SKOONDOGTER PAK HAAR TASSE

Daar staan sy voor jou deur en gee jou ’n klapsoen onder die mistletoe – dankbaar om skoonma te sien en bars in trane uit. Om kinders groot te maak, is nie grappies nie. Skoondogter is op en gedaan; blou kringe om die oë, skurwe knieë soos ’n lêhoender, ietwat mollig geword (sê maar liewer niks!). Seun is moeg geploeg en het ’n mooi ronde boep (sê ook liewer niks!) – in sy skik om weer sy ma te sien (meer oor haar vernuftige kookkuns, want skoondogter se kookkuns laat veel te wese oor). Bederf die moeder van jou kleinkinders en gee haar ’n paar boeke om te lees saam met ’n lekker koppie tee.

(Met innige meegevoel aan alle moeders)

AANLYN WINKEL: https://nskrywershuis.co.za/jou-boekwinkel-jou-uitgewer/

ONTHOU: Die drukker sluit 15 Desember vir die Feestyd. Bestel nou om teleurstelling te vermy.

MAKLIKE VETKOEK

(Lewer 16-20 vetkoeke)

500ml Koekmeel

15ml Bakpoeier

2ml Sout

300ml Louwarm water

1 Eier, geklits

1 Bottel olie vir diepbraai

Sif die koekmeel, bakpoeier en sout saam.

Klits die eier en die water saam en voeg dit by die meelmengsel. Meng tot ñ ligte deeg gevorm is.

Gooi olie in ñ braaipan tot 5cm diep en verhit dit tot matig warm.

Skep lepelsvol van die deeg in die warm olie en braai dit tot goudbruin aan albei kante.

Lig met ñ gaatjieslepel uit die olie en dreineer op kombuispapier.

Wenke

Knyp balletjies van die deeg af en plaas dit op gesmeerde bakplate om sowat 15min lank te rys.

Druk of trek die vetkoeke met die vingerpunte plat, tot ongeveer 2cm dik. Braai die vetkoeke in diep olie en dreineer op kombuispapier.

Tyd vir Aksie. Tyd vir Saamstaan.

 

TYD VIR AKSIE. TYD VIR SAAMSTAAN.

Liewe vriende. Ek kan 'n borgskap kry van 'n Nederlandse kultuurorganisasie vir die Afrikaanse stories wat ek al die afgelope maande voorlees. Soos sommige van julle al weet doen ek potgooie vir Afrikaans.com en programme vir Kaapstad Radio. In die programme lees ek veral kortverhale voor en gesels ek met nuwe, bekende en minder bekende skrywers. Ek doen hierdie werk saam met Nico Schamrel van Ns Uitgewers. In die nabye toekoms word hierdie verhale ook op nog drie lokale radiostasies uitgesaai. Daarnaas maak ek saam met Nico Schamrel Verhale in Leesbeeld vir Net-Afrikaans. Ons is ook in gesprek met Nederlandse taalorganisasies om ons Afrikaanse woordkuns ' n plekkie op (belanghebbende)Nederlandse platforms/forums geplaas te kry.

Om hierdie werk voort te sit het ons nou borgskappe nodig. Beide ek en Nico doen hierdie werk doodgewoon omdat ons lief is vir Afrikaans en omdat ons ons skrywers, veral minder bekende skrywers, graag in die skynwerpers wil plaas.

HOE KAN JY ONS ONDERSTEUN? Dit is maklik. Ons uitdaging is om die Nederlandse kultuurfonds te oortuig dat ons inderdaad 'n gehoor het vir ons werk. DAAROM WIL ONS JULLE VRA OM BY ONS ALLES AFRIKAANS YOUTUBE kanaal aan te sluit. Ons het minstens 1000 (eenduisend) lede nodig om die aanvraag 'n slaagkans te gee. DIT KOS JOU NIKS. Ons plaas weekliks nuwe stories op die kanaal. Sluit aan. Nooi (AL) jou vriende om aan te sluit. Help ons om ' n duisend lede te werf! Dit kan gedoen word as ons mekaar dit gun. Baie dankie vir elkeen se steun.

Klip op https://www.youtube.com/channel/UCA8J_Zc7a1XJDj8khpJfVlg