte en kortverhale wat aan die beoordelaars se standaarde voldoen, word in die onderskeie publikasies gepubliseer. Weens hierdie rede gee deelnemers toestemming vir publikasiereg aan INK asook die uitgewers ten opsigte van die gebruik en publikasie van enige gedigte/kortverhale wat vir hierdie kompetisie ingeskryf word.

13. Prysuitdeling: Die bekendmaking van die wenners, die oorhandiging van die pryse en die bekendstelling van die bloemlesings INKSPRAAK 2 sal tydens die jaarlikse INK gala aand in November 2021 geskied. Kort daarna sal die wenners ook op sosiale media bekend gemaak word.

14. Die sluitingsdatum vir inskrywings is 30 Junie 2021. Geen laat inskrywings sal aanvaar word nie, ten einde die beoordelaars genoeg tyd te gee om deur al die inskrywings te werk.

15. Navrae kan gerig word aan skryfafrikaans@ink.org.za

Tuesday, February 9, 2021

Kortverhaal: Die vrou by die hek.


“Wie lui die klokkie alweer?” gil Pa beduiweld uit die kamer. Vandag is nie ‘n goeie dag vir hom nie. Laasnag het gepaard gegaan met pyn wat veroorsaak het dat niemand in die huis kon slaap nie. Ma is kliniek toe vir haar kroniese medisyne.

 “Ek sal gaan kyk, Pa.”

“As dit ‘n bedelaar is, jaag hulle weg. Ons het genoeg probleme van ons eie.”

 “Ja, Paps.”

 

“Wanneer jy klaar is, bring my ‘n koffietjie, Engela.”

 

“Ja, Pappie.” Haastig loop ek die gang af en struikel amper oor die stofsuierpyp. Vies skuif ek die masjien eenkant toe. Nog ‘n werk wat vir my wag. Ek self is verby moeg. Wanneer Pa nie slaap nie, slaap niemand in die huis nie. Dit gaan nou al so aan sedert Maandag. Al wat Dokter Barkhuizen sê is dat dit erger sal word. Daar is niks meer wat hulle vir Pappie kan doen nie. Ons moet dit nou net gemaklik maak vir hom, het die dokter aanbeveel.

 

Barkhuizen het vir my ‘n ligte slaappil gegee, maar sover kon ek dit nog nie drink nie. Die gevaar dat ek nie sou wakker word wanneer Pappie of Mammie roep, my motivering.

Ek loer versigtig by die sitkamervenster uit. Die kantgordyn is lankal gedaan, maar ek weet al waar om te staan om nie sigbaar te wees van die straat se kant af nie. Dit gee my ‘n goeie uitsig oor die versorgde voortuin - gelukkig een werk wat ek nie hoef te doen nie.

 

By die skuifhek staan ‘n vrou. Van dié afstand kan ek nie haar hele profiel sien nie, maar sy lyk verslons. Ek skuifel na die volgende venster en loer weer uit. Die klokkie dawer deur die stilte en die vrou kyk onseker om haar maar beweeg nie.

 

“Engela, hoekom het jy nog nie geantwoord nie?” gil pa weer. Sy stem is bewerig.

 

“Ek maak net seker wie dit is, Pa.”

 

“Wel?” vra hy, maar ek antwoord nie.

 

Nou kan ek haar mooi sien en my hart pluk. Die vrou lyk bekend. Weer lui die klokkie, twee-drie-keer. Ek sluit haastig die voordeur oop, dan die ysterhek voor ek die paadjie afstap en nader beweeg. Haar blondekrulle het lanklaas ‘n kam gesien, of ‘n sny. Die rooi sweetpaktrui hang slonserig aan haar skraal skouers. Ek skat ons moet omtrent dieselfde ouderdom wees. Van nader is haar vel bruin en leeragtig van blootstelling. Versigtig stap ek nader.

 

“Middag.”

 

“Het Mevrou vir my kos? Ek het lanklaas geeët.”

 

“Ek het nie veel in die kas nie, maar ek kan vir jou ‘n broodjie maak.”

 

“Enige iets, Mevrou. Ek het drie dae laas geeët. Miskien ietsie ekstra vir die man ook.”

 

Ek weet om nou toebroodjies maak is moeilikheid soek, maar ek draai nietemin om. Pa se goedhartigheid het weggekwyn met die siekte saam. Pa se kamergordyn beweeg liggies en ek weet hy is bewus van wat aangaan.

 

“Wag hier, ek bring.”

 

Sy skud haar kop en gaan sit dan op die sypaadjie met haar kop skuins gedraai. Iewers wil ‘n klokkie lui. Ek is seker ek ken haar. Haastig stap ek die huis in, sluit die ysterhek en stap kombuis toe.

 

“Wat wil sy hê?” gil pa weer van die kamer af.

 

Dit is nodeloos om te antwoord, want hy is so doof soos ‘n kwartel. Daarom sit ek die ketel aan en kry brood en kouevleis uit die yskas. Daar is genoeg brood vir twee toebroodjies wat ek in servette toedraai. Dan maak ek vir haar ook koffie, sommer in ‘n polistireen koppie. Vinnig vat ek pa se koffie voor hy weer skreeu.

 

“Waar is jy dat jy my nie antwoord nie?”

 

“Ek was net gou besig met kos maak vir die vrou.”

 

“Ek glo dit nie. Ek het jou gesê ons het nie kos nie.”

 

“Ons kan ‘n broodjie spaar, Pa.”

 

“En wat moet ek vanmiddag eet?”

 

“Ek sal weer ‘n brood gaan koop.” Haastig stap ek uit en kry die broodjies en koffie.

Sy moes by die hek aan die slaapgeraak het, want die manier waarop sy lê laat my ver terug dink na ‘n tyd toe die lewe goed was, kos volop was en ons in die warmte van ons bed kon slaap. Ongekompliseerd, sonder bekommernis. ‘n Tyd van vriendskap en vreugde.

 

“Riekie!” roep ek hard genoeg, eintlik versigtig maar verstom.

 

“Riekie,” roep ek weer. Dié keer beweeg sy. Sy spring op, duidelik verbouereerd. Ek klik die hekoopmaker en die hek kraak oop. Ek gee ‘n tree oor die grenslyn en stop voor my eens beste maatjie. Die tenger skouers lyk nog erger in die oorgrote trui, haar lyf skraal en afgeleef.

 

Verbaas kyk sy my aan. Haar oë registreer nie dat ek haar op haar naam noem nie. Vuil hande word uitgehou en ek handig die eetgoed oor.

 

“Riekie, dit is ek – Engela,” probeer ek weer en staan nader. ‘n Vuil reuk bereik my neus en ek draai sodat ek teen die wind staan. Dit is ‘n warm dag, die somer son bak die wêreld met geweld. Die boom se koelte bied nie veel beskutting nie en die vrou kry koud. ‘n Verwese kyk ontmoet my, die eens helder blou oë nou dof en glasig.

 

“Ek moet loop.” Sy herken my nie, besef ek met weëmoed - Riekie Enslin, die dogter van die dorp se burgermeester ... A-klas student wat graad gevang het in joernalistiek. Ek was altyd so jaloers op haar. Slim en skrander, elke seun was agter haar aan. Hoekom is sy op die straat? My moeë lyf kom in beweging en ek hardloop agter haar aan.

 

“Riekie, wag vir my.” Sy rek egter haar tree en skarrel weg, bang en verlore en my hart vertrek in pyn.

 

“Kom môre weer. Ek sal sorg dat hier ‘n bord kos reg is vir jou!” roep ek verwese, maar sy is alreeds weg.

 

Ek sak neer op die gras en huil my hart uit. My lewe is in felle kontras van hare. Dit is asof ‘n gewig op my gesit word, ‘n gewig te swaar om te dra. My bene gee eenvoudig in en ek huil ... vir my pa, vir ma, vir Riekie. Die moegheid is soos ‘n swaar gordyn wat dreig om toe te trek.

 

Dit is baie later toe ek bedaar en ek terugstap, weer die knoppie druk sodat die hek kan toemaak. Ek het soveel vrae om haar te vra. Hoe kan ek haar help? Dan sug ek. Ek kan myself skaars help. Eintlik is ek op dieselfde plek waar sy is. Ek het darem ‘n Pa en Ma by wie ek nog kan bly. Al is Pa siek, voorsien hy ‘n dak or my kop en kos op die tafel. Ek kan dankbaar wees vir die klein gawes. Die Riekies van die wêreld is nie so gelukkig nie.

 

Stilweg skiet ek ‘n dankgebed op. Ek sal nooit weer kla as Pa my wakker maak nie, nooit weer moan omdat ek soos ‘n slaaf moet werk nie. Nee, van nou af sal ek dankbaar wees.

 

“Ek moet piepie!” gil pa en ek draf in die gang af. Daar is paniek in elke beweging soos Pa probeer om te keer, maar ek sien dit is te laat. “Ek roep jou - oor en oor! Waar was jy?” ‘n Traan verdwyn tussen die baie plooie - ‘n traan van vernedering.

 

Jammer, Paps ... kom.” Dit is asof ‘n kraan oopmaak en hy huil nog meer.

 

“Jy is goed vir ons, my kind.”

 

“Ek is lief vir Pa,” uiter ek sag.

 

Baie later, toe als rustig is buig ek my kop in diepe dankbaarheid: “Dankie Here vir hierdie oomblikke,” prewel ek sag, “Dankie vir my pa. Bewaar vir Riekie en voorsien aan haar ook net soos wat U aan my voorsien. Sy het dit meer nodig as ek want, my beker loop alreeds oor.

 ‘n Beker van genade.

©LynelleClark2021

 

A little bit of everything at Ns. Skrywershuis. Do support the authors.

  ENGLISH LITERATURE PUBLISHER:  Ns. Skrywwrshuis ONLINE SHOP:  www.nskrywershuis.co.za FORMATS:  Soft cover / ePub / Mobi DANCES WITH THE D...