Wie se beeld is in jou kop; Goliat of Dawid?

 

1 SAM 17: 12Dawid was die seun van Isai, ’n Efratiet uit Betlehem in Juda. Isai het agt seuns gehad. Hy was toe alreeds oud. 13Die oudste drie, Eliab, Abinadab en Samma, was soldate in Saul se leër. 14Dawid was die jongste seun, terwyl die drie oudstes reeds in Saul se leër diens gedoen het.

Die drie oudste broers het hul pa, Isai, verteenwoordig. Hulle het Christus nie verteenwoordig nie. Hulle was in 'n onakkurate posisie toe die oorlog uitbreek.

Let wel: God het ons geroep om Christus te verteenwoordig. Om presiese voorstellings van Christus te wees en nie van Isai nie.

Eliab se naam het aangedui dat God my pa is , maar het nie daardie verklaring gestand gedoen nie. Hy was die "aanklaer" van sy broer. Sommige mense, selfs diegene in jou gesin, is vals in hul optrede teenoor jou en sal jou beskuldig of beledig; gewoonlik van agter af.

Abinadab se naam dui daarop dat die vader vrygewig is, maar ons hoor nooit weer van hierdie broer van Dawid nie. Vrygewigheid kan teen jou werk as jy nie rein van hart is nie. Die feit dat hy nie 'n ware broer was nie, het dalk iets met sy afwesigheid te doen.

Samma het verkwisting oorgedra. Hy het heel waarskynlik verkwis wat aan hom gegee is en was nie baie betroubaar nie. Die rede waarom Isai vir Dawid moes stuur om na sy broers te gaan kyk. Hulle sou nie te bly hieroor gewees het nie en het hom dadelik aangeval. Klink net soos ‘n ander storie vanuit die Bybel.

Hoewel Dawid die jongste was, het hy reeds gewys watter soort mens hy sou word. Sy konsekwentheid het hom die voorsprong bo sy broers gegee.

15Dawid het heen en weer beweeg tussen Saul en sy pa se skape wat hy in Betlehem moes versorg. 16Vir 40 dae lank, elke oggend en aand, het die Filistyn uitgekom en sy uitdaging aan die Israeliete gerig.

40 verteenwoordig die Wildernis-posisie.

Goliat het hulle veertig dae lank getoets. Hy het hulle bespot en hulle vertel hoe nutteloos hulle was. Dag en nag verdrink Goliat se stem God se Woord uit hulle midde uit. Nie eens Saul het die mag gehad om hierdie man se tong te weerspreek nie. Hy het Israel tot 'n eunug-staat gebring. Hy het hulle gekastreer; hul manlikheid verwyder en verlam gelaat.

Met al die spot moes Israel gevoel het hulle is terug in die woestyn en het van die manna vergeet. In die woestyn het hulle hul daaglikse brood (manna) op twee tablette ontvang, maar hier sien ons dat hulle nie van hierdie manna geëet het nie. Hulle het geen voortgaande Woord gehad om met hierdie onbesnede Filistyn af te reken nie.

Wanneer jy nie jou daaglikse brood neem nie, word jy magteloos om teen die vyand te veg. Wanneer jy God nie soggens en saans met gebed ontmoet nie, word jy bang. Jy vergeet van God se Woord en die krag wat dit het. Jy word depressief en bang. Jy probeer weghardloop en wegkruip, maar Goliat se stem hou jou gevange. In plaas daarvan om na Aseka te gaan, het hulle in die vallei gebly.

Hulle het 'n Dawid nodig gehad. Maar die prentjie van ‘n redder wat hulle ingedagte gehad het en die jongman Dawid het nie dieselfde gelyk nie. Daarom het hulle kwaad geword en hom afgekraak, selfs beledig.

Ons doen dit presies dieselfde. Ons bid vir 'n uitkoms, maar wanneer dit nie lyk soos die een wat ons voorgestel het dit moet wees nie, dan val ons die God gestuurde "kampioen" aan. Net soos Eliab met sy broer gedoen het.

Wie het jy vandag ingedagte om jou te red?

Wie se Woord sal jy vandag glo?

Sal jy verkrummel en ontsteld wees?

Sal jy 'n spottende Goliat se Woord glo? Of sal jy op Christus se Woorde van genesing en herstel vertrou?

Maar bowenal, sal jy God se antwoord aanvaar?

Hoe langer jy in die vallei bly, hoe langer sal Goliat jou gevange hou.

Moenie die gesproke Woord of jou gebede in die oggend en aand verwaarloos nie. Bly verbind aan God en Hy sal jou die pad deur die dal wys.

Maak tyd met God.

Die keuse is joune.

Genade en vrede vir jou.

'n Kampioen Kom Na Vore.

 

1 SAM 17: 4Goliat, ’n uithalervegter van Gat, het uit die leër van die Filistyne na vore gekom. Hy was drie meter lank. 5Hy het ’n bronshelm op sy kop gehad en ’n harnas met skubbe. Die gewig van die harnas was 57 kilogram. 6Sy beenplate was ook van brons, en ’n bronsswaard het tussen sy skouerblaaie gehang.

'n Kampioen is 'n middelman, een wat die uitslag van 'n spesifieke geveg met een eiehandige geveg met 'n soortgelyke kampioen van die teenoorgestelde kant kan bepaal. Hy is die go-to ou. Baie sou hom sien as die boelie wat dinge met sy swaard kon uitsorteer.

Goliat was die kampioen van die Filistyne. 'n Groot man met baie trofees onder sy belt. Hierdie oorwinnings het hom groot gemaak onder sy mense. Ander nasies was bang vir Filistyne as gevolg van hom. Hy was 'n gesoute veteraan wat geweet het hoe om 'n swaard te beheer.

Sy lengte is ook baie indrukwekkend. Hy het uitgetroon oor sy vyande; nie net met sy vaardigheid nie, maar ook met sy lengte. In vandag se terme word ses el en 'n spanwydte vertaal in 9 voet 9 duim/ 2,97 meter.

Nege is die getal van voltooiing en vervulling en dui aan die einde van 'n siklus. Dit simboliseer ook wysheid en verligting. Dit herinner ons aan ons krag om enige uitdaging te oorkom. Dit is ook 'n simbool van onbaatsugtige diens.

In Goliat se geval is hierdie getal 'n dubbel syfer: 9 x 9 = 81. Hy was die antwoord op die Filistyne se probleme. Hy was die volledige pakket. Alhoewel hy oor die krag en wysheid beskik het, het hy ook die vaardige intelligensie gehad om sy vyande uit te oorlê en te oorkom.

Sy klere was ook baie belangrik. Sy kop was bedek met 'n bronshelm, wat hom sterk van verstand gemaak het. Dit het sy uithouvermoë en gereedheid getoon, en dit het aan die leërs verkondig dat hy oordeel sou bring oor almal wat sy swaard ontmoet.

5 simboliese betekenisse van Brons

Duursaamheid — Brons was duursaam vanweë sy vermoë om uiterste hitte en druk te weerstaan. Brons verteenwoordig Israeliete se begeerte om soliede strukture te bou.

Krag — Volgens die boek Openbaring het Christus se voete soos glansende Brons gelyk, 'n simbool van krag.

Oordeel — Dit hou verband met oordeel, aangesien dit gebruik word om voorwerpe soos offeraltare te bou, wat oordeel verteenwoordig.

Brons simboliseer suiwering soos die Bybel suggereer. Die Here verfyn sy volk deur onsuiwerhede te verwyder.

Offer word in die ou testament gesien, waar instrumente en gereedskap van Brons gemaak word om offergawes aan God te bring. Dit simboliseer ook die bloed wat Christus aan die kruis vergiet het. Nadat Christus opgewek is, het sy voete soos gepoleerde Brons gelyk, wat dui op sy pyn en lyding aan die kruis.

 Nadat ek die simboliese betekenis van brons gaan naslaan het, het ek my tot Openbaring 1: 12-16 gewend.

Hier het Christus nie brons op sy kop gedra nie, maar aan sy voete. Die teenoorgestelde van Goliat. Sy kleed het sy hele liggaam bedek, en sy bors was omgord met 'n goue band. Sy kop en hare was wit soos wol; soos sneeu, en sy oë soos vuur. Christus se swaard was nie in sy hand nie, maar in sy mond.

Onthou: alle skrifgedeeltes lei na Christus. Hy is ons eindbestemming. Hy is ons hoop en ons redding. Nie Goliat, of Saulus nie, maar Christus.

Openbaring 1:12-16

12Ek het toe omgedraai om te sien wie se stem dit is wat met my praat. Nadat ek omgedraai het, het ek sewe goue kandelare gesien 13en in die middel van die kandelare Iemand soos die Seun van die Mens. Hy het ’n kleed aangehad wat tot op sy voete gehang het en ’n goue band was om sy bors vasgemaak. 14Sy kop en sy hare was wit soos wol, so wit soos sneeu, en sy oë soos ’n vuurvlam. 15Sy voete was soos gepoleerde koper wat in ’n smeltoond gloei en sy stem soos die geluid van baie waterstrome. 16In sy regterhand het Hy sewe sterre vasgehou en uit sy mond het ’n skerp swaard met twee snykante gekom. Sy gesig het helder geskyn soos die son in al sy felheid.

Die prentjie van ons Kampioen of Middelman lyk heel anders as dié van Goliat.

As gevolg van tyd en ruimte kan hierdie leesplan nie in elke detail ingaan nie, maar wanneer jy tyd het, bestudeer die Woord en kyk wat God aan jou openbaar oor hierdie storie.

Kom ons gaan voort ...

1 Sam. 17: Die steel van sy spies was so dik soos ’n wewer se balk en die ysterlem van die spies het sewe kilogram geweeg. ’n Wapendraer het voor hom uitgeloop en ’n skild gedra. 8Hy het teenoor die manskappe van Israel gaan staan en geskreeu: “Is dit regtig nodig dat die gevegslinies opgestel moet word? Ek is tog ’n Filistyn en julle is onderdane van Saul. Kies iemand wat ’n tweegeveg met my kan voer. 9As julle man daarin slaag om my dood te maak, sal ons julle slawe wees, maar as ek hom doodmaak, sal julle ons slawe wees! 10Ek daag vandag die gevegsmagte van Israel uit! Stuur tog iemand om teen my te veg!”

Goliat was 'n bewese soldaat wat 'n karakter vertoon het van een wat baie gevegte suksesvol verower het. Hy was die regter van die Filistyne en gereinig deur sy gode [Dagan, Ashteroth (Astarte) en Beëlsebul], Hy was bereid om sy lewe vir sy volk af te lê. 'n Voorstander met 'n mandaat wat hom 'n mag gemaak het om mee rekening te hou.

Hy was die teenoorgestelde van Dawid en is later deur hierdie vegter. Dawid is die beeld van Christus, die patroon waaraan God ons meet.

Christus is die plumb line; ons middelaar en regter. Christus kopieer niemand nie; Hy is die regmatige Kampioen wat ons die oorwinning deur die kruis gegee het.

Onthou dat die heining in Miga 2: 12-13  gebreek is. Luister na Sy stem en vertrou op Hom as jou middelman. Die een wat in die gaping staan. Sy weë is korrek en regverdig. Jy kan Hom met jou lewe vertrou.  

Christus se gesag is nie sigbaar deur sy brute krag nie. Christus se stem het genesing, beskerming, gesag, heerskappy en vrede gedra, anders as dié van Goliat, wat net die doodstyding gebring het. Israel was in wanhoop en vrees as gevolg van wat hierdie kampioen gesê het.

11Toe Saul en die Israeliete dit hoor, was hulle mismoedig en baie bang.

Goliat se stem het hulle bang gemaak. Hulle het depressief geraak en geestelike blokke is opgerig. Die omliggende heining het so sterk geword dat hulle vergeet het dat die God van Moses, Abraham, Isak en Jakob by hulle was. Israel het sy leuens geglo.

Christus doen presies die teenoorgestelde. Wanneer Hy praat, word lewende water vrygelaat wat lewe in oorvloed bring.

Moenie na die vyand se stem luister nie. Laat Hy jou die pad deur die heining wys. Laat Christus die een wees wat jou red van elke Woord van wanhoop en vrees wat die vyand na jou toe slinger. Jy is geroep om saam met Christus te regeer en nie in die Dal van Elah te bewe nie.

Soos julle deur die week gaan herinner jouself aan hierdie verhaal en vra, “Na wie se stem luister ek?” as dit Goliat sin is, wil ek jou meedeel dat sy kop afgekap is en dat die deurbraak kom deur Jesus Christus, jou verlosser en Saligmaker. Hy is die ware Kampioen van jou verhaal.

Genade en vrede vir jou.

Dagstukkie: Waar jy kamp maak saak.

 

1 SAM 17: 1Die Filistynse troepe het saamgetrek vir oorlog. Hulle het by Soko in Juda bymekaargekom en kamp opgeslaan by Efes-Dammim, tussen Soko en Aseka. 2Saul en die manskappe van Israel het in die vallei by die groot boom kamp opgeslaan en hulle vir die geveg teen die Filistyne gereedgemaak. 3Die Filistyne en die Israeliete het op twee heuwels teenoor mekaar stelling ingeneem. Daar was ’n vallei tussen hulle.

Soko was 'n stad van die stam Juda (Joh. 15:35) en 14 myl wes van Betlehem aan die voetheuwels van die Juda Berge. In 2 Kron. 28:19 is dit deur die Filistyne beset, en hulle het hulle daar gevestig.

Die Here was besig om Juda te verneder oor koning Agas van Juda, want hy het Juda aangemoedig om te sondig en was heeltemal ontrou aan die Here.

Die vyand is altyd op soek na 'n plek om homself te vestig. Dit wil jou vreugde en erfenis steel. Dit is nie tevrede om by die kantlyn te bly nie. Jou vyand bring die stryd reg in jou midde en gaan sit daar.

Die naam Soko beteken heining of ruigtes; hy weef 'n beskermende versperring om jou, om jou vasgevang te hou. Die Filistyne het die belangrikheid van heinings en vestiging verstaan. Voordat jy egter dink dat hierdie verhaal geëindig het nog voor dit begin het, hou jou sitplek vas want daar is baie om te leer uit hierdie bekende verhaal.

In Miga 2: 12-13 het God vir ons 'n leidraad gegee oor hoe om deur hierdie heining te breek.

“Eendag, Israel, sal Ek julle almal terugbring. Die oorblyfsels van Israel sal Ek sekerlik weer bymekaarbring. Ek sal hulle bymekaarbring soos skape in ’n kraal, soos ’n trop skape in die veld. Julle land sal weerklink van die gedreun van mense. 13Julle leier sal deur die linies breek en julle uit ballingskap lei. Hy sal julle lei deur die poorte van die stede, julle sal deur die poorte breek op pad na julle eie land toe. Julle koning sal voor julle uit gaan. Die Here self sal julle lei.”

Hierdie heining kan baie dinge in ons lewe verteenwoordig. Maar God het aan ons ‘n Verlosser gegee wat ons help om deur te breek.

Volgens Miga, as jy deel is van die oorblyfsel van die Here, dan sal Christus; die goeie herder die heining oopbreek en Sy kudde in die veld in uitlei. Christus sal voor loop en die pad aanwys. Dit beteken dat wanneer jy dink die vyand het gewen kom God deur vir jou. Hy sal die heining breek deur 'n Dawid (‘n man) te gebruik. Hierdie dinge waarmee jy worstel het jou tot dusver op 'n afstand gehou maar God se magtige hand sal vir jou die deurbraak gee. Voordat enige swaard gelig is, is die stryd gewen omdat Christus jou vooruitgaan.

Maar die sleutel hier is dat jy God se stem moet ken. Dit is in die wete dat jy Christus deur die verskansing na oorwinning sal kan volg.

Maar wat beteken die name van die stede vir ons?

Aseka beteken bewerkte grond en was 'n versterkte stad gedurende die tyd van die regters. Dit was 'n toevlugsoord vir baie. Dit het baie gevegte en 'n paar wonderbaarlike ingrypings beleef. As jy in hierdie stad bly, weet jy dat jy goed beskerm word.

Efes Dammin beteken die grens van bloed. Dit dien as 'n herinnering aan die antieke stryd wat hier plaas gevind het en die grens waar bloedvergieting plaasgevind het – 'n aangrypende merker in die Bybelse geskiedenis.

Saul en sy manne het kamp opgeslaan in die Dal van Elah. Dit was die teenoorgestelde van Soko. Hulle was in die oopte. Die vallei is 'n lae plek. Hulle was nie beskerm nie maar ‘n oop teiken.

Die wortel van die woord Elah kan beskryf word as 'n plek van dwaasheid, of 'n versuim om aan kognitiewe standaarde of algemene gedragskodes te voldoen. Dit beteken ook waardeloosheid of 'n waardelose ding.

Saul kon in Aseka gebly het. Dit sou hulle die uitsig van 'n arend gegee het, maar hy het kamp opgeslaan in die vallei waar hulle waardeloos en dwaas gevoel het. Hierdie plek het Israel vir mislukking opgestel. Dit het hulle in gevangeskap gehou nog voordat hulle met die stryd begin het.

Dit is hoekom Goliat hulle vir 40 dae kon gevange hou want hulle het alreeds waardeloos gevoel.

Maar jy sien, hulle het 'n oorblyfsel nodig gehad; een wat nie bang is om die heining te breek nie. Een wie se stem hulle kon herken bo die geraas van twyfel en waardeloosheid. Hierdie man het hulle bymekaar gebring, hulle herinner wie hulle is en die heining gebreek. Sodoende kon die Israeliete die stryd toetree en in oorwinning gaan. Dawid het die voortou geneem.

Dawid is 'n beeld van Christus wat vir ons die weg wys om deur die greep van vrees en wanhoop te breek en die Filistyne agterna te jaag.

Wanneer jy op God vertrou, wanneer jy die goeie herder se stem ken, het jy reeds die oorwinning ontvang. Christus wys ons die weg. Vrees en wanhoop kan ons nie langer vashou nie. Die stryd is die Here s'n, en die oorwinning is joune.

Leer ken sy stem. Hoe doen jy dit? Deur die Woord te bestudeer. Deur tyd saam met God deur te bring. Om jouself in die regte plek te posisioneer. Dit is die eerste stap na jou oorwinning.

Wat jy ook al vandag beleef, weet dat God by jou is. Hy is reeds daar. Jy hoef nie na die leuens te luister of in die lae land te bly nie. Jy kan hoër gaan, daar waar die arende vlieg.

Genade en vrede vir jou.

In gesprek met Kleinboer, of te wel Fanie de Villiers.

Ek is Fanie de Villers, en skryf onder die naam Kleinboer. 

Ek is in 1956 in die Boksburg-Benoni-hospitaal gebore, blouerig en ses weke voor die bestemde tyd. Weens die vroeë geboorte, lê ek vir weke in ’n broeikas en skraap kragte bymekaar om huis toe te kan gaan na sy ma se oorvloedige melk. My ouers noem my Fanie en my tweelingbroer Manie. Ons jeugjare was redelik sorgvry. Daar was ’n groot agterplaas in Kemptonpark om in te speel, en op straat is daar fiets gery en vlieërs die lug ingestuur. In ons pa se studeerkamer was ’n massiewe boekrak met onder meer  boeke van Heinz Konsalik en Langenhoven.

Ná skool en weermag het ek ’n BSc-graad verwerf. ’n Loopbaan van amper 20 jaar in die rekenaarbedryf het gevolg, en toe het ek oorgeskakel na die gedrukte media om ’n taalversorger te word. 

Ek het reeds drie romans geskryf (Kontrei, Werfsonde en Hierdie huis), en twee digbundels (Van my beste vriende is groen pyltjies en bruin bottels, en Erf en elders). Die romans kan hier en daar nog in boekwinkels raakgeloop word. Die twee digbundels kan op die uitgewer Naledi se webwerf bestel word (gratis aflewering oral in Suid-Afrika!): www.naledi.co.za

 

Ek woon reeds 33 jaar lank in Yeoville, Johannesburg.

 

 

1.   Wat maak jou trots om 'n skrywer/digter te wees?

    Ek sou nie sê ek is juis trots daarop nie, net so min as wat die son trots is dat hy in die ooste opkom. Dis maar bloot iets wat onafwendbaar deel van my is. My mond gesels en my vingers skryf.

2.   Wat of wie het jou geïnspireer om 'n skrywer/digter te word?

     Ek het begin agterkom ek het ’n groter aanvoeling vir woorde as vir rekenaarprogramme. Ook het ek die poësie van onder andere Breyten Breytenbach en Johan van Wyk ontdek, en vir Koos Kombuis bevriend. In die 80’s en 90’s skryf ek en Koos honderde briewe aan mekaar, outydse briewe met ’n seël op die koevert. Later vra Koos my om by te dra tot sy little magazine Ons Klyntji. Omdat daar reeds ’n krieketspeler met die naam Fanie de Villiers was, het Koos voorgestel ek kry vir my ’n skryfnaam. Oor ek destyds spinasie en rissies in my agterplasie gekweek het en ook kort van postuur is, spring die naam Kleinboer toe uit my brein uit.

3.   Wanneer het dit vir jou ‘n doel geword om gepubliseer te word?

    In die laat 90’s het ek besef ek het genoeg materiaal op my rekenaar opgebou wat tot ’n roman verwerk kon word.

4.   Het jou omgewing of opvoeding 'n groot rol in jou skryfwerk gespeel, en het jy dit tot jou voordeel gebruik?

     My ouers was beide onderwysers en het ons aangemoedig om baie te lees. Veral tydens skoolvakansies het ek en my tweelingbroer vreeslik baie gelees. Ons ma het gesê: “Julle hardloop ’n voetpaadjie biblioteek toe en terug.”
Later, toe ek ’n Tuksstudent was en nog by my ouers in Monumentpark, Pretoria, gewoon het, is ons sewejarige basterbrakkie, Fonnie, een Sondagmiddag deur ’n kar doodgetrap toe sy saam met my na die kafee geloop het. Haar laaste piepie was nog warm op haar maag terwyl ek haar huilend huis toe gedra het. Ons het haar in die erf begrawe. Dit was hartverskeurend, en ’n traumatiese episode wat bygedra dat ek ’n dagboek begin hou het.

5.   Titels is vir sommige skrywers ‘n nagmerrie, hoe kom jy op met ‘n titel vir  die manuskrip en is dit in die begin van die proses of nadat jy klaar geskryf het?

    Dis vir my ’n nagmerrie en kom na my eers nadat ek klaar geskryf het. Die titel van my eerste boek, Kontrei, is deur Koos Kombuis voorgestel, maar die res het ek self opgemaak.

6.   Stel asseblief jou digkuns genre bekend en hoekom jy verkies om in daardie genre te skryf?

    Ek skryf in die vorm van ’n parlando, oftewel praatvers. Dis beïnvloed deur my vroeëre hou van ’n dagboek, briefskrywery, en my romans.

7.   Wat was jou mees lonende ervaring met jou skryfproses?

    My roman Kontrei is in 2004 met die Jan Rabie-Rapportprys bekroon. Dit het gepaard gegaan met handige prysgeld, en dis ook my boek waarvan die meeste verkoop is, sowat 2 500 eksemplare.

8.   Het jy 'n negatiewe ervaring in jou skryfloopbaan gehad? Indien wel, verduidelik asseblief hoe dit vermy kon word?

    Tussen my eerste en tweede boeke se publikasie het nege jaar verloop. Dis te lank. Hoe dit vermy kon word? Ek kon seker minder in kroeë rondgelê het, alhoewel ek daar tog ook ’n paar idees vir toekomstige skryfwerk opgetel het.

9.   Watter positiewe raad sal jy aan ander skrywers/digters kan gee?

    Lees baie, sodat jy bekend kan wees met wat reeds in Afrikaans verskyn het. Moenie net digters uit vorige tydvakke lees nie, maar ondersoek ook meer moderne skrywers se werk. En wanneer jy skryf, vermy soetsappigheid en die oormatige opstapeling van “geleerde” woorde.

10.    Wie is jou gunsteling skrywer of digter?

Breyten Breytenbach.

Lys asseblief al jou webwerfskakels:

Facebook is die enigste sosiale medium waar ek betrokke is. Ek is daar onder my naam Fanie de Villiers. My twee digbundels kan by www.naledi.co.za bestel word. Van my bundel wat in Julie 2023 verskyn het, Erf en elders, het daar reeds ’n paar resensies verskyn. Google “Kleinboer, Erf en elders” om die resensies op te spoor.

My gepubliseerde boeke:

Kontrei (2003). Deesdae moeilik bekombaar, maar wel soms in tweedehandse boekwinkels, en op webwerwe soos Amazon.

Werfsonde (2012). Soms nog in ’n boekwinkel te sien – gryp hom as jy kan! En in sommige biblioteke.

Hierdie huis (2017). Soms nog in ’n boekwinkel te sien, en in sommige biblioteke.

Van my beste vriende is groen pyltjies en bruin bottels (2020). Nog in sommige winkels beskikbaar, en ook aanlyn vanaf Naledi Uitgewer (hulle aflewering is gratis). Skakel na hulle webwerf: naledi.co.za

Erf en elders (2023). Beskikbaar in winkels soos Exclusive Books, en ook aanlyn vanaf Naledi Uitgewer (hulle aflewering is gratis). Skakel na hulle webwerf: naledi.co.za.

Persoonlike vrae:

1.   Wat is jou gunsteling kleur?

Hemelsblou.

2.   Verkies jy 'n soet of sout eet dingetjie?

Ek neig meer na sout, maar ná elke Saterdag se braai deel ek ’n stuk sjokolade met my gesin.

3.   Watter tyd van die dag verkies jy om te skryf?

Oggend. En verkieslik voor dagbreek, met koffie.

4.   Gunsteling musiek of liedjie?

Die liedjie “City of Tiny Lites” van Frank Zappa.

5.   Hoe hanteer jy skrywersblok?

Ek gaan deur my chaotiese ou notas en probeer iets daaruit distilleer.

6.   Wat is volgende op jou To Do-lys?

Ek en my vrou berei voor om binnekort Mauritius toe te gaan. Sy was nog nooit oorsee of in ’n vliegtuig nie! Ek sal haar hand styf vashou op die aanloopbaan voor ons opstyg.

7.   Waarheen gaan jy graag met vakansie?

Die see. Maar ek kom te selde daar, skaars een keer elke drie jaar.

 

  

Vroue word bemagtig tydens Die Deugsame vrou byeenkoms in Brakpan.

Op 25 Augustus 2023 was vroue bemagtig tydens Die Deugsame vrou byeenkoms in Brakpan.

Die geleentheid was positief, en deelnemers het die program geniet.

RATA en verskeie belanghebbendes het verlede Vrydag 'n geleentheid vir Vrouemaand gehou om die vroue in die Brakpan-gemeenskap te bederf.

Hulle het dames wat dit bygewoon het, getrakteer op motiveringspraatjies, kos, klein geskenke, en vaardigheidsontwikkeling. Elke vrou het 'n Doelgerigte Lewe Joernaal ontvang.

Die dames het na 'n motiveringstoespraak deur Lynelle Clark geluister. 'n Emosionele getuienis deur 'n oorlewende van huishoudelike geweld en verslawing het die saal stilgemaak. Gebed en liedere deur Ps. Magda van der Merwe het aanklank gevind by almal, en raadslid Riaan van Zyl van die Vryheidsfront Plus het sy eie unieke dinamika by die groep gevoeg, wat die vroue geniet het. Die vroue het wenke oor gesinsbeplanning deur Gloria Khalakhu ontvang en is gemotiveer om terug te keer na die Woord vir genesing deur Ps. Martha Neethling. Dit is opgevolg deur 'n demonstrasie vir selfverdediging van die span van ZULEKU-vegkuns skool.

Die lewensafrigter en skrywer Lynelle Clark het gesê: "Diamante word onder geweldige druk gebore. 'n Deugsame vrou word nie gebore as een nie. Sy word geplant, ervaar geweldige druk en lyding, word soms vergeet, maar wanneer sy opstaan en skoongemaak word, skyn sy. Maar dit begin alles by een besluit. 'n Besluit wat net sy kan neem."

Die vaardigheidsontwikkeling was 'n enorme sukses en oud en jonk het aan hierdie aktiwiteit deelgeneem. Hoe om bad soute te maak as ‘n inkomste vir hulself, was kranig gevolg. Dit is gevolg deur heerlike etes.

Die energie het gedurende die geleentheid hoog gebly, en sommige dames het ‘n nael behandeling soos die tyd dit toe gelaat het, ontvang.

Belanghebbendes en NPO's wat by die geleentheid teenwoordig was, was RATA, Brakpan SAPS Youth Crime Prevention Desk, Gesondheid en Maatskaplike Dienste, ZULEKU, Truth Heals, Psalm 91 Soul Recovery, I Care Collective en Worthy Ministry Brakpan.

 

 

 

Nou beskikbaar: Living with Intent Journal - 'n Doelgerigte Lewe Joernaal.

Living with Intent Journal is a journal for women of all ages.

Whether you are just starting out in life or have seen the bad/good, this journal will help you keep track of your thoughts and goals. 

A Proudly South African product.

If you can answer one of these questions truthfully, then this journal is for you.

1. Are you looking for guidance and a means to keep track of your goals?

2. Are you alone, without direction and unsure of your next move?

Follow the Link for more Information

PDF R35 per download. 

Available in 8 languages

All pages are marked clearly with one goal in mind; to help and support you in your life journey.

The content:

· How to use this journal

· Benefits Of Journalling

· A Letter To my Future Self

· Self-Love

· Prayer Journal

· Goal Journal

· To Do List

· Gratitude

· Financial Goal

· Savings Overview

· Reading Journal 

Price is set at R35 per PDF. Direct bank details in link. 

Once payment shows in the bank account, a downloadable link will be sent to the email address provided.  

#journaling #empoweringwomen #journalcommunity #goalkeeper #focus #growthmindset #womensupportingwomen #supportsmallbusinessowners

A product of The KreativPreneurs. 

Living with Intent Journal Presentation by Lynelle Clark