5 Ster Resensie: Ondersoek my hart deur Ilze Beukes

 

Madelie Botma het sedert haar kinderjare ’n vrees vir hospitale. Toe dokter Ian Duvenhage by haar klas inbars om sy broerskind, Handré, te ondersoek, is dié juffrou dus lelik omgekrap. Dit blyk Handré bly by sy oom omdat daar probleme met sy ma se swangerskap is, en Madelie bied teësinnig hulp aan. Sal die aantreklike Ian haar help om haar vrese te oorwin? Daar’s immers ’n kankerpasiëntjie, Sanet, wat Madelie se bystand nodig het. Of sal die aantygings van Ian se ou liefde Madelie afskrik?

Te koop by 

NB Uitgewers / Goodreads / Takealot






5 Ster Resensie: 

Ek het die boek ontvang tydens ‘n promosie op Facebook, direk van die skryfster af. Tot op daardie dag was sy vir my ‘n vreemdeling en ek het gewonder of ek die storie sal geniet; en soos jy kan sien aan die 5 sterre, het ek.Die skryfster se vloeiende skryfstyl en interresante storie maak van die boek ‘n fees om te lees en ek kan dit aan almal aanbeveel wat hou van ‘n goeie liefdesverhaal wat die hartsnare roer.‘n Belangrike onderwerp word bespreek in die verhaal wat jou weereens die swaarkry van die pasient en familie, en hoe dit almal affekteer, laat besef. Madelie moet haar eie vrese verwerk rakende die siekte, ‘n jong student se eie wroeginge en aanvaarding van haar siekte en ‘n aantreklike dokter wat haar voete onder haar uitslaan. Die storie word met deernis geskryf en jou kan jouself inleef in die hoofkarakter se seer, vrese en hartseer soos wat die boek ontwikkel het.
Die karakters, Madelie en Ian se rolle is baie goed ontwikkel met regte probleme om van die storie ‘n sukses te maak. Madelie is ‘n sterk vrou met ‘n wonderlike ondersteunings groep om haar wat haar dra in tye van haar eie wroeginge. Ian, as jong opkomende dokter word ook goed uitgebeeld, defnitief ‘n ridder op ‘n wit perd tipe wat weet wat hy wil he en nie bang is om te doen wat reg is nie.Selfs die skurk in die boek is goed uitgebeeld, en alhoewel sy ‘n mens goed opvryf kom haar karakter geloofwaardig voor en in geheel gesien dra sy by tot die groei van Madelie en Ian se karakters.
‘n Goeie storie wat jou wegvoer na hul wêreld en jou blootstel aan mense se lief en leed op ‘n tasbare wyse.
Baie dankie vir die boek, Ilze. Ek verwag groot dinge van jou.   

Bio inligting:  

Ek bly in Kroonstad in die Vrystaat,is getroud en  het twee getroude dogters, een seun wat nog swot. Ek is ook 'n ouma vir vier woelwaters. Bedags werk ek by 'n plaaslike laerskool en saans verdwaal ek in 'n wêreld van storieskryf. 

Lesers kan met haar kontak maak op 

Facebook

Skrywers Blad

Top 100 moet lees boeke.

Die 100 boeke wat jy MOET lees: 

1 Dis ek, Anna Lotter, Elbie. 2004.
2 13 uur Meyer, Deon. 2008.
3 Thula-thula Botes, Annelie. 2009.
4 Vaselinetjie Von Meck, Anoeschka. 2004.
5 Fees van die ongenooides Du Plessis, PG. 2008.
6 Tussen stasies Joubert, Irma. 2007.
7 The kite runner Hosseini, Khaled. 2007.
8 The girl with the dragon tattoo Larsson, Stieg. 2008.
9 Raaiselkind Botes, Annelie. 2001.
10 Twilight Meyer, Stephenie. 2006.
11 ‘n Ander ek Dido, EKM. 2007.
12 The girl who kicked the hornets’ nest Larsson, Stieg. 2009.
13 Oros vir die siel Coetzer, Susan. 2009.
14 The book thief Zusak, Markus. 2007.
15 The girl who played with fire. Larsson, Stieg. 2009.
16 Agaat Van Niekerk, Marlene. 2004.
17 Breaking dawn Meyer, Stephenie. 2008.
18 Kroes Stamatelos, Pat. 2005.
19 Eclipse Meyer, Stephenie. 2007.
20 Swartskaap Schoeman, Odette. 2009.
21 Rebecca Adriaanse, Wilna. 2004.
22 New moon Meyer, Stephenie. 2007.
23 Q and A Swarup, Vikas. 2005.
24 Met ander woorde Adriaanse, Wilna. 2006.
25 Plaasmoord Brynard, Karen. 2009.
26 Spud Van der Ruit, John. 2005.
27 Sabbatsreis Botes, Annelie. 2007.
28 ’n Stringetjie blou krale Dido, EKM. 2000.
29 Stefan slaan terug Bergh, Hendrick. 2006.
30 Reisiger Joubert, Elsa. 2009.
31 Toorbos Matthee, Dalene. 2003.
32 Atonement McEwan, Ian. 2001.
33 The Da Vinci code Brown, Dan. 2003.
34 Shantaram Roberts, Gregory David. 2004.
35 Die boek van Ester Adriaanse, Wilna. 2008.
36 Snoeiskêr Steyn, Piet. 2008.
37 Onsigbaar Meyer, Deon. 2007.
38 The boy in the striped pyjamas Boyne, John. 2006.
39 Eilande Sleigh, Dan. 2002.
40 Strooidak en toring De Villiers, Izak. 2009.
41 Die ooreenkoms Kapp, Sophia. 2009.
42 Harry Potter and the half-blood prince Rowling, JK. 2005.
43 We need to talk about Kevin Shriver, Lionel. 2005.
44 Life of Pi Martell, Yann. 2002.
45 Die portier Stamatelos, Pat. 2009.
46 Vergenoeg Van der Vyver, Marita. 2003.
47 Ingrypende genade Kingsbury, Karen. 2007.
48 The shadow of the wind Ruiz Zafon, Carlos. 2004.
49 Die ander Marta Baker, Eleanor. 2002.

50 Die for me Rose, Karen. 2008
51 The elegance of the hedgehog Barbery, Muriel. 2008.
52 Harry Potter and the order of the phoenix Rowling, JK. 2003.
53 The lost symbol Brown, Dan. 2009.
54 Custard vir die siel Coetzer, Susan. 2009.
55 Gister is ’n ver land Breytenbach, Marlene. 2009.
56 Tippex dit uit Conradie, Anne-Marie. 2004.
57 The curious incident of the dog in the night-time Haddon, Mark. 2003.
58 Thomas@geraamte.net Diedericks-Hugo, Carina. 2009.
59 A thousand splendid suns Hosseini, Khaled. 2007.
60 Suurlemoen! Jacobs, Jaco. 2007.
61 The secret life of bees Kidd, Sue Monk. 2002.
62 Eat, pray, love Gilbert, Elizabeth. 2006.
63 Om vry te wees Kingsbury, Karen. 2008.
64 The secret Byrne, Rhonda. 2006.
65 History of love Krauss, Nicole. 2005.
66 Granate bloei in Jerusalem Leroux-Van der Boon, Marzanne. 2003.
67 The road McCarthy, Cormac. 2006.
68 The time traveler’s wife Niffenegger, Audrey. 2004.
69 Die erfl ating Kapp, Sophia. 2007.
70 Sail Patterson, James. 2008.
71 En die ramshoring het geblaas Rivers, Francine. 2003.
72 Die kinderdief Bergh, Hendrick. 2008.
73 Fred se storie Roux-De Jager, Lien. 2009.
74 Infanta Meyer, Deon. 2004.
75 Martha Rust, Winnie. 2004.
76 Orion Meyer, Deon. 2000.
77 Die grafte jubel Steyn, Esta. 2000.
78 Stiltetyd Van der Vyver, Marita. 2006.
79 Harry Potter and the goblet of fire Rowling, JK. 2000.
80 The story of Edgar Sawtelle Wroblewski, David. 2008.
81 Bidsprinkaan Brink, André P. 2005.
82 Fleshmarket Close Rankin, Ian. 2004.
83 A short history of nearly everything Bryson, Bill. 2003.
84 The amazing adventures of Kavalier & Clay Chabon, Michael. 2001.
85 Verkeerdespruit Heyns, Michiel. 2006.
86 Vuur op die horison Van Rooyen, Engela. 2000.
87 ‘n Wonderlike geweld Joubert, Elsa. 2005.
88 Die slag van die breekbrander Kotze, E. 2000.
89 ‘n Vurk in die pad Brink, André P. 2009.
90 Wilhelmina, kampkind op Java Le Roux, Mariel. 2007.
91 Night train to Lisbon Mercier, Pascal. 2008.
92 30 nagte in Amsterdam Van Heerden, Etienne. 2008.
93 Soos klokslag Orford, Margie. 2007.
94 My sister’s keeper Picoult, Jodi. 2004.
95 The bookseller of Kabul Seierstad, Asne. 2003.
96 The elephant whisperer Anthony, Lawrence. 2009.
97 Spud - learning to fl y Van der Ruit, John. 2009
98 The corrections Franzen, Jonathan. 2001.
99 Nooit is ‘n lang, lang tyd Troskie, Anchen. 2008.
100 Santa Gamka Venter, Eben. 2009

Alleenheid word nie beplan nie...

Alleenheid word nie beplan nie maar tog bevind baie mense hulself in daardie posisie; ekself is baie gemaklik met my eie geselskap maar ek het tog die behoefte om my lewe met ‘n spesiale persoon te deel. Daar is baie ander wat gemaklik is om vir die res van hul lewens alleen te wees – daar is niks fout daarmee nie.  

Alleenwees het sy eie kriteria waaraan ‘n mens moet voldoen. Jy moet genoeg selfvertroue hê om alleen uit te gaan en nie skaam of ongemaklik voel wanneer mense na jou staar nie. Indien jy ongemaklik is en dit makliker vind om by die huis te bly dan het jy ‘n probleem. Jy veragter heeltemal en verloor waardevolle tyd met mense. Jy raak as te ware afgestomp en verleer om te kommunikeer. 

Jy skuld dit aan jouself om jouself te vind. Jy moet bereid wees om jouself onder vier oë te kan sien en tevrede te wees met wat jy sien. Daar was ‘n tyd dat ek nie na my eie beeld in ‘n spieël kon kyk nie omdat ek bang was vir my eie weerskaatsing.  Jou oë gee jou ‘n kykie in jou siel en partykeer is dit makliker om dit te vermy. ‘n Mens raak gemaklik om jouself mis te kyk: te sien maar niks waar te neem nie. Maar wanneer die lewe jou dwing dan het jy nie ‘n keuse nie. En daardie kyk kan jou gemak zone omkeer en jy moet dit konfronteer want as jy dit ignoreer kan dit groter skade berokken.

Wanneer jy skielik na ‘n egskeiding of dood van ‘n lewensmaat jouself alleen bevind kan daardie alleenheid jou dom dinge laat aanvang in ‘n desperate hoop om die leemte te vul met iemand anders. Maar dit is nie so maklik nie. Indien jy nie vrede gemaak het met die trauma en jou eie menswees nie kan jy nie aanbeweeg en saam met iemand wandel nie.

‘n Mens sien dit so baie: daardie radelose vereensaaming spesifiek op die sosiale netwerke. Enkelmense wat smeek vir aandag, wat op enkelgroepe gaan vir aanvaarding in die hoop om hul droomman/vrou te vind wat geen goeie einde het nie – ek weet, ek was daar, alles om daardie alleenheid te vul. Die seer wat so opgedoen word het verrykende gevolge omdat jou ewewig heeltemal versteur word.

Gesond word kan op verskeie maniere gedoen word: om ‘n berader te besoek, ‘n baie goeie vriend in jou vertroue te neem en jou hart bloot stel aan hom/haar of om jou te verdiep in jou werk. Vir sommige is hul onwrikbare geloof in God ‘n plek van genesing en vrede. Elkeen in sig self kan jou die vertroue gee om voort te gaan na ‘n traumatiese gebeurtenis maar op die ou einde is dit net jy wat dit kan bewerkstellig. Daarom is dit belangrik om jouself te vind en heel te word.

Wat ookal jy besluit op hierdie nuwe pad weet dat jou groei gelyk is aan die tyd wat jy aan jouself spandeer.    

Skitter Diamante.

©LynelleClark – Diamant Diva

Om my te volg gee my net 'n duimpie by: Diamant Divas Facebook Blad 

Onderhoud met Ilze Beukes: Skryfster van Ondersoek my hart

Onderhoud met Ilze

1.      Iets oor julle self: Waar het die passie vir skryf begin, en wat was jou eerste probeerslag?

Dit was ‘n droom sedert my hoërskooldae. Ek het ‘n gediggie vir ‘n waspoeier kompetisie ingestuur in graad 10 en ‘n prys gewen.

2.     Wie het jou geinspireer om te skryf? 
     My Afrikaanse onnie het gedink ek skryf goeie opstelle, dit het ‘n droom in  my wakker gemaak en ek wou hom graag glo.

3.   In die algemeen, hou jy daarvan om oor jou werk te praat? Indien nie, hoekom nie?

Praat graag daaroor, dis my passie. As ek eers begin, hou ek moeilik op.

4.   Enige boek in die vooruitsig en waaroor sal dit gaan?

Nog ‘n geheimpie, al wat ek kan sê is kyk uit vir ‘n nuwe liefdesverhaal voorlopig in Maart 2018.

5.    Hoe werk die skryf proses vir jou?

Ek soek eers prentjies van karakters wat inpas in my storie-idee. Ek bedink deeglik wie en wat elke karakter is en skryf dan ‘n geraamte van die storie. Ek doen navorsing oor die plek waar die storie gaan plaasvind ens. en wanneer ek genoeg inligting bymekaar gemaak het, spring ek weg.

6.    Waar het jy jou opleiding ontvang?

Ek het ‘n kinderboek skryfkursus en taalkursus deur Janie Oosthuisen geloop in 2011. In 2013 het ek ‘n ATKV skryfskool vir liefdesverhale by NWU bygewoon.

7.    Watter gedeelte van die skryfproses is vir jou die moeilikste?

Die middel van die storie. Dit is wanneer ek gewoonlik in die storie begin twyfel. Sodra ek daar verby is, gaan dit makliker.

8.    Kan jy aan opbouende kommentaar dink wat jou rerig bemoedig het vandat jy begin skryf het?

Daar was baie, maar na my eerste taak by Janie was haar woorde. “Jy gaan nog iets oulik regkry.”

9.    Skryf is ‘n baie persoonlike saak, hoeveel van jou eie ondervindinge word in die stories geweef?

In elke storie skryf ek iets van myself in. Ek dink nie enige skrywer kan anders nie.

10.   Wat is die beste/ of slegste deel van ‘n skrywer?

Ek raak so meegevoer wanneer ek besig is om te skryf, dan begin die skuldgevoel teenoor my gesin insluip.

11.   Enige advies vir aspirerende skrywers?

Glo in jou talent en moet nooit moed opgee nie.

12.   Wat is jou gunsteling genre om te lees en te skryf?

Liefdesverhale, maar ek het ook ‘n hartseer kant wat soms oorborrel in kortverhale.

13.   Gunsteling skrywer of boek?

Vaselientjie

14.   Het jy ‘n loopbaan gehad voor jy as skrywer ontwikkel het?

Ek werk steeds bedags by ‘n plaaslike laerskool. Die plan is om oor twee jaar see toe te trek en net te skryf.

15.   Wat het veroorsaak dat jy wel begin skryf het?

My twee oudste dogters was klaar gestudeer en skielik het ek meer tyd gehad. Toe het dit als begin.

16.   Enige stokperdjies behalwe skryf?

Lees. Krale-werk

17.   Is jy ‘n avonturier en hoe waaghalsig is jy?

Glad nie.

18.   Het jy jou familie se ondersteuning en wat dink hulle daarvan?

My familie ondersteun my ten volle. My man spog gereeld daaroor dat dit sy van is wat op die boeke gedruk is.

 Madelie Botma het sedert haar kinderjare ’n vrees vir hospitale. Toe dokter Ian Duvenhage by haar klas inbars om sy broerskind, Handré, te ondersoek, is dié juffrou dus lelik omgekrap. Dit blyk Handré bly by sy oom omdat daar probleme met sy ma se swangerskap is, en Madelie bied teësinnig hulp aan. Sal die aantreklike Ian haar help om haar vrese te oorwin? Daar’s immers ’n kankerpasiëntjie, Sanet, wat Madelie se bystand nodig het. Of sal die aantygings van Ian se ou liefde Madelie afskrik?

Te koop by 

NB Uitgewers / Goodreads / Takealot

Toe suster Wida Storm hoor dat dokter Eugene Maritz iemand benodig om sy bejaarde ma tuis te versorg, gryp sy die geleentheid aan. Sy wil lankal haar eie tuisverplegingpraktyk begin en dié werk sal haar die nodige ondervinding gee. 

Maar Wida kom gou agter dat als in dié familie nie pluis is nie toe sy saam met tannie Olga in Eugene se huis intrek om haar te versorg. Watse hartseer lê in Eugene se verlede? Waarom is daar ’n stremming op sy verhouding met sy ma? Hoekom skerm tannie Olga vir haar ander seun terwyl Eugene niks met sy broer te doen wil hê nie? 

Met die eerste oogopslag is Eugene stroef en afsydig, maar Wida besef toenemend dat dit ’n front is wat die aantreklike en gevoelvolle dokter voorhou – ’n verskansing teen die verraad en verlies wat hy beleef het. Sy is besig om haar hart onkeerbaar op hom te verloor, maar sal sy ooit die mure wat hy om hom gebou het, kan afbreek? Sal Eugene ooit weer ’n vrou in sy hart toelaat?

Te Koop By

NB Uitgewers / Loot

Leisure Books  / CNA 

Van Shaick 

Bio inligting:  

Ek bly in Kroonstad in die Vrystaat,is getroud en  het twee getroude dogters, een seun wat nog swot. Ek is ook 'n ouma vir vier woelwaters. Bedags werk ek by 'n plaaslike laerskool en saans verdwaal ek in 'n wêreld van storieskryf. 

Lesers kan met haar kontak maak op 

Facebook

Skrywers Blad

Kyk uit vir my resensie van Ondersoek my hart. 

‘n Skets oor Passie deur Lynelle Clark

Gedeel van Tekst Plaatjies.com

Daar was ‘n tyd dat my lewe ‘n nimmereindigende swart put was; waarvan die einde nie sigbaar was nie. Ek het nie geweet of daar enigsins vir my ‘n toekoms was nie en het eenvoudige gestop om te droom, niks het sin gemaak nie. Vir ‘n lang tyd was dit ‘n goeie wegkruip plek – en ek was heel gemaklik daarmee. Maar toe word ek wakker geskrik, in so ‘n mate dat ek besef het ek is ontevrede met my lewe. Die drang na meer het alles oorheersend geword en ek het gerebelleer teen die normale. Ek het geweier om langer aan bande gelê te word en het in ‘n nuwe lewe in gestap.
In die skud-proses is die lewe geneig om jou wêreld om te krap, jou te skud en jou as te ware dwing om uit daardie zone te beweeg. Ja, dit is erg. Dit is baie erg. By tye wil jy verdrink tydends die proses, dit is versmorend selfs, maar dan vind jy iets wat jou anker in die midde van die rond-slingerende strome. Dit is daardie anker wat jou toelaat om die wêreld met nuwe oë te bekyk.
In my geval was my anker skryf. Ons het pas ons besigheid verloor en skielik was ek werkloos asook kinders-loos. My volwasse kinders het in daardie tydperk elkeen hul eie lewe aangepak en net ek en my gewese man was oor. Alles het op eenslag gebeur en ek moes dit verwerk in die beste sin moontlik. Gedurende die skommelings jare was skryf een van die dinge wat my gehelp het in my ontvlugting en geanker het. Dit was ‘n plek waar ek kon ‘praat’ wat op my hart was sonder dat die papier met my terug gepraat of veroordeel het. Ek kon net myself wees.
In die proses het skryf ‘n wêreld vir my oopgemaak waarvan ek nie voorheen bewus was nie. Ek is lief vir lees, was nog altyd, maar het nooit die proses van skryf of die ontwikkeling daarvan verstaan nie totdat ek my eie stories begin skryf het. Om die storie te skryf is seker die maklikste van alles – praat met enige gesoute skrywer en hulle sal dieselfde vertel. Die groot werk kom by die slyp daarvan, die skep van karakters om die storie geloofwaardig te maak, die navorsing - tot by die finale eindpunt: ‘n gepubliseerde boek. En dan, net voor jy dink nou kan jy rus begin die bemarking daarvan. Jy word bemarker, voer onderhoude, boer op die sosiale netwerke en bly gesels oor jou werk totdat jy raakgesien word. Skryf neem jou wêreld oor.
Hierdie proses laat ‘n passie opvlam wat jou aanspoor vir die volgende uitdaging. Sodra die gogga jou gebyt het los dit jou nie; ten spyte van die opofferinge hou jy aan om te glo in jouself. Passie verander jou – en net die wat dit self beleef kan dit verstaan. Dit vernuwe jou denke en open ‘n wêreld so groot dat jy verstom staan oor die omvang daarvan. Passie maak jou vry.

@Lynelle Clark 2017

Die skets word vandag gedeel op Rainbow Gospel Radio deur Ria Fourie.