Wednesday, January 16, 2019

Diamant Divas - Brandstof vir die siel.


Wat bou jou op, laat jou voortbeweeg. Wat maak jou opgewonde?

Ek spring sommer weg met ‘n paar moeilike vrae. Vir sommiges mag dit dalk maklik wees maar vir die meeste luisteraars is dit vrae wat hulle mee sukkel, selfs tot diep in hul veertigs of vyftigs.

Veral nou dat jy op ‘n nuwe pad is kom hierdie vrae weer skerp onder die soeklig en wonder jy wat is jou doel. Waarom is jy hier?

Vroeër of later word ons almal met dit gekronfronteer. Sommiges kan kies om werklik antwoorde te gaan soek soos die jongman, Tal Gur van Israel. Ek het al ‘n paar keer uit sy boek, The art of living voorgelees. Hy het letterlik vir homself doelwitte gestel wat hy dan na ‘n sekere tyd bereik het. Vandag is die man ‘n motiveringspreker wat duisende mense inspireer deur dit wat hy geleer het. Ek het al van Sunitkia gepraat wat vanuit haar ellende opgestaan het en daadwerklik ‘n verskil gemaak in haar gemeenskap. Die lys is eindeloos.

Ek is seker julle het ook al sulke stories gehoor wat julle heel moontlik geinspireer het, maar julle weet nie waar om te begin nie. Ek self was deur Janine Shapiro se man in ‘n hoek gesit toe hy die vraag, wanneer laas het jy gedroom, aan my gestel het. Dit is waar ek geleer het van droomborde.

Ek was bewus daarvan dat ‘n mens verskillende visuliaserings borde kry, veral kuns studente moet dit gereeld maak. Maar ‘n droombord, nee, ek was totaal onkundig daaroor. Toe volg ek hul raad en kort voor lank het die bord op my rekenaarskerm vorm aangeneem.


Ek leer makliker deur visualiseering en, indien julle my praatjies volg sal julle weet ek het al ‘n paar maal gepraat van Droomborde of Vision bords en hoe dit my gehelp het in my pad van genesing.

Wanneer jy iets fisies voor jou sien, reageer jy makliker en vinniger daarop. Wanneer jy ‘n beroep sien wat jy graag sal wil betree dan plak jy dit op hierdie bord. Of in woorde bv, prokureur, of ‘n fisiese prentjie van ‘n dame wat in die hof staan… Hopelik aan die regte kant van die gereg.

My onafhanklikheid was ongelooflik belangrik, en dan ook stabiliteit. So die eerste prentjies wat op my bord verskyn het was werk, ‘n woonplek en motor. Omdat ek ondervinding het as administratiewe dame het ek ‘n kantoorjuffrou wat by haar lessenaar sit en werk op haar rekenaar op my bord gesit. Ek het my self gesien agter daardie tafel sit en werk. Toe het ‘n mooi foto van ‘n mooi woonstel, met ‘n tuin gevolg. Nie ‘n groot plek nie. Net cosy genoeg vir my. Toe ‘n kar. ‘n Praktiese een en dan een van ‘n bloedrooi Mustang. Die is natuurlik nog ‘n droom maar ai my hart trek darem ‘n punt as een verby my ry.

Stelselmatig het nog meer dinge op die bord verskyn. Meubels, kruideniersware, klere, kombuisware, mooi kunswerke, ‘n vakansie of twee. Nog gepubliseerde boeke. Selfs drome wat ek nog nooit verwoord het nie het begin verskyn op die bord en ek het myself begin inleef daarin. Dit was my anker, my aansporing en my fokus. Dit het my brandstof vir my siel geword wat my daagliks gevoed het om hoër te klim. Om nie vas te hou aan die leuens wat aan my vertel is al die jare nie. Ek het begin uitstyg bo my eie tekortkome en deure het begin oop gaan.

“What does a knock-the-ball-out-of-the-park life look like to you? What is the career that seems so incredible you think it’s almost criminal to have it? What is the dream you don’t allow yourself to even consider because it seems too unrealistic, frivolous, or insane? Start envisioning it. That’s the beginning of having it.” Tara Mohr

Daar is tye op hierdie pad wat jy baie moedverlore gaan voel, selfs raadop. Daar gaan tye wees wat jy wonder of dinge ooit weer reg sal kom maar, indien jy nie jou self motiveer en inent met die nodige brandstof nie gaan jy letterlik op moedverloor se vlakte sit. Jou lewe gaan een lang uitgerekte lewe word en soos ‘n marmot gaan jy die wiel laat tol sonder enige einddoel.

Dit is nodig dat jy in hierdie tyd gefokus raak. Die daaglikse worstelinge kan jou so maklik aftrek na die bodem toe en jou daar hou dat jy dood van binne sal voel.

Maar wanneer jy gefokus raak word die worstelinge draagliker, meer beheerbaar. Jy sien elke struikelblok as ‘n groei proses, ‘n inspuiting as te ware van nuwe lewe. Wanneer jy gefokus raak droom jy. Drome word realiteit en jy begin om met nuwe oe na die wêreld te kyk. Dit is dan wat jy ‘n gaping byvoorbeeld sien en jy stap in en doen iets daarmee.

Geleenthede kom nie as jy op Faceboek kerm en kla en vir vreemde mans geld vra nie. Ek is jammer as ek op ‘n paar tone trap maar ek sien dit soveel kere, vroue wat bedel, oop en bloot. Mensie, dit is onaanvaarbare gedrag. Dit maak jou meer seer as goed. Jy is nie ‘n bedelaar nie. ‘n Ander persoon man of vrou is nie jou oplossings nie. Nee, geleenthede kom wanneer jy jouself anders instel, verby die onmiddelike kyk en fokus.

Jou siel moet gevoed word met ‘n konstante inspuiting van nuwe lewe. Boeke is ‘n groot teenvoeter van die dag tot dag probleme. Dit gee jou die kennis wat jy nodig het en help jou om te vergeet van die te korte en verder te kyk. Soms tel jy goeie idees daarin op en jy wonder hoe jy dit kan laat werk vir jou.

Die Bybel is natuurlik ook ‘n groot bron van inspirasie wat jou siel voed.  Die beste brandstof wat jou heel maak in elke area. Dit is goed om by ‘n woordgefundeerde sel of kerkgroep aan te sluit wat jou fokus weg van jou probleme sal vat en jou laat fokus op die woord.

Indien jy in die posisie is om ‘n lappie aarde te hê, is dit net so ‘n goeie plek om nuut te word. Die natuur se rustigheid maak jou kop skoon, verwyder die muisneste en spinnerakke.

Probleme is daar om ons te leer hoe die lewe werk. Dit leer ons wat is nuttig en vorm ons lewe maar is nie gemaak om daarby stil te staan nie. Dit is net ‘n stadium in ons lewe wat ook verby sal gaan. Dit definieer ons nie. Onthou probleme is ook tydelik en dit sal oorgaan, soos enige storm.

Kom ons stop en dink bietjie oor die volgende vrae:
    ·         Hoe lyk jou knock-the-ball-out-of-the-park lewe?
·         Wat is die beroep wat jy graag sal wil beoefen?
·         Wat is jou droom, die een wat jy jouself nie toelaat om te droom nie, wat selfs onrealisties lyk? The impossible dream.
 Huiswerk vir die week:
Hoe het dit verlede week gegaan, kon jy dit regkry om getrou te bly aan jou woordkeuse vir elke dag? Ek hoop so.
Vir die week wat voorle wil ek hê jy moet die antwoorde op die vrae gaan oordink en daaroor mediteer. Maak doelbewus tyd daarvoor. Sit elke negatiewe gedagte eenkant oor hoe jy dit nie gaan maak nie en vervang dit met die vraag hoe gaan ek dit doen? Daardie antwoorde sit jy om in prentjies en skep jou eie droombord.
 
Picture from Google

Vir ‘n oomblik wil ek stilstaan by die pyn van ‘n gebroke hart.

 As enkellopende bevind die meeste mense hulle vroeër of later hier. Selfs mans ervaar dit. Afgesien van al die probleme wat jy ondervind is jou hart seker die een orgaan wat die meeste ly. Die meeste van die tyd in stilte. Soms is dit ‘n fisiese pyn en geen pynpil help daarvoor nie. Drank mag dalk dit verdof maar dit is stil, kloppend net onder die oppervlak.

Hierdie seer kan jou laat reageer op verskillende maniere. Woede, trane, verwerping, irrasionele uitbarstings, selfs onttrekking. Alhoewel dit op die oomblik voel dat jy nooit weer heel gaan word nie – is daar tog goeie nuus.

Jy sien wanneer jy jou fokus skuif en fokus op die dinge wat jy kan verander dan word dit minder, en verdwyn. Tyd is jou enigste bondgenoot hierin. Niks gaan dit gesond maak soos tyd nie. 

‘n Gebroke verhouding is die bron van baie negatiewe gedagtes. Dit is dan maklik om op FB groepe te gaan waar jy negatiewe dinge sê of verklaar dat jy mans haat. En jy sal jou volgelinge kry.  Baie van hierdie vrouens is bitsig en verdra nie dat jy hulle vertel om hul houding te verander nie; kort voor lank kan jy saam praat. Aangevuur deur hul haat. Dit is die soort brandstof wat jy moet vermy. Hulle verbitterdheid gaan jou net sus en jy gaan glo dit moet so wees en jy deel nie met die pyn nie. Dit is nog daar, net verbloem en jy stel die onvermydelikke uit.

Dit is absoluut fataal om toe te laat dat jou emosies jou in hierdie tyd beheer. Jy stel jouself op om nog verder seer te kry. In hierdie tyd is dit beter om eerder deur die emosies te werk. Praat met iemand hieroor, praat met die Vader daaroor, deel met elke seer en elke gedagte wat dit prikkel. Skryf dit neer en verbrand die papier. Hoe ookal jy besluit om met dit te deel, deel daarmee.

Jy wil nie verander in ‘n verbitterde vrou nie. Nee, jy wil skitter. Jy wil blom. Jy wil lewe.
Daarom gee jouself die tyd.

Ek lees graag ‘n gedig voor van Jacques van Zyl.

Dis nie my plek nie
Die wêreld is nie my plek nie
Dis waar ek vertrek
Ek gaan maar net hier verby
Sal nie lank hier bly nie

Ek sien

Soveel somber mense
Sonder mooi wense
Hulle swoeg en hulle sweet
Word gou vergeet

Ja dit alles

Is ‘n gejaag na wind
Wat jou verblind jou bind
Aan dinge doelloos
Aan dinge soms boos

Ek verkies

Om nie hier vas te haak
Geklee of naak
My oë vestig op ‘n reis
Jesus het klaar betaal vir ‘n prys

©Jacques van Zyl 2019

Wat sê Isak:

Die afgelope paar weke worstel ek in myself omdat soos my geaardheid is, ek die wêreld graag self sou verander in plaas daarvan dat ek geduldig moet wees sodat elkeen om my net kan opvang. In ligte luim kan ek vertel dat die huis waar ek groot geword in Patiencestraat was, maar helaas ek het dit nie gesnap nie en is steeds redelik ongeduldig. Darem nie sodat ek aan padwoede toegee nie.

Ek het so paar programme op Kruiskyk oor ‘Breinkrag.’ gevolg. Dit is baie duidelik dat ons brein en denke ‘n enorme invloed het, nie net op ons self nie, maar ook die omgewing om ons en selfs die Heelal. Dit is egter ‘n veel groter onderwerp as om hier te bespreek. Jou brein is soos ‘n magneet en trek aan wat jy dink. Negatief na negatief en positief na positief. Dit is so geskep en so sal dit werk.

Ek sal kortliks ‘n paar aspekte noem:

Die Woord sê: “As a man thinketh in his heart, so is he!” My oorlede ma was verslaaf aan nuus. Dit was internasionale nuus, plaaslike nuus, streeknuus, kontreinuus, koerante, tydskrifte, sterre voorspel, you name it en sy het angsbevange geraak as sy iets gemis het. Nodeloos om te sê maar sy was omtrent ‘n wrak.

Onthou dat ons oë die vensters van ons siele is. Wat jy kyk, sien en lees rig jou gedagtes. Dis belangrik om te let daarop dat gedagtes word woorde, en woorde wek dade.

Die punt wat ek wil maak is dus dat as ons iets volg in die media, dan oordink ons dit en dan tree ons volgens ons verwysingsraamwerk op. As dit positief was affekteer dit ons liggaam, ons onmiddelike omgewing en uiteindelik die heelal, positief. Netso kring negatiewe goed ook uit tot daar ver en terug.

Hier is ‘n paar voorbeelde:

      ·       Ek het saam met Mnr De Beer gewerk. Hy was tweede senior in die stadsraad. Welaf. Hy het egter as ek hom sou groet en vra hoe dit gaan die ‘arm maar darem’ standaard geantwoord. Die gevolg was dat hy deurgaans sonder geld was en van die een benarde situasie na die ander gestruikelval het. Hy het arm in sy brein gestoor en dit aanhoudend bevestig deur sy mond..
·         Vanoggend in die apteek was daar ‘n dame wat baie warm en benoud gekry het. Sy het aanhoudend sweet afgevee. Opgekyk en genoem dat die lugreeling gehoor kan word maar dat dit nie afkoel nie. Skoonpa het verduidelik dat dit stukkend is en dat hulle besig is om dit reg te maak. Haar reaksie: “Alles in die land is stukkend.” Die arme dame het seker baie frustrsies want wat sy dink (en sê) sal en moet gebeur. Die Skrif sê: “What you say, is what you get.”

Ongelukkig is ons gedagtes en woorde soos ‘n klip uit ‘n kettie – dit kan nie terugkom of terug getrek word nie.

Nou hoe oorkom ons die penarie? Deur ons denke reg te programmer en dan reg te dink en reg te praat. Dis ‘n lang proses maar wanneer ons hard daaraan werk sal ons die resultate sien.


Sterkte julle, tot volgende week dan – onthou om awesome te wees.


ELAN GLOBAL RADIO
Die Stasie Vir Passievolle Mense
https://www.elanglobalradio.com
Lynelle Engelbrecht Clark: DIAMANT DIVAS. 
Die program vir die enkellopend waarin ons saam gesels oor al die slagysters, vrae, vrese en vreugdes van die enkel lopende.
WOENSDAG 9 JANUARIE 2019 at 10h00 SA Time
GESELS MET ONS:
Web: https://www.elanglobalradio.com/
Faceboek: Elan Global Radio Kuier en Klets
Twitter: Elan Global Radio
Instagram: elan_global_radio
WhatsApp: 066 305 3580
Gaan kuier en leer meer van ons, blogg saam en luister saam:
https://www.elanglobalradio.com/



Saturday, January 12, 2019

Diamant Divas - Slegte gewoontes kniehalter jou

   
Used with permission 
Teen die tyd het jy seker al jou doelstellings vasgemaak en begin…ek hoop. Dit help nie om doelwitte te stel en dit nie uit te voer nie. Dan is dit heeltemal nutteloos en sal jy die res van die jaar in gaan met selfbejammering, “what if’s” en so voorts en teen einde Desember sal jy depressief en sonder energie 2020 ingaan. 
   Ek weet nie van julle nie, maar dit maak my sommer al klaar skrikkerig. Ek wil die dinge klaar maak wat ek ten doel gestel het. Sommige van die doele het saam met die Nuwejaar oorgekom. So vir my is dit belangrik om dit af te handel.
   Indien jy nog nie ‘n lysie het nie, is dit nog nie te laat nie. Skryf dit uit en plak dit agter die toilet deur of teen die yskas. Die plekke waar jy die meeste tyd spandeer en waar jy dit beslis gaan sien.
   Pak dit aan met gusto. Hoe vinniger jy begin en met absolute energie hoe langer sal jy aanhou en uithou. Kry ‘n vriendin of suster wat jou verantwoordelik hou vir daardie lysie. Iemand moet jou vordering meet en jou gefokus hou. As jy alleen is dan is dit makliker om op te gee. Die enigste manier om suksesvol te wees is om aan iemand verantwoording te doen. Iemand wat jy kan vertrou en wat nie met jou strooi opgesaal sal sit nie. 
   Hulle moet eerlik wees, jou ondersteun maar terselfdertyd sê, “luister jy maak droog.” Of, “kom-kom jy sleep jou voete.” En, jy moet mans genoeg wees om dit te kan hanteer.
   Diamante word nie gevorm deur heeldag gepamperlang te word nie. Nee, dit kos donkerte, skaaf en kreun, selfs beitel en skuur om die resultaat te kry. Maw – jy gaan soms alleen voel, selfs afgesny, jy gaan soms geen resultate sien nie, jy gaan honger word as jy gewig probeer verloor, of jy is lui om op te staan om te gaan oefen. Of jy is te besig om daai boek te begin, of te leer. 
   Verskonings verskil, en soms is dit geldig maar die meeste van die tyd is hulle net ‘n manier om jou weg te hou van jou doel.
   Maar daar is tog iets wat jou kan kniehalter. Dit is slegte gewoontes. Jy is nou alleen maar in die tyd wat jy getroud was het jy verkeerde gewoontes aangeleer. Of dit nou deur jou eie gewoontes was, die van jou gewese man of dalk selfs ouers of vriende. Hoe ookal, daardie goed kan jou stop.
  Woede uitbarstings, jaloesie, skree, tantrums, vloek, rook, drank, geldgierig, luiheid, spandabelrig, dink jy is dom… die lys is eindeloos. Die punt is, jy het sekere gewoontes opgetel wat jou eie karakter nie net skade berokken het nie maar ook veroorsaak het dat jy op ‘n slegte plek is emosioneel. Spreuke 24.

  Wanneer jy geneig is om jou humeur te verloor of ongeduldig is moet jy begin werk daaraan. Ek gebruik dit as ‘n voorbeeld juis omdat die meeste van ons dit sal verstaan. Om kwaad te word, vir die regte redes is niks mee verkeerd nie maar wanneer dit ons as mens definieer dan veroorsaak dit probleme in ons onmiddelike lewens, in die besluite wat ons maak en ons verhoudings. Wanneer jy kwaad word moet jy leer om gebeurtenisse of redes te onderskei en op te deel in minder belangrik, belangrik, life and death belangrik. 
   Wat veroorsaak die uitbarstings? Is een vraag wat jy kan vra. Wanneer jy verstaan wat veroorsaak jou ongeduld of woede is die oplossings amper voor die hand liggend. Die meeste van ons woede uitbarstings gebeur as gevolg van vrese – dinge wat jy vroeër ervaar het wat jou uit beheer laat voel het. Dit veroorsaak dan onbeheerste buie want jy is nie in beheer van die situasie nie. Wanneer jy deel met hierdie vrese dan word die buie minder en kry jy beheer oor jou lewe. Hierdie buie kan jou onnodig ontstel en selfs stop om rerig tot aksie te kom met die dinge wat belangrik is. 
   Vir my byvoorbeeld, wanneer ek ‘n skokkende gebeurtenis ervaar derail dit my vir omtrent twee of drie dae. Ek voel magteloos, wil alles opgee wat vir my belangrik is. Ek voel vernederd, selfs verlore en ongelooflik moeg; dan wil ek net slaap. Dit steel my kreatiwiteit en energie.
  Hoe vinniger ek met dit deel kom ek weer op dreef, indien nie word ek lusteloos en selfs neerslagtig.
  Jy sien elke probleem in die lewe is nie ernstig nie, al dink jy so. Ek sê altyd: “As daar nie bloed vloei nie dan is dit nie ernstig nie.” Jy sien, elke probleem het ‘n graad wat jou reaksie bepaal. Jy het nie nodig om in elke situasie jouself te verloor nie. Leer om te onderskei en bly koelkop. Dit is die eerste stap tot sukses.
  Minder belangrik:
Wanneer jou kind na jou kom en hy sy rapport wys en dit is nie na wense nie; gaan skreeu nie help nie. Deur jou humeur te verloor maak jy dinge net erger. Deur die kind te verkleineer of na die naaste drankbottel te gryp of ‘n lat gaan nie die situasie help nie.  Vind ‘n ander uitweg om dit te hanteer. Wat kan jy doen om hom/haar te help?  
  Op die skaal van belangrikheid is dit nie werd om jou op te werk nie; dit is minder belangrik. Jou kind se rapport moenie jou vrede steel nie. Bewaar jou vrede te alle tye. En daarmee sê ek nie opvoeding is nie belangrik nie, in teendeel. Maar dit is beslis nie werd om jouself te verloor in die proses nie. Daar is oplossings. Maar jy as enkelouer moet nou die front van rustigheid behou en jou kind help. Jou kalmte en hantering baat net jouself en die verhouding met jou kind.
  Belangrik:
Wat ag jy belangrik? Finansiele onderhoud is belangrik, veral as die eks nie die fondse inbetaal nie en die skool blaas in jou nek vir die skoolfonds. Dit kan nogal jou ewewig versteur, jou humeur laat verloor omdat die eks met lee beloftes vorendag kom. Druk kan enige mens laat knak. Ek weet. Jy raak paniekerig, geirreteerd, humeurig en haal jou ongeduld op jou naasbestaandes uit.
  Gaan dit help om jou humeur te verloor? Nee, die geld gaan nie wonder bo wonder skielik in jou rekening beland wanneer jy ongeduldig raak nie. Dink rasioneel daaroor. Vind uit ipv om te jou selfbeheersing te verloor. Raak rustig. Antwoorde kom wanneer ons rustig na ‘n situasie kyk.
  Vrees kan ‘n lelike ding wees, en kan jou irrasioneel laat optree. Jy kan goed sien wat nie daar is nie. jou self opwerk, en wat het jy gebaat? Niks!
  Al hierdie situasies kan jou van die spoor laat afval. Jy kan dink dit is nie die moeite werd nie. Hoekom moet jy? Niemand anders doen nie… wanneer jy radeloos is dan kom allerhande drogbeelde op en steel jou vrede in so mate dat jy heeltemal neerslagtig raak.
Alhoewel die situasies drukkend is, is dit nie die moeite werd om ongeduldig te raak nie. Hoe langer jy koelkop kan bly hoe langer het jy beheer oor die situasie en kan jy ‘n oplossings vind.
  Onthou, al hierdie situasies is ontwerp om jou op ‘n dwaalspoor te bring. Om jou te laat vergeet van jou eie drome en ideale en selfs die doelstellings van die jaar.
Leer om stoom af te blaas of tel tot tien voor jy reageer. Dit is net dan wanneer jy werklik weer in beheer kan wees.
 Kry ‘n tweede vel as te ware. “If you take risks, sometimes you’ll get a standing ovation, and sometimes, people will throw tomatoes at you. Can you think of any leader or innovator whom you admire who doesn’t have enthusiastic fans and harsh critics? Get used to wins and losses, praise and pans, getting a callback and being ignored. Work on letting go of needing to be liked and needing to be universally known as “a nice person.” Tara Sophia Mohr.
   Of wees soos ‘n eend en laat dit net oor jou rol. Jy is besig om aan ‘n nuwe jy te skaaf. Om met die ou patrone voort te gaan, gaan jou nie baat nie en vroeër of later gaan dit jou inhaal. So is dit vir elke ander hekkie wat jy moet oorkom. Kyk met nuwe oë na ‘n probleem, vra raad. Soek iets wat jou gedagtes kan vul in so ‘n mate dat jou fokus onmiddelik op die oplossing is en nie die probleem nie. Dit is net dan wanneer jy daadwerklik jou doelwitte kan bereik en skitter.
  Wees vasberade, soos die Engels man sal sê – be adamant. 2019 is jou jaar. Maak nie saak wat gebeur nie jy gaan getrou wees aan jouself. Ja die probleme gaan kom, dit is die skaaf proses. En elke keer wat ‘n curve ball gegooi word, weet dat jy getoets word.

   Ek het oor die naweek geluister na ‘n verhaal van ‘n Indiese vrou. Sy is ‘n legende in haar eie tyd. Hoekom?
As 10 jarige het sy getrou met ‘n man 20 jaar haar senior. Op 20 het hy haar op die straat gegooi, 9 maande swanger. By haar ouerhuis het haar ma die deur in haar gesig toegeslaan en sy was raadop. Met ‘n pasgebore baba in haar arms het sy geen heenkome gehad nie. Sy was so arm, toe die dogtertjie gebore is moes sy ‘n skerp klip vat om die koord af te sny. Sy het haarself jammer gekry, vir ‘n tyd. Wie kan haar kwalik neem?
  Toe, eendag staan sy op en sy wonder hoeveel ander weeskinders is daar wat geen heenkome het nie? So het haar pad begin. Met niks het sy 1400 kinders groot gemaak, van hulle het dokters, onderwysers en selfs ingenieurs geword. Ek verstaan daar is 3 weeshuise gebou wat onder haar beskerming val. Sy het al 500 toekennings gekry vir haar werk. Sy het selfs haar man, na ‘n aantal jare aangeneem en sy spot hy is die oudste weeskind op 80. Jy sien hy het haar lewe gesien, sy eie flaters gesien en haar om vergifnis kom vra en sy het hom deel van haar doel gemaak. Haar naam is Sunkintha. Gaan lees op oor haar.
  Daardeur wil ek jou vertel dat jou probleme juis jou sterkpunte kan word waar jy ander ook kan help. Maar jy kan dit slegs bereik wanneer jy in beheer is van jou lewe.
“Let them know what kind of brilliance you see, and why it’s so special. Call them into greater leadership and action. Let them know that they are ready. Watch out for that subtle, probably unconscious thought, “because I had to struggle and suffer on my way up…they should have to, too.” Watch out for thinking this will “take” too much time – when the truth is it always has huge, often unexpected returns.
Clear a path by walking it, boldly.”- Tara Sophia Mohr

Hier is ‘n paar vrae wat jy aan jouself kan vra:

 • What are the roles you’d like to play, in relationship to yourself? Pick five words that resonate for you. (Example: I’d like to be a champion for myself. An ally. An enthusiastic cheerleader.)
• What are some of the old roles you’d like to let go of? (Example: I’d like to let go of being a sensor, a tough critic, a sceptic.)  
• What are some of the things you have done to support the people you love most in your life? What would it look like to do those same things for yourself?
Ek gaan jou ook ‘n bietjie huiswerk gee vir die volgende week.
Kies vyf woorde. Briljant, goeie vriend ens …
Elke dag kies jy ‘n woord en wees daardie woord vir iemand maar bowenal ook vir jouself.
My woord vir vandag is praat positief in my eie lewe en die van ander.
Jy sien, wanneer jou fokus verander, verander jou denke, en dan jou optrede. Dit als begin in die kop.  As jy die grysmassa kan beheer kom die res outomaties.

Praktiese dinge

Van hierdie week af gaan ek ‘n paar minute afstaan aan iets prakties en ek gaan Isak inbring om my daarmee te help.

   As enkelvrou sukkel ons met die goed. Die goed wat eintlik ‘n man se domain is. ‘n Ruk gelede was ons in Makro om iets te gaan omruil. Daar staan ‘n jong vrou met ‘n splinternuwe fiets in die hande voor die toonbank. Haar jong seun kyk angstig rond. “Die voorwiel draai nie. Iets is fout met die fiets.” Is haar klagtes en Isak hoor haar vra vir die verkoopsdametjie hy soek ‘n fiets spanner. Na ‘n ruk se wag daag sy daar op met die nodige instrument. Met ‘n draai of twee is die briek losgemaak en draai die wiel. Die kind was natuurlik in ekstase. Sy het nie geweet dat die winkels dit vasdraai nie, en het aangeneem daar is iets fout met die fiets. Nou verstaan julle hoekom ek dink dit is gepas om dit in te bring. Daar is net goed wat ons vrouens nie weet nie.
  ‘n Tip van een vrou teenoor ‘n ander, skaf jou eie gereedskap aan. Ek was baie trots op my toolboxie. Daar was nie baie in nie, maar ek kon myself help met wat daar binne was. Isak was nie beindruk met die kassie nie maar nou ja, dit was myne, deel van my onafhanklikheid en ek het dit met trots gewys. Het dit nog. lol 
   Soos die badkamerlig wat dood is, wat nou? Daar is geen man in die rondte te vra nie, buurman is nooit daar nie of jy mis hom elke keer. Jou broer belowe hy sal kom kyk maar hy daag nie op nie. Selfs na twee keer se bel en ‘n paar aande se donker bad. Selfs die kerse begin nou klein raak en jy is raadop. Hoe maak jy as vrou wat niks weet van elektriese dinge af nie. Isak gaan ons so bietjie tou wys maak en help om ook aandag aan die praktiese dinge te gee.

Isak se beurt

    More dames, en here! Ek wil vanoggend ‘n paar gedagtes deel vir in en om die huis.
Die mees praktiese raad wat ek mee kan begin is om vir jou ‘n basiese stelletjie gereedskap aan te skaf. ‘n Hamer, skroewedraaiers, multitool (leatherman), ystersaag, spanners. Hiermee sal jy heelwat kan doen.
   Goed as jy agterkom die krag is af. Jou eerste stap is om op die elektriese bord te gaan kyk of dit nie getrip het nie. Stap twee is om na te gaan of jou prepaid krag nie dalk klaar is nie. As dit nog alles in plek is hoor eers by die bure of hulle krag ook dalk af is. Ek moes hierdie vir Lynelle leer. Indien hulle krag het, sal jy hulp nodig hê. Baie belangrik om nie sommer enige iemand in jou plek in te laat nie. Dit kan selfs lewensgevaarlik wees.
Maak seker jy weet waar om die krag af te skakel in geval van nood en ook waar om die water toe te draai.
   As jy ‘n kontrakteur moet uitroep kry eers ‘n kwotasie, bv. wat ‘n uitroep sal kos? Ens. ‘n Goeie plan is dalk om ‘n manlike vriend te vra om by te wees as die kontrakteur opdaag. Dames word maklik vir ‘n ride gevat en onnodige kostes gehef omdat hulle van mening is dat julle nie tegniese kennis het nie.
  Dit sal ook raadsaam wees om spaar gloeilampe, kraanwassers, elektriese verlengkoord, ens aan te hou. Jy sal vinnig leer wat gou onklaar raak.
  Vir jou motor sal dit goed wees as jy jou oog hou op die brandstofnaald en gereeld jou bande laat pomp. Gooi eerder brandstof in op pad huistoe in plaas van op pad werk toe of skool toe. So sal jy nie sommer laat wees nie.
  Skaf gerus oorleikabels aan en hou ‘n paar lappe en handreiniger in die motor.
  En ken jy vir Dr Google? Moenie huiwerig wees om sy hulp te vra nie. Ek hou van kosmaak en het al vele geregte gegoogle. So kan mens bedrading google. Ek het myself al vele male gehelp met tegniese oplossings wat ek moes google. Jy sal verbaas wees hoe ver jy jouself kan help met die inligting wat daar beskikbaar is. Resepte, herstelwerk, diagnosis. Soek en jy sal vind. Die kuns is nie om alles te weet nie, maar wel waar om hulp te kry.

Skitter net waar julle is diamante



ELAN GLOBAL RADIO
Die Stasie Vir Passievolle Mense
https://www.elanglobalradio.com
Lynelle Engelbrecht Clark: DIAMANT DIVAS. 
Die program vir die enkellopend waarin ons saam gesels oor al die slagysters, vrae, vrese en vreugdes van die enkel lopende.
WOENSDAG 9 JANUARIE 2019 at 10h00 SA Time
GESELS MET ONS:
Web: https://www.elanglobalradio.com/
Faceboek: Elan Global Radio Kuier en Klets
Twitter: Elan Global Radio
Instagram: elan_global_radio
WhatsApp: 066 305 3580

SKAKEL IN: 


Sunday, December 30, 2018

Nuwejaars Boodskap vir 2019

Die tyd van die jaar sien jy dit oral. Plasings op sosiale netwerke is opbeurend en opbouend. Dit als, om jou as mens, te versterk vir die nuwe jaar. Om met nuwe ywer weer die teug op te vat en die jaar met energie aan te pak.
Nou, ek weet nie van julle nie maar vir my is dit aan die eenkant wel bemoedigend maar aan die anderkant intimiderend. Dit het seker met my ouderdom te make maar 2019 is net nog ‘n jaar wat 365 dae insluit. Met al die bemoediging sal daardie hoeveelheid dae my niks baat as ek nie iets daadwerkliks doen daaraan nie. Die keuse lê altyd by my. Hoe ek die nuwe dae aanpak, sal bepaal wat die uiteinde van die volgende 12 maande sal wees.
Vir meeste van ons, sal 31 Desember eindig en 1 Januarie begin op die selfde noot. Dieselfde probleme; nuwe uitdagings wat eintlik maar dieselfde worstelinge is. Vir ‘n enkelouer is daar Skoolverpligtinge met groter eise van deelname en betalings. Behoeftes wat nimmereindigende voel met geen silwer randjie aan die einde nie.
Vir die enkellopende persoon is die versugting na ‘n maat dalk die grootste bron van ergenis en frustrasie. Maar dit is slegs wanneer jy uit kom, nuwe dinge aanpak wat dit jou op die pad van jou maat sal bring. Jy sien, dit is jou gesindheid wat ‘n persoon sal aantrek.
Vir die meeste van ons kan dit in ‘n depressiewe toestand plaas en dan gaan al die mooi, goed bedoelende woorde verby jou omdat jy alreeds wonder hoe jy dit gaan bymekaar bring. Jou het of nie ‘n groot genoeg salaris nie, of dalk nie eers ‘n werk nie. Dan is die vrae nog groter, nog meer intens.  Jy sien, tensy jy nie nou rustig raak en jou fokus innerlike swaai nie sal jy selfs die antwoorde mis. Ek weet, ek praat van ondervinding. Soms raak ‘n mens se probleme so groot dat jy net dit raak sien. Dan is jy moeg nog voor die jaar begin het met geen idee hoe om voort te gaan nie.
Persoonlik is ek in ‘n vurk in die pad. Moet ek voort gaan met die eiendom, moet ek ander werk soek, wat gaan gebeur volgende jaar? Waar sal ons bly, die grootste kopseer. Dit is maar net ‘n paar van my vrae. Soms wil die lewe my wurg en word ek bang; dan moet ek myself dwing om stil te word. Rustig te raak en te fokus.
Dit is net wanneer ons-ons oë oopmaak en verby die onmiddelike kyk wat antwoorde kom. Probleme maak ons nie net sterker nie maar kan ook soos ‘n gewig aan ons ooglede kom sit. Weereens hang dit van ons af of dit ons fokus gaan bly.
Alhoewel die nuwe jaar maar net nog ‘n jaar is, gee dit ons tog die geleentheid om nuut te dink. Om toe te laat dat die motiveringsboodskappe so vrylik beskikbaar, ons visie oplig en van binne raak en verander. Ons verandering kom dan baie vining. Plotseling.
Dan word die 12 maande nie net ‘n lang uitgerekte marteling nie maar ‘n openbaring van nuwe ondervindinge. Elke struikelblok verander in ‘n uitdaging en begin jy as mens te groei. Dit is hierdie verandering wat veroorsaak dat jy skitter.
Begin van vroeg af met nuwe, volhoubare doelstellings wat jou as mens gaan bevoordeel. Hou op om goed op jou lys te sit wat jy weet nie gaan realiseer nie. Jy potjie jouself in die proses. Begin met maklike goed. Ek het byvoorbeeld begin met ‘n nuusbrief – jy gaan seker vra, nou Lynelle hoe gaan dit jou situasie verander – ek weet nie. maar dit plaas my fokus op iets produktiefs soos om myself en my boeke te bemark. Dit kan ‘n bron van inkomste word. Om te top oor die probleme maak dit nie minder nie. Raak gefokus op die klein dingetjies en wanneer jy die nodige disipline aangeleer het voeg nog iets by. Moenie wag tot die jaar verby is voor jy nuwe doelstellings maak nie. Doen dit op die daad. Dit laat jou as mens beter voel oor jouself.Hou rekord van jou oorwinnings. Hierdie inskrywings is jou dryfveer. Dit motiveer jou meer as enige ander goeie raad. En jy kan ook sien hoe ver jy gekom het wanneer jy oor 3 of 6 maande terug kyk.
Wanneer jy besig is, verander jou gesindheid en uitkyk. Saam met dit trek jy nuwe dinge aan na jou toe. Jy word ‘n magneet vir die positiewe dinge.
PlotselingDit is my wens vir elkeen van julle. Dat daar ‘n skielike ingryping sal wees in elke faset van jou lewe. dat jy in verbasing sal toekyk hoe jou lewe sal omkeer en daadwerklike oplossings sal kom. Dit het voorheen gewerk, dit moet weer werk. Dit is die wet van attraksie - of law of attraction. Of jy nou daaraan glo of nie – dit werk. Wat jy saai, maai jy. Hoe meer jy saai in jou menswees hoe meer kom die goeie op. En, indien die vuilgoed opkom sal dit met tyd ook verbrand word want dit kan nie in goed bewerkte land groei nie.
Maar dit begin by jou. Jy is die skepper van jou eie lewe. Kyk die lewe in die oë en vat inisiatief.
Verander jou denke en jou late en vertrou dat dinge gaan verander. Dit moet verander.
Onthou, jy is hier vir ‘n rede. Jy het ‘n doel.
Daarom, skitter net waar jy is diamant.
‘n Voorspoedige Nuwejaar aan elke enkelpersoon.
Mag 2019 eendag in die argiewe staan as die jaar wat ‘n groot verskil in jou lewe gemaak het. Laat dit tel. Moenie dit omwens nie maar leef asof dit jou laaste jaar is. Wees positief en bou aan die goeie.
Onthou, jy is spesiaal. 


Friday, December 21, 2018

Storietyd - Die geskenk deur Lynelle Clark

“Ek het al so baie dieselfde gebed gebid. Oor en oor dieselfde woorde maar niks gebeur nie, hoekom? Is ek dan so sleg dat God nie die een ding vir my kan doen nie?”
“Jy moenie so daarna kyk nie, Mart. Natuurlik wil God vir jou help, jy verdien dit.”
“Dit beantwoord nie my vraag nie, hier sit ek, nogsteeds werkloos net omdat ek nie ‘n kar het nie. Ek bid, vertrou en glo maar nogsteeds gebeur niks nie. Hoe moet ek positief bly met die konstante negatiewe terugslae. Hoe meer ek probeer hoe minder gebeur dinge. Vanoggend het die persoon weer benadruk, as ek nie vervoer het nie kan hulle nie vir my die werk gee nie. Waar moet ek die geld vandaan kry vir ‘n kar as niemand my ‘n kans wil gee nie?” Mart se stem breek van ingehoude snikke, moeg gesukkel voel sy rusteloos en vasgevang in haar omstandighede. Bang vir môre. Dit als hoor Elmarie in haar vriendin se stem. Sy self is al voos gebid. Maak nie saak wat sy doen nie Mart wil of kan nie verby haar probleme kyk nie, nou is klein Bekka ook siekerig wat haar onvermoë nog verder uitbuit. Sy kan haar ook nie rerig blameer nie maar wat sê sy vir haar om haar op te beur? Hoe praat jy iemand hoop in as dit lyk of daar geen hoop is nie? Hierdie land is besig om sy eie mense in die steek te laat.
“Kom ons gaan fliek, Maria sal na Bekka kyk. Ek stick jou.”
“Jammer, maar ek kan nie. Watse tipe ma is ek wat gaan prente kyk terwyl haar tienjarige koorsig is?”
“Ek is seker dit is nie so erg nie. Sy was gister heeldag in die son, sy moet dit net rustig vat vandag.” Probeer Elmarie haar moed in praat. “Kom, dit sal ons albei goed doen om bietjie uit te kom.”
++++
“Jou Oom het gebel, net toe julle weg was.” Verwittig Maria vir Mart die oomblik wat hulle terug stap in die huis. Die fliek was ‘n regte tranedal wat hul energie getap het en beide vrouens wil net ontspan.
“Watter Oom?”
“Hy het nie sy naam gelos nie net sy nommer. Dis daar by die tafel?”
“Waar is Bekka?”
“Sy slaap, ek gaan nou.” Se Maria stroef.
“Dankie Maria.” En Elmarie staan nader met Maria se geld in haar hande. Mart kyk rond op die kombuiskas en sien die nota met ‘n nommer op geskribbel. Sy ken nie die nommer nie en ken geen oom wat haar sal wil bel nie en sit die nota terug op die blad. Sy wil eers seker maak Bekka is rustig en dan sal sy bel.  
“Hoe voel Bekka?”
“Nog koorsig, sy het opgebring net toe ek by die kamer instap en ek moes eers skoon maak. Ek het vir haar iets gegee en sy slaap nou.”
“Julle kan oorslaap vanaand.” Elmarie hou ‘n beker koffie na haar vriendin uit wat sy met ‘n waarderende knik vat. “Dankie, miskien moet ons so maak. Ek sien nie vanaand kans vir daardie klein woonstellejie nie. Partydae voel dit ek gaan versmoor daar binne.”
“Ek blameer jou nie, ons motorhuis is groter as daardie plek.” Beaam Elmarie met ‘n glimlag maar Mart vermy haar oë. In stilte geniet hulle die drinkgoed, woorde min. “Jy moet onthou om te bel.” Herinner sy Mart ‘n paar minute later.
“Sal môre oggend, ek is nou net lam en nie lus vir familiedramas nie.”
++++
“Jy beter bel jong.” Herinner Elmarie haar vriendin weereens. Deur die nag was daar min geslaap. Bekka het gesorg dat hulle omtrent geen ooglid toegemaak het nie en hulle moes vroegdag dokter toe gaan. Een of ander maagvirus het haar beetgekry en teen laat middag was sy uiteindelik rustig genoeg om te kon insluimer. Elmarie het vir hul elkeen ‘n glasie wyn ingeskink terwyl hulle elkeen deur ‘n tydskrif blaai. Na ‘n lang gesukkel het Elmarie Mart oortuig om ‘n paar goedjies te gaan pak en by haar te bly vir die naweek. Mart was moeg en teer en Elmarie kon nie anders as om haar vriendin weer opnuut jammer te kry nie. Met ‘n stil gebed het sy haar vriendin weer opgedra aan die Een wat iets kon doen. 
“Ek het al vergeet daarvan,” sê Mart en spring op. Terug in haar stoel hou sy die nota in haar hand, ‘n ligte frons tussen haar oë.
“Jy kan my foon gebruik om gou te bel.” En oorhandig die foon aan haar.
“Dankie.” en met die maak sy die oproep.
Skalks hou Elmarie haar dop terwyl sy met die oom praat. Dit is ‘n oom aan haar pa se kant lei sy af en luister hoe Mart stil raak en dan aan haar arm tik. Glinsterende oë is op haar gerig, ‘n opgewondenheid verander haar hele gelaat, ‘n verdwaalde traan wiggle al teen haar wang af en sy wonder wat aan gaan. Mart stap uit die patio en stop langs die swembad haar hele houding opgewonde soos sy vrae vra. Ongeduldig wag sy dat haar vriendin moet aflui en in kom. Die oomblik wat sy op die patio verskyn dans haar oë jubelend. Elmarie besef opnuut hoe meer sy is werklik is.
“Raai wat?” en nog voor Elmarie haar kan antwoord beantwoord sy haar eie vraag “Ek het ‘n kar gekry.” En sy vat haar hande saam terwyl trane verder rol, trane van vreugde en verligting.
Verstom staar Elmarie haar aan, “Wat bedoel jy?”
“Oom Gert het van my storie gehoor en wil vir my ‘n kar koop.”
“Hoe, wat…” en beide vrouens begin te lag, hardop. Swaarmoedigheid word vervang met verligting soos die twee na my kyk.
“Ek kan dit nie glo nie. Jy moet my knyp!” Roep Mart uit. Haar lag lig en borrelend. "Besef jy ek kan nou vir Meneer van Deventer bel en laat weet ek het vervoer. Besef jy wat dit beteken? Ek. Het. Werk.” En sy lag uitbundig. Spring op en hardloop binne die huis in, seker om vir Bekka van hul geskenk te vertel.
Elmarie lag en gaan dan op haar knieë… “Dankie Here. Dankie Here. Weereens het U bewys dat ons U kan vertrou.”

Kopiereg Lynelle Clark 2018 

Wednesday, December 19, 2018

Boek bekendstelling - ELMARIé PRETORIUS (BEUKES) DIE EENSAME PAD MET BEUKES-SINDROOM

ELMARIé PRETORIUS (BEUKES)
DIE EENSAME PAD MET BEUKES-SINDROOM – MY VERHAAL

SYNOPSYS
*Die radioloog het erg uitgevra terwyl ek so half onderstebo hang, hy het bly vra en ‘oe’ en ‘aa’. Later vra hy weer of ek in ʼn ongeluk was? Ek kon nie meer simpel vrae antwoord nie en antwoord hom net: “Die enigste ongeluk was toe die sperm die eiersel tref! Maak groot asseblief net gou klaar!”*

Hierdie aanhaling uit Elmarié se verhaal vertel van baie frustrasie oor eindelose ondersoeke, onkunde van ander en onophoudelike pyn en ongemak haar lewe deur.
Hierin vertel sy van haar pad met Beukes-sindroom en hoop dat haar verhaal sal help met bewusmaking van die sindroom en ook ander met dieselfde probleme, sal kan help.


BIOGRAFIE
Elmarié Pretorius (néé Beukes) was die jongste van twee susters (wie beide Beukes-sindroom het), gebore in Pretoria.

In Pretoria het Elmarié as ‘au pair’ gewerk vir ʼn familie met drie skoolkinders.
Sy het graag gedigte geskryf en ook bydraes vir die dagstukboek ’Leef jou Waarde’, wat in 2018 gepubliseer is.

Elmarié was ʼn groot diereliefhebber en was betrokke by o.a. die red en versorging van wilde katte en het met skenkerwol ‘bersies’ gebrei wat sy vir ‘dierehawes’  gegee het.

Elmarié was die stigter van die ‘Beukes Ondersteuningsgroep’ op FaceBook waar Beukeslyers en hul families en vriende mekaar kan ondersteun.

Elmarie is in Mei 2018, drie maande voor haar 60ste verjaarsdag, skielik oorlede. Dit was haar wens dat hierdie boek die lig moes sien, met die hoop dat dit iets vir iemand sal kan beteken.

Verkrygbaar by Groep 7

UITTREKSEL
Beukes-sindroom is ʼn oorerflike kraakbeensiekte wat in BEUKES-families voorkom. Daar is tans geen kuur nie en die simptome word basies net behandel.
Daar word ook na verwys as ‘DISPLASTIESE HEUPE’ – die femurkop is plat bo in plaas van rond en die kraakbeen word stelselmatig vernietig. Die heupkop skaaf direk teen die bekkenbeen, wat erge pyn veroorsaak.
Beukes-lyers het gewoonlik erge pyn in al die gewrigte, hoewel erger in die groot gewrigte wat insluit; heupe, knieë en skouers.

Lyers ondervind gewoonlik ook lae beendigtheid, stres-frakture en rugprobleme. Rugpyn is gewoonlik as gevolg van Skoliose (verwronge ruggraat), Sheurman se Siekte (‘ingeduikte’ lae rug en boggelrige skouers en nek) Kifose (vooroor-geboë nek soos ‘n boggel) of ʼn verkleinde bekken.

Steeds in hierdie 21ste eeu waarin ons leef dra heelwat dokters geen kennis van hierdie sindroom se bestaan nie. Ek het navorsing begin doen en met mense, wat enige verband het met BEUKES’e iewers deur hul pyn en verwronge liggame, gevra of hulle kon terugdink of daar iemand met die van ‘BEUKES’ in hul familie betrokke was. Die sindroom word geneties oorgedra en was tevore lief om ‘oorkruis’ te werk. Dus sou die pa dit oordra na sy dogter en die ma dit oordra na haar seun. Latere navorsing het egter bewys dat dit nie noodwendig die geval is nie en dat elke kind van ʼn BEUKES-lyer ʼn 50/50 kans het om die siekte te erf. Die sindroom is ook lief om ʼn generasie of twee te ’spring’ en kom dan skielik byvoorbeeld in die derde generasie weer na vore. Juis hieroor is die sindroom nie so bekend nie, aangesien ʼn lyer byvoorbeeld by ʼn dokter sal kla oor rugpyn of heupe wat pyn, maar die ‘oorspronklike’ lyers is reeds dood en daarom is inligting vir altyd daarmee heen.

Toe my seun wou gaan vir genetika-toetse (hy en sy vrou wou graag kinders hê) het hy ook uitgekom by die navorsing in Amerika wat hierop gedoen word. Of dit dalk intussen verander het weet ek nie, maar daardie tyd is uitgevind dat die foutiewe geen wel geïdentifiseer is waar dit in die DNA-string lê, maar dat dit nog nie 'uitgeskep' kon word nie.


Kom ons bid en vertrou dat die Mediese Wetenskap spoedig foutiewe gene letterlik sal kan uitskep en vervang met ʼn ander in die DNA-ketting.

Diamant Divas - Brandstof vir die siel.

Wat bou jou op, laat jou voortbeweeg. Wat maak jou opgewonde? Ek spring sommer weg met ‘n paar moeilike vrae. Vir sommiges mag dit...