SPESIALE AANBOD OP ALTA VAN ZYL SE BOEKE! 24 - 29 Mei 2019

TYD VIR DIE SPESIALE AANBOD

Dit sluit om Woensdag die 29ste om 18:30...!

Twee gelukkige lesers kan my boek: 'n Deugsame vrou waarvan die verkoopsprys R45 is heeltemal gratis kry met die aankope van my hele stel digbundels teen slegs R370 - koerier koste is uitgesluit.

VIR JOU GRATIS BOEK MOET JY tussen nou en Woensdag jou stel digbundels aankoop. Die 5 de en die 10 de persoon se inbetaling vir aankope wat ek kry sal dan my boek: 'n Deugsame vrou wat 'n topverkoper is en 'n moet hê vir elke vrou wat meer soos Spreuke se vrou wil wees gratis ontvang saam hulle reeks digbundels.

Die bewysstrokie moet aangestuur word na die FB page se inboks voor die boeke gestuur sal word. 

DAN.. Die heel 1ste persoon wat nou aankoop en se inbetaling wat ek ontvang sal my boek: Padkos vir die pelgrim gratis saam hulle digbundel reeks ontvang! Padkos is ook 'n topverkoper en jy mis baie uit as jy die boek nie op jou boekrak het nie.

Enige een van my digbundels: 1. Serenade van my siel. 2. Hartsbegeertes. 2. Deur die vensters van my siel of 4. Pleisters vir my hart en kry my digbundel: Hart se spore gratis.

KOOP... 

Sy liefde kos mos niks nou teen R60 elk en my digbundel: Die liefde maak 'n draai vir slegs R70.

Koop Padkos vir die pelgrim teen R100 elk en kry Deugsame vrou gratis.

Koerier kostes uitgesluit!

Koop joune nou! 

Die boeke is 'n unieke geskenk vir iemand spesiaal. 

Die boeke is nie net 'n boek nie... Dit gaan jou neem op 'n wonderlike reis!

Volg die Facebook skakel vir 'n bestelling. 

Biografie van skrywer en digter Alta van Zyl

Tans woonagtig in Stilfontein, leef Alta haar passie vir skryf uit in die midde van tekorte. 

Haar tog het haar nader gebring aan haar Skepper, duidelik te sien in elke gedig. Sy het ook 'n hart om ander vrouens te help wat deur die trauma van mishandeling gaan. Haar gedigte is gevul met insig en hoop. 'n Ware huldeblyk van haar eie grondpad en deursettingsvermoe. 

                            

Diamant Divas program Jou veiligheid berus by jou - wees waaksaam.

Images used from Pinterest

Vandag is ‘n gewigtige onderwerp en een wat werklik jul aandag nodig het. So sit die foon af vir die volgende 60-minute en luister. Tensy jy op die applikasie ingeskakel is ignoreer net al die boodskappe.

Veiligheid is ‘n belangrike onderwerp, veral vir enkellopende vroue. Ons is sagte teikens wat deur baie mense uitgebuit word.

Op sosiale netwerke, by die huis of op die straat is ons lewens ‘n teiken en ons moet paraat wees. Selfs base en mense in gesagsposisies kan jou uitbuit. Ons moet die gevare kan raak sien, identifiseer en kan vermy. Ek gaan so ‘n bietjie by elke punt vassteek. Ek gee nie myself uit as ‘n kenner nie, en het verseker in lokvalle of slaggate geval. Daarom is dit vir my so belangrik om ander ook te waarsku.

As vrou is ons eintlik kleingelowig en ons is nie streetsmart nie. En mense maak staat op hierdie swakpunt in ons lewe. Hoe minder kennis jy dra hoe makliker kan hulle jou kul, bedrieg of bedreig. Jou letterlik vir ‘n ride vat en jy sal dit geniet ook. Totdat.

Om net te sê dat die Here my beskermer is, is ongelukkig nie genoeg nie. Jy kan Vader vra vir beskerming, die wapenrusting aantrek en Psalm 91 bid tot jy blou is maar dit waarborg nie dat jy aangeval, gemolesteer of beroof sal word nie. Indien jy nie oop oë deur die lewe gaan nie sal jy nog steeds in die slaggate beland of op plekke wees waar jy kwesbaar is.

Insig en wysheid asook kennis is baie belangrike komponente wat ook by dra tot jou veiligheid.

Die een wat die meeste op ons lippe is, is openbare veiligheid. Daar waar jou lewe bedreig kan word. Waar jy beroof kan word en selfs vir dood agtergelaat kan word. Of jy nou by die huis is, rond ry, in die mall loop of net kafee toe loop om ‘n brood te koop is jou lewe in gevaar. Dit is die werklikheid waarin ons leef. Selfs met ons huidige politieke onrus is dit belangriker om jou eie veilgheid te verseker.

Daar is verskeie maniere om dit te kan doen.

    ·         Jy kan ‘n vuurwapen aanskaf

    ·         ‘n Blikkie peperspray in jou handsak of fluitjie

    ·         ‘n Skokstok

    ·         Loop klasse in selfverdediging of skryf in by skietskool.

    ·         Sluit aan by jou plaaslike CPF, teen ‘n minimale fooi kan hulle by jou huis stop om seker te maak als is reg.

    ·         Indien jy op verafgeleë plekke bly maak seker jy het ‘n radio wat in verbinding is met jou naaste bure.

    ·         Maak seker jou kar is in ‘n goeie toestand.

My intensie met die program is nie om jou neerslagtig of negatief te maak nie, maar om jou paraat te maak vir die gevare daar buite en om waaksaam te wees. Om met oogklappe deur die lewe te gaan baat jou nie. God is jou beskermer, dit is beslis, maar Hy het jou ook gesonde verstand gegee om te kan dink.

Nog 'n paar punte van belang. 

      1.       Om laatnag uit te gaan na ‘n pub, sonder enige pelle is om moeilikheid soek. Jy word dan ‘n teiken vir elke man wat ‘n vinnige knippie soek. Maar wanneer julle in ‘n groep is en daar is ‘n persoon wat verantwoordelikheid vat vir jou dan is dit tot albei se voordeel. So ‘n persoon help …

a.       Deur te sorg dat jy darem nie te dronk word, of met die verkeerde persoon gesels nie.

b.       Die persoon kyk ook van wie jy drankies ontvang. Die rape-pil is ‘n werklikheid en word onbewustelik in jou drankie gegooi sonder dat jy weet of dalk nie meer nugter is nie. Jou maat tree op as buffer en kyk uit vir jou belange en jy vertrou ook daardie persoon se oordeel.

c.       Die persoon het dan die groep se belange op die hart. Elke persoon in die groep kry ‘n beurt om verantwoordelikheid te vat vir daardie aand.  So help julle mekaar.

d.       Ry saam huis toe of ry met een kar.

Mag ek iets oor kleredrag sê sonder om as ‘n pretbederwer gesien te word?

Dames, hou alles toe wanneer jy alleen is. Mans kyk. En jy mag dalk sexy voel maar die manne kyk net met een doel en dit is uit ‘n seksuele oogpunt. Sommige van hulle se intensies is nie suiwer nie. Wanneer hulle tot in jou verhemelte kan sien sonder enige verbeelding is jy ‘n maklike teiken. Indien borste te veel uithang, maak jy dit net makliker vir hom. Sommige mans dink niks daarvan om jou net daar, langs die toonbank, te betas nie. Die idee word vinnig geskep dat jy maklik is en net eending soek.

Skuus, ek praat nou bietjie onder die belt maar die dinge is belangrik vir jou veiligheid. Indien jy nie bewus is van jou kleredrag nie soek jy vir moeilikheid wat liewer kon gebly het. Om dan te gil verkragting of molestasie gaan jy bitter min aandag gekry. Ongelukkig glo mense vandag nog dat ‘n vrou daarvoor soek. Maak nie saak hoe verlig ons is nie, dit is ‘n gedagte so oud soos Metusalem en ek twyfel of dit sommer sal verander. Debatte is al menige kere hieroor gehou maar die denkwyse sal nie verander nie.

Maak maar die knopies toe… jy sal net veiliger wees as enkelvrou. My aanbeveling is, wanneer jy met ‘n vriend uitgaan en jy maak dan so bietjie los, dan is hy daar om jou te beskerm maar as enkeling is dit gevaarlik.

      2.       Wanneer jy in die mall of dorp rondloop wees waaksaam. Indien jy besig is met jou selfoon sien jy nie dat mense vir jou kyk nie. En dit is nie ‘n kyk van liefde nie. Hulle sien jou aandag is elders, en daarom ook ‘n teiken. Facebook en WhatsApp kan wag, die applikasies gaan nêrens nie. So sit die foon in jou handsak en gaan sit liewer in Wimpy waar jy veiliger is en dan kan gesels. Wanneer jy met jou foon in die hand loop is jy ‘n teiken. Bêre hom eerder, tensy jou foon nie lui of jy nie ‘n oproep hoef te maak nie bêre hom. Wat die oog nie kan sien nie, sal die hart nie begeer nie, ‘n spreekwoord wat hier van toepassing is. 

      3.       Wanneer jy in die mall is, vrou alleen, loop naby aan die vensters met jou handsak aan die binnekant sodat niemand kan verby kom en dit vat nie. Kyk rond, wees bewus van die mense wat in jou onmiddelike omgewing is. ‘n Mens se gedagtes is soms geneig om af te dwaal, dit is juis dan wat hulle toeslaan. Hulle is nougeset om jou te volg, daarom moet jy die selfde doen. Dit is immers jou lewe wat op die spel is.

      4.       Wanneer jy die straat afstap, stap naby aan die muur of reling, weereens bagasie aan die binnekant. Indien jy te naby aan die sypaadjie loop is jy oop vir gevare. Vermy nou gange, donker strate of stegies. Al is dit ‘n kortpad en het jy dit 100 maal geloop, stap die langer pad. Weereens kan jou lewe red.

      5.       Wanneer jy ry, maak seker jy is waaksaam in die omgewing waar jy ry. As eiendomsagent moet ek baie kere vreemde paaie ry, in areas wat ek nie noodwendig ken nie.  Daarom is dit nodig dat jy opmerksaam is en bewus is wie saam met jou op die pad is. Indien moontlik ry saam met ‘n kollega of vat ‘n maat saam in sulke gevalle. Maak seker jy het genoegsame data of lugtyd indien jy op ‘n plek kom waar jy onseker is sodat jy hulp kan soek of ‘n ander pad kan vind. Die tegnologie is daar, gebruik dit.

      6.       Indien jy agterkom ‘n kar agtervolg jou ry reguit polisiestasie toe of na die naaste vriende of familielede. Vat verskeie paaie huis toe, breek soms die roetine. Dit is ons grootste vyand.

      7.       Maak seker iemand weet waar jy is te alle tye, veral wanneer jy op die pad is. Daar is ‘n paar applikasies wat jou kan help daarmee en jou geliefdes die gemoedsrus kan gee. Ek sit die skakels op my blog.

Image from Google

a.    VithU App. No one has the time to dial an emergency number when they are in danger. The VithU App lets a potential victim skip through the number-punching, and lets you push your power button twice to instantly send an SOS alert to contacts. Alert messages are sent out every two minutes to listed contacts, who will receive a message along with your physical location, which will get updated each time the message goes out. 

b.    Circle of 6 App. Circle of 6 is a unique app that lets you connect to up to 6 close contacts. The app has different notifications that the user can tap on to alert their circle. If you need a safe ride home or for a familiar face to turn up and take you away from a strange environment, this app will help send an alert to any of your 6 chosen contacts. On top of that, the app can connect you to the proper authorities for an emergency, or even just for relationship advice. 

c.       Life360 is a multipurpose app to stay in touch with your family members and friends and keep a handle on their location. The app lets you create circles, add people to them and see their locations on a confidential map. This way you’ll be able to always keep track of your family members and confirm that they’re safe and sound. You can share your location with them or send an alert to your circle members. You can even chat with your circle members for free. As a bonus, you can also use this app to recover your lost or stolen phone. 

Hier is ‘n paar skakels vir selfstudie. https://www.hongkiat.com/blog/android-personal-safety-women-apps/ 
Nog ‘n skakel waar jy kan gaan kyk is https://www.mobileappdaily.com/2018/03/15/best-women-safety-apps 
Hierdie een is ook ‘n baie goeie skakel.

https://www.gadgetsnow.com/slideshows/7-best-women-safety-apps/Raksha-women-safety-alert/photolist/51285630.cms

Vra ook jou naaste sekuriteits maatskappy, van hulle het ook ‘n applikasie wat jy kan kry. Dit is ook by hulle maandelikse subskrupsie gevoeg en jy weet jy het hulp op jou foon.

      8.       Indien jy kinders het, al is hulle hoe klein, maak hulle paraat. Leer hulle om waaksaam te wees, sodoende het jy iemand wat saam met jou kyk en die taak makliker maak.

      9.       Wanneer jy alleen by jou tuiste is maak seker die veilgheidshek is toe. Wat is die nut as hy oop hang? Moenie die sleutels binne die bereik van die deur plaas nie. Dit is maklik om net te rek, die sleutel te vat en oop te sluit. Dit is klein dingetjies wat kan help in jou beveiliging.

      10.   Indien jou hond vreemd optree, vertrou hom. Sy hoofdoel is om jou op te pas. As hy snaaks optree, stel vas hoekom.

      11.   Sorg vir genoegsame sekuriteit by jou huis. Sorg dat jy weet hoe werk die sekuriteitstelsel.

      12.   Indien iemand aan jou slotte karring verander die slotte.

      13.   Trek jou gordyne saans toe.

      14.   Maak seker jy het beligting buite, wat werk. Moenie alleen in die donkerte uitstap nie. Dit is dan wanneer jy oop is vir enige aanval.

      15.   Ken alle noodnommers

      16.   Moenie gereedskap of speelgoed buite laat rondle nie.

      17.   Ken jou bure. Hulle is jou naaste en eerste kontak.

      18.   Kry ‘n veiligheidsplan in werking. Maak seker jou kinders is bewus daarvan.

      19.   Wanneer jy twyfel of onrustig voel, bel iemand. Liewer spyt as dood.

Ek het hierdie 7 veiligheidswenke op die Internet gekry. Die vrou. Kevin Coffee is self ‘n polisievrou met heelwat ondervinding, so luister gerus na die punte wat sy uitlig. Vernaam wanneer jy jouself in ‘n penarie bevind.

Here are the most common mistakes women make that could result in them getting kidnapped, attacked, and/or raped: 

1.     Getting into the attacker's car when he pulls a gun and orders you to get into his vehicle. Most attackers don't want to shoot you ... they want you to get into the car so that they can drive you to a deserted place and torture you. Don't comply. Run screaming. It is MUCH more likely than not that he will just move on to an easier target.

2.     Pulling over when a man drives alongside of you pointing at your car pretending something is wrong. If this happens, drive to the nearest well-lit and populated gas station, and look the car over yourself (or ask an attendant). Never pull over. Believe it or not, many women have fallen for this for fear of their car spontaneously exploding in the middle of the road. Not likely.

3.     Not locking your doors while driving. I have read several cases where the attacker simply walks up to a woman's car while she's at a traffic light and jumps in with his gun or knife drawn. 4. Opening your front door when you have not positively identified who is there. If you don't have a peep hole, get one. I've seen countless cases where the attacker gains access to his victims simply by knocking on their door. Don't let an attacker get into your home. He then has a private, relatively soundproof place to attack you.

4.     Not being alert in parking lots. If you go to the grocery store at night, don't be shy about asking for an escort to your car. Too many women are abducted from parking lots or even raped in the parking lot. Look in your back seat before entering your car. Cars provide endless hiding places for attackers, both inside them and in between them. Be aware of your surroundings by looking to the left and right and behind you with your head up all the time. You may appear paranoid and look funny to others, but an attacker will think twice about approaching someone who appears so aware of what's going on.

5.     Trusting a clean cut, honest looking stranger. I see mug shots of every sex offender in the state of Florida. They do not look like monsters. They often look like they could be your friendly grocer. They are every age between 15 and 90, and probably beyond. Only a small minority actually look scary. I just read a case yesterday of a man with only one leg who beat up his victim with his crutch before he raped her. Who would have ever thought that a one-legged man would be a rapist?

6.     Trusting people to be alone with your children. This is a difficult one, because child molesters end up being the LAST person the parents would believe is the molester. Most of the child molesting cases I see involve the stepfather, the uncle, the sister's boyfriend, the mother's boyfriend, the grandfather, the baby-sitter, the neighbor, the family friend, the youth camp director, day care worker, etc. Although rare, even women can be molesters. In every case, the perpetrator is a nice guy, trusting, good with children, and the family is baffled or even in disbelief that the person could be abusing their child. When it comes to your children and grandchildren, be suspicious of everyone, no matter who they are. And pay attention to what your child says and how he/she reacts to the mention of different people in their lives. 

7.     When having your car serviced, give the attendant only the car keys, as they have key duplicators readily available, and they generally have your address, etc. on file. I didn't mean to make anyone uncomfortable with this, but I am at work right now reviewing files, and realized that this email is a way I can reach many women at one time. I have the dirty job of reading all these files, and it makes me feel good to know that I can share some inferences from what I have learned. This is not an exhaustive list of what not to do, but just some things that I have observed more than just a few times.

Ek het hierdie net bygesit vir interresantheid. Indien jy soos ek is wat lief is om die pad te vat is dit belangrik om waaksaam te wees. 

6 Safety Tips for Women Traveling Alone | SOLO TRAVEL TIPS + ADVICE  

      20.       Nog ‘n punt waar veiligheid van die uiterste belang is, is jou beursie. Jy kry dit nogal baie wanneer jy werk soek. Mense nader jou met hierdie fantastiese offer – maar indien jou gut se dit is te goed om waar te wees, dan is dit. Elke R1000 wat hulle by jou kry, is ‘n R1000 wat jy verloor. Jy kry dit nie terug nie.

1.       Valse modelagentskappe is ‘n groot culprit hier. Indien jy nie ‘n betroubare kontak persoon het nie, bly weg. They have no remorse when they have your money.

2.       Plekke wat lenings aanbied…lees die fynskrif. Die oomblik wat jy kliek op ‘n link betaal jy. Jy kan stry soos jy wil maar jy sal die kostes betaal. Hulle is so goed beskermd deur die wet dat jy op die ou einde geswartlys sal word indien jy dit ignoreer.

3.       Valse offers van werk. Jy stel jouself ongelooflik bloot aan hierdie sogenaamde agentskappe. Jy gee al jou inligting weg op ‘n skinkbord, Identiteits nommer, adres en nommer. Hulle kan jou enige tyd kontak of selfs jou identiteit steel. Ek het ‘n kar so verloor. Ek het geglo ek het als reg gedoen, navorsing gedoen, mense gevra om ook te kyk of die feite reg is. Die man was so slim dat hy websites gehad het met al die nodige inligting. Op die ou einde was hy ‘n arm persoon wat slegter as ek daaraan toe was, hy het sy LLB graad in die tronk gekry en was op die ou einde vir 8 klagtes skuldig bevind maar het telkens weg gekom. Slim het toe sy baas gevang. Myne was klag nommer 9, en hy het 3 jaar tronkstaf gekry. Dit na twee jaar se vasbyt en ek is nogsteeds sonder ‘n kar.

1.       Ek het violated gevoel op elke vlak.

2.       Ek het in my eie oordeel getwyfel, en was heeltemal gedisorienteerd.

3.       Alhoewel ek my huiswerk gedoen het, het ek nie genoeg vrae gevra nie en ter goedertrou geglo. Juis omdat ek onder druk was, het dit veroorsaak dat ek die verkeerde besluite geneem het. Tot my eie nadeel.

4.       Of jy moet eers registreer om die inligting te kry en dan stuur hulle jou die inligting/werk. Ek weet nie van julle nie maar R250 is baie in my boek.

5.       Indien jy ‘n item wil aankoop, maak seker hulle is geldig. Google, bel die nommer wat jy op Google kry en nie op hulle kwitansie of eposse nie. Die nommer kan gefabriseer wees. Moenie goedsmoeds glo hulle gaan die geld inbetaal nie. Bel die bank indien jy wag vir inbetalings. Indien die bank nie bevestig nie gee jy nie die goedere weg nie. Die mense betaal dit in net om weer te reverse die oomblik wat hulle die item het. Moenie blindelings vertrou nie. Dit kan jou duur te staan kom. Motors, elektroniese apparate en klere is die norm wat hulle gebruik daarom moet jy geweldig seker maak.

Hierdie mense het geen remorse oor wat hulle aan jou doen nie. Toe ek in die hof was tydens die man se strafoplegging het hy nie eers eenmaal omverskoning gevra nie. Hy het selfs sy gesondheid en die feit dat sy vrou niemand het om vir haar te sorg nie as verskonings gebruik om nie tronkstraf uit te dien nie. Arrogant verby. Hierdie mense sal jou uitlag en aangaan met hulle crookery want hulle dink hulle kan nie gevang word nie.

     21.       Indien dit kom by jou lewe en die van jou kinders is dit geweldig noodsaaklik om wakker te wees. Moenie enige vreemde persoon in jou huis toelaat nie. Ontmoet in die openbaar, liefs met jou eie kar. Indien jy onrustig is kan jy wegkom. Maak seker jy het iemand op standby. Jou huis is jou plek van veiligheid as jy nie daar kan veilig voel nie is jy in die moeilikheid. Kry hulp, dadelik.

      22.   ‘n Punt van belangrikheid. Indien ‘n eks jou nader en waarsku oor die nuwe man se geaardheid en jy het dalk ook gesien die man is opvlieend van geaardheid. Luister. Ek het al soveel kere gehoor van vrouens, nadat te laat was, as ek net geluister het.

1.       Ek weet daar is vroue wat die punt probeer gebruik om ook hul ekse te benadeel en hier is fyn oordeel nodig. Wees versigtig maar moenie net onmiddelik aanneem daar kan nie botter in die man se mond smelt nie.

2.       Mans sal enige iets sê om jou in die bed te kry of jou so te kry dat hy jou kan manupileer. Hou sy aksies dop. Gesels met vriende en familielede van hom indien jy twyfel. En luister na raad. Onthou hier is meer op die spel as net die seksuele of net die vriendskap.

3.       Jou gesondheid en lewe is baie belangriker as jou ego.

      23.   Al hierdie punte geld vir mans ook. Jy is net so kwesbaar wanneer jy alleen is. Loop lig. Moenie arrogant wees en dink jy kan jouself verdedig. Jou lewe is hier belangriker as ‘n mes in jou rug.

1    22.   Daar is vrouens wat ook maak of hulle al die mag en geld het en wanneer jy jou oë uitvee is jy gevang in ‘n vieslike web. Of by jou bedel. Dit is alles slenters om jou te vang.

When in doubt ask or walk away.

Hierdie is werklik waar ‘n gewigtige onderwerp en een waaroor ons nog baie kan gesels maar vir nou is die grootste boodskap wat ek tuis wil bring is wees waaksaam, dit kan net jou lewe red.

Stienie Boshoff was weer kreatief en het vir ons ‘n ‘n spesiale gedig geskryf. En ek sluit hier mee af.

Beeld van Die Vryburger webwerf gekry.

*Veiligheid*

Vir sommige 'n simpelgeit 

Vir die gene wat dink dis 'n simpelgeit

Verander dit later in bewoëenheid

Sonder veiligheid is jy soos 'n skaap

Wat 'n trop lei reguit na die slagpale in die Kaap.

Die daad van versigtigheid 

slaan oor  in volwassenheid met verantwoordelikheid.

Om versigtigheid in jou lewe toe te pas

Is 'n onbeskryflike gevoel van vrede in jou lewens tas.

Padveiligheid- behou die familie kring

Werks veiligheid- is wat jou na jou geliefdes tuis bring.

Die spreekwoord sê: "Voorsorg is beter as nasorg." 

Veiligheid is 'n wilsbesluit 

Daarsonder sal jy nie die regte ouderdom bereik

Om die wedloop van die veiligheid te voltooi

Is jy 'n oorwinnaar wat saans slaap in jou kooi

*Goue reels*

Om jou dag taak mee te begin 

Sodat jou geliefde nie sal kommer en die dag kan deur gaan met 'n lied om te sing

 *V* eiligheid begin by jou 

*E* ie insig is noodsaaklik

*I* nligting is wat jy moet verkry om jou voertuig veilig te ry

*L* igsinnigheid omtrent veiligheid is nie vir my

*I* nderdaad , sal jy al die slegte gewoontes vermy!

*G* emoedsrus is wat jou gesin sal bind

*H* eildronke sal jou twee keer laat dink

*E* indelik sal jy baat by veiligheid vind

*I* ndrukke moet jy skep om met

*D* ankbaarheid saans , saam mekaar 'n beker koffie te kan drink.

©Stienie Boshoff 2019

Tot volgende week, mooi loop diamante. 

LAN GLOBAL RADIO
Die Stasie Vir Passievolle Mense
https://www.elanglobalradio.com

Lynelle Engelbrecht Clark: DIAMANT DIVAS. Potgooie 

Die program vir die enkellopend waarin ons saam gesels oor al die slagysters, vrae, vrese en vreugdes van die enkel lopende.
WOENSDAG at 10h00 SA Time

GESELS MET ONS:
Web: https://www.elanglobalradio.com/
Faceboek: Elan Global Radio Kuier en Klets
Twitter: Elan Global Radio
Instagram: elan_global_radio
WhatsApp: 066 305 3580
Gaan kuier en leer meer van ons, blogg saam en luister saam:
https://www.elanglobalradio.com/

SKAKEL IN:
SIMPLE RADIO App.
http://14123.live.streamtheworld.com/SAM04AAC125_SC
http://listen.samcloud.com/w/90758/EGR/?play=y#history
http://www.liveonlineradio.net/south-…/elan-global-radio.htm
http://radio.garden/live/centurion/elanglobal-radio/

'n Kykie in Vrouwees. Gedigte deur bekroonde digters.

Augustus is amper op ‘n einde en ek het dit wys gedink om my program aan die vrou te wei. Heel moontlik het julle self al baie oor besondere vroue gelees en geluister in hierdie maand en voel hopelik geinspireerd deur dit wat julle gelees het. Vrouens is dinamies in eie reg en ons hoef vir niemand terug te staan nie. Nie net is ons moeders nie maar is ons ook versierders wat die lewe elkeen op haar eie wyse mooi maak. Die vrou is geskape met soveel potentiaal. 

Diamant Divas 

Elan Global Radio 

Webwerf 

Sy is uniek in elke opsig, kosbaar en waardevol. 

Die kroon van die skepping.

Sy is gevul met krag maar bly nogsteeds teer.

Sy is sterk maar kwesbaar.

Sy bring nuwe lewe in die wêreld en maak dit dan groot, met haar hele hart en siel.

Sy stuit vir niks nie, behalwe miskien vir ‘n spinnekop. Sy kan vanuit ‘n paar bestandele ‘n gereg maak geskik vir ‘n koning. Ongekompliseerd, vra sy vir liefde en gee dit in elk geval al ontvang sy niks. Lank nadat almal moeg is gaan sy nog aan. Wanneer sy in ‘n saak glo dan veg sy soos ‘n tier daarvoor.  Meëdoenloos en opreg.

Een van my skrywers vriendinne, Melinda du Plessis, het hierdie mooi gedig geskryf en ek lees dit met toestemming voor.

‘Jy Is’, Want ‘Ek Is’

Staan op, word verlig, want jou lig kom, en die heerlikheid van die Here gaan oor jou op! (Jes. 60:1)

Dogter jy is gemaak om vervuld te wees…

Vervuld te wees met my: met my Gees, my genade, my vreugde,

My verdraagsaamheid, my vrede,

My getrouheid, my vriendelikheid,

My selfbeheersing, my welwillendheid,

My liefde.

Jy is gevorm om suksesvol te wees…

Suksesvol in my oë: wandelende op my pad

Tevrede in die wete dat jy my doel vir jou dag,

jou lewe gehoorsaam uitgevoer het

Los van die wêreldse gejaag na niks met ewigheidswaarde

Jy is uitgebeitel om vry te wees…

Vry in My Bloedoffer: groeiend in die kennis dat jou waarde lê in My Seun se bloed

Geen menslike tekortkoming wat jou potensiaal kan binne hou nie

Geen beperking vir ʼn prinses in My Koninkryk nie

Jy is geskilder om uniek mooi te wees…

Uniek mooi in My Skepping:

ʼn kunswerk sonder weerga in die besondersheid

waarmee Ek jou liggaam, siel en gees aanmekaar geweef het

My lig wat van binne na buite skyn en alles transformeer

Jy is beplan om giggelend gelukkig te wees…

Gelukkig in My: omdat jy My hart vir jou ken,

Omdat jou oë meer en meer oopgaan om My te sien in die oomblikke van eenvoud en prag in jou dag,

Omdat jy seker is van jou toekoms in My arms

Jy is uitgeknip om perfek in te pas…

in te pas in My plan:

gegrondves in die wete dat jy gevorm en toegerus is vir vandag vir jóú invloedsirkel, met jóú unieke voorkoms styl, talente en gawes vol selfvertroue in wie jy is in My

Jy is geskape om sonder moeite “JY” te wees… en dit is genoeg en sal altyd wees

Jy het bestaansreg

‘Jy is’, want ‘Ek is’

Kopiereg Melinda du Plessis

Vrouens is soveel, dat ons nie een vrou in ‘n boksie kan sit nie. Dit maak ons meer as uniek. Ons koppe werk anders maar op die ou einde, as iemand moeite doen sal hulle die mooi in die chaos sien.

Maandagoggend kyk ek na ‘n video clip van Lynette Beer, haar energie straal uit haar uit terwyl sy my opbou met ‘n kort boodskap. Vrouens is dinamies omdat ons dinge ervaar met ons hart en siel. Ons word baie keer deur ons emosies gelei, soms is ons reg en ander kere kry ons seer. Soos ‘n radar is ons ingestel op seer en leiding en kan ons maklik met sulke dinge oploop gaan tot ons eie ondergang. Dink byvoorbeeld aan die fliek van Sandra Bullock. Daarin speel sy ‘n vrou, wat gegrond is op ‘n ware verhaal, wat ‘n jongman op straat sien en hom inneem in haar huis. Sy baklei vir hom, gee hom kos, blyplek en op die ou einde bou sy in sy lewe in, net soos wat sy vir een van haar eie kinders sou doen en word hy deur die gemeenskap aanvaar as haar seun. Hierdie jongman floreer onder haar aandag, tel selfs probleme op maar saam kom hulle by ‘n punt uit waar hulle besef hoe nodig hulle mekaar het. Indien sy nie die eerste stap geneem het nie was daardie jongman heel moontlik dood en een van die kommerwekkende stastistieke. 

Vroue is onmisbaar in die samelewing. 

Kyk na Jenna Clifford met haar unieke juwele-skeppings, Lynette Beer, Karen Zoid, sy bly die grense skuif en bly nogsteeds eg vrou, Mimi Coertse – wie sal haar stem ooit vergeet. Anna Neethling Pohl het ‘n slag gehad met woorde, Ena Murray – ek kon weg raak in haar stories vir ure. 

Daleen Matthee se Kringe in die bos, Donnalee Roberts – ‘n sprankelende jongdame met die mooiste gawe, Andriette Norman wat ons dieper in die oseane vat. Juanita du Plessis met haar unieke treffers wat SA laat saam sing. Helen Zille - ystervrou, Helen Suzman - kampvegter, Anneline Kriel – nogsteeds net so mooi, 

Caster Semenya – wat die atletiek wêreld aan die gons het, Winnie Mandela, Natalie du Toit – selfs met haar gebrek het sy die hoogste sport bereik. En so hou die lys aan. Elkeen leiers op hul eie gebiede.

Ek hou maar by die Suid Afrikaanse vroue want die lys is selfs nog langer vir internationale vroue wat ‘n groot impak gemaak het of nogsteeds doen. Vroue wat uitgestaan het in politiek, wetenskap, mediese velde, bankwese ens. Of ons nou saamstem met hulle of nie bly hulle merkwaardig. Vroue soos lady Diana, Margaret Thatcher, Hillary Clinton, Ophra Winfrey, Charlize Theron. Julle kry die idee.

Sakevroue 

In 1953 het Katherine Johnson ’n geweldige groot rol gespeel by NASA. Sy was deel van die span wat die eerste man op die maan laat land het deur haar wiskundige kennis. Sy word geken as die vroulike computer. Kyk gerus na die fliek Hidden Figures, wat op haar lewe gegrond is.  In 2015 het sy die Presidential Medal of Freedom ontvang vir haar bydra.

Hier is nog ‘n gedig van een van my skrywers vriendinne, Anze Bezuidenhout. Ek wil net aan elke dame en man wat reageer het baie dankie se vir die voorreg om julle werke hier te mag voorlees. Mag ons meer van jul werke lees die jare wat kom.

Die gedigte sal ook op vandag se plasing beskikbaar wees.

Vrou, uit Sy hand G E H E I L I G

in jou sagvat 

van vrouwees is jy

gemaak uit die goudstof 

van ‘n Hemelblom

met teerheid direk

van God se kroon

as jou omgee

in heuningdou-druppels

oor jou wange kartel

gevuld met emosie

wat knope laat op jou tong

jou oog se kyk verdof

uit die skyn van jou binnelig

straal brose sterkte, ‘n ribbebeen

volmaak gevorm uit Sy hand

en met al jou Eva sondes

is jy steeds vrou

G E H E I L I G

Kopiereg Anze Bezuidenhout  

Hoe vroue hulself sien op verskillende ouderdomme

·     Agtjarige: Sy dink sy is ’n sprokiesprinses soos Aspoestertjie of Sneeuwitjie.

·       Vyftienjarige: Sy dink steeds sy is Aspoestertjie of Sneeuwitjie of ’n Rasieleier, maar as dit dáárdie tyd van die maand is, sien sy net puisies, vet en lelik.

·     Twintiger: Sy dink sy is te maer of te vet of te kort of te lank of haar hare te krullerig of te reguit, maar sy gaan in elk geval uit.

·    Dertiger: Sy dink sy is te maer of te vet of te kort of te lank of haar hare te krullerig of te reguit, maar sy gaan in elk geval uit, want sy het nie tyd om dit reg te maak nie.

·       Veertiger: Sy dink steeds sy is te maer of te vet of te kort of te lank of haar hare te krullerig of te reguit, maar sy gaan in elk geval uit want ten minste is sy skoon.

·       Vyftiger: Sy dink: “Ek is” en gaan waar sy wil.

·      Sestiger: Sy kyk na haarself en herinner haarself dat mense wat nie eers hulleself in die spieël kan sien nie deesdae die wêreld oorwin.

·     Sewentiger: Sy kyk na haarself en sien wysheid, lag, vermoëns, goeie herinneringe en geniet die lewe.

·   Tagtiger: Sy kyk nie meer nie, sit net ’n rooi hoed op en gaan neem deel aan die wêreld.

·       Negentiger: Sy kan nie meer sien nie, maar gee ook nie om nie! Die lewe is ’n fees!

Uit die artikel Wees bly jy is vrou geneem van 27 Aug 2018 
se Voelgoed webwerf. 

 

Die persepsie van Vrouwees is om 'n dame (lady) te wees en selfs in hierdie dae en tye is dit nogsteeds so. Miskien met ‘n bietjie meer geduld of ‘n wegkyk maar die norm is nog steeds dieselfde.

Van kleins af is dit in ons geprent om mooi te lyk, reg te loop, nie ons naels te kou nie. Om op die regte manier te kommunikeer en altyd vier en regop te wees. Ons is geleer om die kookkuns te bemeester, in sommige gevalle is ons vrouens geleer om die perfekte skepping te maak deur die perfekte steke te ken. Presiesie was ‘n moet nie ‘n keuse nie. Wel, in my ma se tyd was dit so en tot en met haar heengaan kon sy deur ‘n ring getrek word. Wanneer my ma gaan klere koop het, het dit ‘n dag gevat, tot ons kinders se ergenis. Elke item was bekyk en bestudeer tot in die fynste detail. Die soom moes reguit wees, elke naat perfek afgewerk. ‘n Rok, bloes of romp moes perfek sit anders was dit verkeerd. Jy het nie met haar daaroor gestry nie. Glad nie.  Skoene moes pas by die uitrusting. Die hoed en sykouse ook.

‘n Vrou moes in alle opsigte altyd netjies lyk. Dit is in ons ingeprent van kleins af, elke haar op sy plek. Fyn skoene met ragfyn sykouse was die norm. Deesdae faal die jongerdames in hierdie beskrywing. Hul postuur is verkeerd, sit lelik, praat soos hulle wil en ons aanvaar dit so maar maak dit haar dan minder vrou? Hulle kleredrag lyk soms erg, glad nie lady-like nie. Vrouens nou se dae trek net verkeerd aan en ek glo dit dra ook baie by tot hul gemoedstemming. Ons lewe in so ‘n gejaagde wêreld waar ons in honderde rigtings getrek word dat tyd vir ons self min is. Daarom lyk die meeste dan onversorgd. Dan praat ek nie eers van die jongergeslag wat als laat uitsteek nie. Hier is ek soos my ma. Jou onderklere is privaat en nie vir die wêreld om te sien nie. Punt.

Is die uiterlike nogsteeds so belangrik? Wanneer ek na flieks van Hollywood kyk is dit tog die geval. Hollywood is ‘n baie goeie maatstaf van wat in die wêreld aangaan en hoe hulle vroue projekteer werk in op elke vrou se denke: positief en negatief.

Hoe sien julle vrouwees?

Ek lees graag hierdie gedig voor van Driekie Grobler wat ek voorlees met toestemming van haar.

WANT EK IS VROU

moet my nie probeer verstaan nie

of my doen en late bevraagteken nie

gun my om op my eie wentelbaan te bly

en wees maar net lief vir my

moet my nie keer of weerhou nie

of wys dat jy my nie vertrou nie

gun my die vryheid om te gedy

en wees maar net lief vir my

moet my nie soos jy laat dink nie

of dwing om te gaan waar ek nie wil wees nie

‘n sagte hand sal keer dat my ratwerk gly

so wees maar net lief vir my

moet my nie vals beskuldig nie

of verwag dat ek jou siening moet huldig nie

laat my denke en waagmoed vry

en wees maar net lief vir my

want ek is vrou

fynbesnaard en ingewikkeld bedraad

om my vir ewig te laat bly

wees maar net lief vir my

©Driekie Grobler

Ek het die volgende punte tydens my soektog gekry en ek haal aan.

Wat is die kwaliteite van vrouwees?

1.    ‘n Vrou skinder nie.

Daar is niks so lelik soos ‘n vrou wat van haar man of vriendinne agter hul rug praat nie veral wanneer hulle jou in hul vertroue neem. Om te skinder se niks van die ander persoon nie maar dit se baie van jou. Wanneer iemand nuus aan jou oordra, dan stap jy weg, dit sit jou bo die res.

2.    Jy moet glo dat jy ‘n dame is

‘n Vrou kompeteer nie met ander vroue nie, sy gee die pas aan. Dit laat haar uitstaan bo die res. Jou self-respek gee jou die opperhand in elke situasie.

3.    Vrouens het maniere. Dit klink seker baie oud-modies maar tog

Belangrik. Sonder maniere kom jy nêrens in die wêreld nie. Asseblief en dankie is nogsteeds goue woorde om te gebruik op ‘n daaglikse basis. Wanneer ‘n man vir jou ‘n deur oophou, se dankie. Dit kos niks nie.

4.    Jou woord is jou eer.

Wanneer jy se jy gaan iets doen, doen dit. As jy ‘n belofte maak hou daarby. ‘n Dame is betroubaar.

5.    Jy kommunikeer met mense.

Jy gooi nie ‘n tantrum nie. Dit is absoluut horibaal wanneer ‘n vrou dit doen. Jy maak jou punt duidelik sonder om te skree. Hou jou emosies in beheer.

6.    Staan regop, met selfvertroue.

Krom skouers se jy glo nie in jouself nie so hoekom moet iemand anders dit doen? Alles wat jy doen, doen jy goed. As jy nie kan nie, dan se jy so. Om oor iets te lieg is ook onrespekvol, teenoor daardie persoon en jouself.

7.    Wees opreg.

Wees opreg oor wie jy is, selfvertroue en ‘n opregte geaardheid is die beste wat jy kan wees. Jy is nie ‘n robot nie. as jy hartseer is wys dit sonder om jouself te buite te gaan.

8.    Wanneer jy aantrek, trek aan vir jouself.

Voel goed oor jou uiterlike, jou klere en postuur. Trek klere aan wat jou vlei en straal selfvertroue uit. Jou klere is jou stempel en se meer as wat jy in woorde kan se.

9.    ‘n Vrou het empatie vir haar medemens. Sy verstaan waardeer mense gaan en gee regtig om vir haar medemens.

10.  ‘n Vrou is altyd skoon. Vars asem. Haar hare blink. Sy ruik lekker, nie na sweet nie. Dit hoef nie noodwendig duur parfuum te wees nie maar normale badseep en ‘n goeie reukverwyderaar doen ook die ding. Skoon hare en naels, hakke wat glad is. dit alles dra by tot die geheel beeld van vrouwees.

11.   Jou gesondheid is ook belangrik. Wees trots op jou liggaam. Probeer om gereeld te oefen. Indien moontlik, moenie rook nie, anders soek alternatiewe om die rook te kan teenwerk.

12. Vloekwoorde is ook ‘n ‘dead giveaway’ dat jy nie altyd in beheer is nie. Die meeste van ons is skuldig hieraan, ek ingesluit. Maar dit is eintlik onbeleefd. Veral wanneer jy by ‘n werksfunksie is en by jou baas en kliënte staan, dan is vloekwoorde onvanpas.  So kies jou vloekwoorde versigtig asook die geleenthede waar jy teenwoordig is. Dit se baie van jou.

13.  ‘n Vrou kom nooit met leë hande nie. Weereens ‘n oudmodiese konsep maar tog van pas. As mense jou nooi vir ete, al se hulle moet niks saambring nie, vat iets saam. Dit se net jy het respek vir daardie persoon en wys jou waardering.

Ek lees graag nog ‘n gedig voor, die keer een vanuit die pen van Riana le Roux.

 Geboorte van 'n vrou

fyn aanmekaar geweef

uit 'n ribbebeen

kunstig gesmeek

'n prag-edelsteen

prinses van die skepping

aan God al die eer

aan Adam se sy

mekaar te begeer

vrou is ek, jou eie Eva

saam moet ons oor aarde heers

hand-aan-hand, die paadjie stap

in liefde, toekoms onbevrees

sag van vlees

my hart 'n kom

waar emosies sterk

en liefde blom

vrou is ek, jou sielsgenoot

ons spoor val saam

tot in die dood

Kopiereg: Riana le Roux

Hoekom kompeteer ons teen mekaar of is ons jaloers op ons susters?

Het julle al opgemerk hoe mans kommunikeer?

Hulle sal mekaar nooi vir ‘n bier en vir ure gesels oor die mees onbenulligste dinge en bande word gevorm. In ander kringe sal een ‘n pyp opsteek en word die pyp van man na man gestuur, rokers en nie-rokers vat ‘n beurt en ‘n band is gevorm. Daar sal grappies gemaak word, draad gesteek stap dan weg as bondgenote. So eenvoudig, gun wonder hulle dink ons vrouens is vol nonsens nie.  As ‘n man depressief is koop sy maat vir hom ‘n dop, luister en klop dan die vriend op die skouer met ‘n praat later. Die lewe druk en hulle trek selfs swaar maar daar is altyd geld vir ‘n bier.  Mans is net makliker om te vrede te stel.

Jaloesie of kompetisie met mekaar dui daarop dat jy eintlik minderwaardig voel. Dat jou selfbeeld so laag is dat jy dink jy skiet te kort teenoor ander vroue.

Hoekom is jy onseker?

As jy ‘n huisvrou is hoef jy nie terug te staan vir ‘n beroespvrou nie. Ons elkeen leef volgens die keuses wat ons maak. Vir elke vrou werk dinge anders uit. Nie een se pad is met rose besaai nie. Die beroespvrou sukkel weer met haar eie tekortkominge maar dit maak haar nie minder vrou nie.

Ek was self vir 19 jaar ‘n huisvrou. Grimering is net ‘n naweek gedoente omdat jy besig is, alleen is die meeste van die tyd en dan voel jy soos ‘n vaalmuisie teenoor ander vrouens. Hoekom sal jy dan nou jouself mooi maak? Is wat die meeste huisvrouens dink. Maar ander vrouens beny weer jou vryheid en om by jou kinders te kan wees. 

Plaas dat ons wegkyk van die fisiese dinge en dieper kyk, verby al die tipes en beelde wat ons in ons kop het en eerder mekaar waardeer vir wie ons is. Ons status in die lewe is nie wat ons besonders maak nie. Maar hoe ons oorkom en optree is wat tel. ‘n Huisvrou het die tyd om meer te doen, soos oefen of stap. Sy kan lees, nie net romanse nie. Sy kan in mense se lewe deponeer wat ‘n beroespvrou nie kan doen nie. Sy is betrokke in die samelewing. ‘n Beroepsvrou is weer betrokke by die bestuur van dinge omdat sy daagliks met dit werk. Sy het nie tyd om koek te bak of koekverkopings doen nie maar sy kan organiseer sodat als glad verloop.

As ons ook die spreekwoordelike pyp opsteek en vir mekaar aangee hoe sal ons verhoudings dan lyk? Ek wil my verstout deur te dink dat ons dan minder nydig sal wees. Mekaar meer sal ondersteun en mekaar meer sal vertrou. In die fliek, Hidden figures gaan die fliek nie net oor Katherine nie, daar is twee ander vrouens wat saam met haar gewerk het. Deur saam te staan kon hulle die siening van mans verander en hulle volle potensiaal bereik.  Jy sien, dit is net deur hande vat en samewerking wat ons bo kan uitkom. Alleen sal ons dit seker kan doen, maar dit sal langer vat en moeiliker wees. Wanneer ons saam staan maak ons die las ligter vir mekaar.

Afguns is ‘n lelike ding en wanneer dit uitkom wys dit net die lelike kant. Daar is niks mooi daaraan nie. In teen deel dit is dan wanneer ons mekaar afbreek en afkraak, om wat te bereik? Met alles wat mooi is aan ons kan ons lelik wees en dit is gewoonlik gemik teen ons mede susters. Hoekom?

Ons is jaloers oor mekaar se huise, voorkoms, mans, hoe ons kos maak, of iets bereik soos ‘n boek vrystel, of hoe ons-ons kinders groot maak. Ek weet ek het baie daarmee gesukkel. My kinders was toe baie klein en ons was deel van ‘n huiskerk. Elke keer wat die kinders baklei het was my kinders die escape goats, veral my seun, op daardie stadium net 2 jaar oud. As iets gebreek het was dit sy skuld. Dan het die aandag na my toegeskuif. Ek was nie lief genoeg vir my man nie of ek het nie my kinders genoeg gedisiplineer nie of ek is nie lief vir hulle nie. Ek kon net nie die aanvalle verstaan nie. In ‘n klein gemeenskap was dit belangrik om saam te staan maar op die ou einde het dit ons juis opgebreek. Dit was asof ek geweeg was en te lig bevind was. Ek het agterna geweldige selfbeeld-probleme gehad en geglo ek is ‘n swak ma, vrou en gelowige. Ek was gedurigdeur onder die vergrootglas en het daardie tye nooit geweet waar ek inpas nie.  Daardie soort jaloesie het my as mens gebreek en het ek geleer om terug te trek en op my eie aangewese te wees.

Ons is nie in wedywering met mekaar nie, daar is geen rede dat ons nydig met mekaar hoef te wees nie. Ons het genoeg druk op ons sonder die wedywering of die twyfel dat ‘n vriendin ons in die rug gaan steek. Maar dit is presies wat gebeur.  Ons kan saam staan, Magda het my weer laat glo dat ek mense kan vertrou. Dat ek nie hoef te twyfel in ander vrouens se motiewe nie. Nou stap ek my eie pad, help waar ek kan met die wete dat ek met geen vrou kompeteer nie.  

Ons vrouwees hangaf van hoe ons die wêreld beskou. Hoe ons groot geword het en ons geloof. Wanneer ons respek het vir mekaar en mekaar help dan bou ons brûe na ander wêrelde toe en vorm ons ‘n eenheid wat niks in die lewe kan skei nie.

So skitter ons elkeen in ons eie reg maar ook korporatief. ‘n Glans wat niemand kan verdof nie.

Tot ‘n volgende keer, mooi loop xxxx

   

Lees en luister genot

Sonja Heroldt 

Vreugdevol vrouwees 

Artikel – Vrouwees 

Kom kuier gerus 

Diamant Divas 

Elan Global Radio 

Webwerf